ਨਵੀਂ ਦਿੱਲੀ, 4 ਅਕਤੂਬਰ | ਭਾਰਤ ਸਰਕਾਰ ਵੱਲੋਂ ਆਮ ਲੋਕਾਂ ਲਈ ਕਈ ਯੋਜਨਾਵਾਂ ਚਲਾਈਆਂ ਜਾਂਦੀਆਂ ਹਨ, ਜਿਨ੍ਹਾਂ ‘ਚੋਂ ਇਕ ਵੱਡੀ ਯੋਜਨਾ ਰਾਸ਼ਨ ਕਾਰਡ ਹੈ। ਅੱਜ ਵੀ ਬਹੁਤ ਸਾਰੇ ਲੋਕ ਅਜਿਹੇ ਹਨ ਜੋ ਸਹੀ ਇਲਾਜ ਜਾਂ ਭੋਜਨ ਦਾ ਪ੍ਰਬੰਧ ਕਰਨ ਤੋਂ ਅਸਮਰੱਥ ਹਨ। ਇਨ੍ਹਾਂ ਲੋੜਵੰਦ ਲੋਕਾਂ ਲਈ ਭਾਰਤ ਸਰਕਾਰ ਰਾਸ਼ਟਰੀ ਖੁਰਾਕ ਸੁਰੱਖਿਆ ਐਕਟ ਤਹਿਤ ਮੁਫਤ ਰਾਸ਼ਨ ਪ੍ਰਦਾਨ ਕਰਦੀ ਹੈ। ਇਸ ਤੋਂ ਇਲਾਵਾ ਕਈ ਲੋਕਾਂ ਨੂੰ ਬਹੁਤ ਘੱਟ ਕੀਮਤ ‘ਤੇ ਰਾਸ਼ਨ ਵੀ ਦਿੱਤਾ ਜਾਂਦਾ ਹੈ।
ਰਾਸ਼ਨ ਕਾਰਡ ਦੇ ਲਾਭ
ਰਾਸ਼ਨ ਕਾਰਡ ਨਾ ਸਿਰਫ ਮੁਫਤ ਜਾਂ ਘੱਟ ਕੀਮਤ ‘ਤੇ ਰਾਸ਼ਨ ਪ੍ਰਾਪਤ ਕਰਨ ਦਾ ਇਕ ਮਾਧਿਅਮ ਹੈ, ਬਲਕਿ ਇਸ ਰਾਹੀਂ ਕਈ ਹੋਰ ਸਹੂਲਤਾਂ ਵੀ ਪ੍ਰਾਪਤ ਕੀਤੀਆਂ ਜਾ ਸਕਦੀਆਂ ਹਨ। ਰਾਸ਼ਨ ਕਾਰਡ ਧਾਰਕ ਨੂੰ ਹੇਠਾਂ ਦਿੱਤੇ 8 ਲਾਭ ਪ੍ਰਾਪਤ ਹੁੰਦੇ ਹਨ-
ਮੁਫਤ ਰਾਸ਼ਨ : ਲੋੜਵੰਦ ਲੋਕਾਂ ਨੂੰ ਵੱਖ-ਵੱਖ ਕਿਸਮਾਂ ਦੀਆਂ ਖਾਣ-ਪੀਣ ਵਾਲੀਆਂ ਵਸਤੂਆਂ ਦੀ ਮੁਫਤ ਵੰਡ।
ਕਿਫਾਇਤੀ ਦਰਾਂ ‘ਤੇ ਰਾਸ਼ਨ : ਰਾਸ਼ਨ ਕਾਰਡ ਧਾਰਕ ਨੂੰ ਸਰਕਾਰ ਦੁਆਰਾ ਨਿਰਧਾਰਤ ਸਸਤੀਆਂ ਦਰਾਂ ‘ਤੇ ਖੁਰਾਕੀ ਵਸਤਾਂ ਮਿਲਦੀਆਂ ਹਨ।
ਸਰਕਾਰੀ ਸਕੀਮਾਂ ਵਿਚ ਭਾਗੀਦਾਰੀ: ਰਾਸ਼ਨ ਕਾਰਡ ਰਾਹੀਂ ਵੱਖ-ਵੱਖ ਸਰਕਾਰੀ ਸਕੀਮਾਂ ਦਾ ਲਾਭ ਲਿਆ ਜਾ ਸਕਦਾ ਹੈ।
ਪਛਾਣ ਦਾ ਸਬੂਤ: ਰਾਸ਼ਨ ਕਾਰਡ ਨੂੰ ਪਛਾਣ ਦੇ ਸਬੂਤ ਵਜੋਂ ਵਰਤਿਆ ਜਾ ਸਕਦਾ ਹੈ।
ਕਰਜ਼ੇ ‘ਤੇ ਸਬਸਿਡੀ: ਕਈ ਯੋਜਨਾਵਾਂ ਵਿਚ ਰਾਸ਼ਨ ਕਾਰਡ ਧਾਰਕਾਂ ਨੂੰ ਕਰਜ਼ੇ ‘ਤੇ ਸਬਸਿਡੀ ਵੀ ਮਿਲਦੀ ਹੈ।
ਬੀਮਾ ਯੋਜਨਾ: ਕੁਝ ਰਾਜਾਂ ਵਿਚ ਰਾਸ਼ਨ ਕਾਰਡ ਧਾਰਕਾਂ ਨੂੰ ਵੀ ਸਿਹਤ ਬੀਮੇ ਦਾ ਲਾਭ ਮਿਲਦਾ ਹੈ।
ਸਮਾਜ ਭਲਾਈ ਸਕੀਮਾਂ: ਸਮਾਜ ਭਲਾਈ ਸਕੀਮਾਂ ਦਾ ਲਾਭ ਰਾਸ਼ਨ ਕਾਰਡ ਰਾਹੀਂ ਵੀ ਲਿਆ ਜਾ ਸਕਦਾ ਹੈ।
ਸਿੱਖਿਆ ਵਿੱਚ ਸਹਾਇਤਾ : ਕੁਝ ਸਕੀਮਾਂ ਹਨ ਜੋ ਰਾਸ਼ਨ ਕਾਰਡ ਧਾਰਕਾਂ ਦੇ ਬੱਚਿਆਂ ਦੀ ਸਿੱਖਿਆ ਵਿਚ ਸਹਾਇਤਾ ਪ੍ਰਦਾਨ ਕਰਦੀਆਂ ਹਨ।
ਰਾਸ਼ਨ ਕਾਰਡ ਦੀਆਂ ਕਿਸਮਾਂ ਅਤੇ ਯੋਗਤਾ
ਭਾਰਤ ਵਿਚ ਕਈ ਤਰ੍ਹਾਂ ਦੇ ਰਾਸ਼ਨ ਕਾਰਡ ਹਨ, ਜੋ ਲੋਕਾਂ ਦੀਆਂ ਲੋੜਾਂ ਤੇ ਆਮਦਨ ਦੇ ਆਧਾਰ ‘ਤੇ ਬਣਾਏ ਜਾਂਦੇ ਹਨ। ਕੁਝ ਰਾਸ਼ਨ ਕਾਰਡ ਅਜਿਹੇ ਹਨ ਜੋ ਸਿਰਫ਼ ਪਛਾਣ ਦੇ ਸਬੂਤ ਲਈ ਜਾਰੀ ਕੀਤੇ ਜਾਂਦੇ ਹਨ ਅਤੇ ਵਿੱਤੀ ਲਾਭ ਨਹੀਂ ਦਿੰਦੇ ਹਨ।
ਰਾਸ਼ਨ ਕਾਰਡ ਸਿਰਫ਼ ਭਾਰਤੀ ਨਾਗਰਿਕਾਂ ਲਈ ਉਪਲਬਧ ਹੈ ਅਤੇ ਪਰਿਵਾਰ ਦਾ ਮੁਖੀ ਇਸ ਲਈ ਅਰਜ਼ੀ ਦੇ ਸਕਦਾ ਹੈ। ਜੇਕਰ ਕਿਸੇ ਵਿਅਕਤੀ ਦੇ ਨਾਂ ‘ਤੇ ਪਹਿਲਾਂ ਹੀ ਰਾਸ਼ਨ ਕਾਰਡ ਹੈ ਤਾਂ ਉਸ ਨੂੰ ਇਸ ਦਾ ਲਾਭ ਨਹੀਂ ਮਿਲੇਗਾ। ਕੇਂਦਰੀ ਖੁਰਾਕ ਵਿਭਾਗ ਵੱਲੋਂ ਰਾਸ਼ਨ ਕਾਰਡ ਜਾਰੀ ਕੀਤਾ ਜਾਂਦਾ ਹੈ ਅਤੇ ਇਸ ਦੀ ਤਸਦੀਕ ਵੀ ਕੀਤੀ ਜਾਂਦੀ ਹੈ। ਜੇਕਰ ਤੁਸੀਂ ਵੈਰੀਫਿਕੇਸ਼ਨ ਵਿਚ ਯੋਗ ਨਹੀਂ ਪਾਏ ਜਾਂਦੇ ਹੋ ਤਾਂ ਤੁਹਾਡਾ ਰਾਸ਼ਨ ਕਾਰਡ ਰੱਦ ਕੀਤਾ ਜਾ ਸਕਦਾ ਹੈ।
