ਨਵੀਂ ਦਿੱਲੀ | ਵ੍ਹਟਸਐਪ ਆਪਣੇ ਯੂਜ਼ਰ ਨੂੰ ਬਿਹਤਰ ਬਣਾਉਣ ਲਈ ਨਵੇਂ ਅਪਡੇਟਸ ਲਿਆਉਂਦਾ ਰਹਿੰਦਾ ਹੈ। ਕੰਪਨੀ ਹੁਣ ਇਕ ਅਜਿਹਾ ਫੀਚਰ ਲੈ ਕੇ ਆ ਰਹੀ ਹੈ, ਜੋ ਯੂਜ਼ਰ ਨੂੰ ਸਟੇਟਸ ਅਪਡੇਟ ਨੂੰ ਰਿਪੋਰਟ ਕਰਨ ਦੇਵੇਗਾ। ਜੋ ਯੂਜ਼ਰ ਨੂੰ ਸਟੇਟਸ ਅਪਡੇਟ ਨੂੰ ਰਿਪੋਰਟ ਕਰਨ ਦੇਵੇਗਾ। ਦੱਸ ਦੇਈਏ ਕਿ ਇਹ ਫੀਚਰ ਡੈਸਕਟਾਪ ਬੀਟਾ ’ਤੇ ਪੇਸ਼ ਕੀਤਾ ਜਾਵੇਗਾ।
ਦੱਸਿਆ ਜਾ ਰਿਹਾ ਹੈ ਕਿ ਇਹ ਫੀਚਰ ਰਿਪੋਰਟਿੰਗ ਮੈਸੇਜ ਵਰਗਾ ਹੈ। ਨਵੀਂ ਅਪਡੇਟ ਦੇਣ ਵਾਲੀ ਸਾਈਟ WABetaInfo ਮੁਤਾਬਿਕ ਨਵਾਂ ਫੀਚਰ ਯੂਜ਼ਰਜ਼ ਨੂੰ ਸਟੇਟਸ ਸੈਕਸ਼ਨ ’ਚ ਇਕ ਨਵੇਂ ਮੈਨਿਊ ’ਚ ਸਟੇਟਸ ਅਪਡੇਟ ਦੀ ਰਿਪੋਰਟ ਕਰਨ ਦੀ ਇਜਾਜ਼ਤ ਦੇਵੇਗਾ। ਜੇ ਯੂਜ਼ਰ ਕਿਸੇ ਵੀ ਸ਼ੱਕੀ ਸਟੇਟਸ ਅਪਡੇਟ ਨੂੰ ਦੇਖਦਾ ਹੈ, ਜੋ ਵ੍ਹਟਸਐਪ ਸੇਵਾ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਉਹ ਨਵੇਂ ਬਦਲ ਨਾਲ ਸੰਚਾਲਨ ਟੀਮ ਨੂੰ ਇਸ ਦੀ ਰਿਪੋਰਟ ਕਰਨ ਦੇ ਯੋਗ ਹੋਵੇਗਾ।
ਸਟੇਟਸ ਅਪਡੇਟ ਕੰਪਨੀ ਨੂੰ ਮਾਡਰੇਸ਼ਨ ਕਾਰਨਾਂ ਨਾਲ ਫਾਰਵਰਡ ਕੀਤਾ ਜਾਵੇਗਾ ਤਾਂ ਜੋ ਉਹ ਦੇਖ ਸਕਣ ਕਿ ਉਲੰਘਣਾ ਹੋਈ ਹੈ ਜਾਂ ਨਹੀਂ। ਇਸ ਦਾ ਮਤਲਬ ਹੈ ਕਿ ਨਾ ਤਾਂ ਵ੍ਹਟਸਐਪ ਅਤੇ ਨਾ ਹੀ ਮੇਟਾ ਯੂਜ਼ਰਜ਼ ਦੇ ਮੈਸੇਜ ਕੰਟੈਕਟ ਦੇਖ ਸਕਦਾ ਹੈ ਅਤੇ ਨਾ ਹੀ ਉਨ੍ਹਾਂ ਦੀਆਂ ਪ੍ਰਾਈਵੇਟ ਕਾਲਾਂ ਨੂੰ ਸੁਣ ਸਕਦੇ ਹਨ। ਪਲੈਟਫਾਰਮ ਅਤੇ ਉਪਭੋਗਤਾਵਾਂ ਨੂੰ ਸੁਰੱਖਿਅਤ ਰੱਖਣ ਲਈ ਇਕ ਰਿਪੋਰਟ ਬਦਲ ਲਿਆਉਣਾ ਜ਼ਰੂਰੀ ਹੈ।
