ਹੁਣ ਨਿਉਜ਼ ਪੋਰਟਲ ਚਲਾਉਣ ਲਈ ਸਰਕਾਰ ਦੀ ਮੰਜੂਰੀ ਜ਼ਰੂਰੀ, ਤਿਆਰੀ ‘ਚ ਸਰਕਾਰ

    0
    420

    ਨਵੀਂ ਦਿੱਲੀ. ਨਿਉਜ਼ ਪੋਰਟਲ ਚਲਾਉਣ ਲਈ ਸਰਕਾਰ ਤੋਂ ਮੰਜੂਰੀ ਲੈਣਾ ਹੁਣ ਜ਼ਰੂਰੀ ਹੋ ਜਾਵੇਗਾ। ਇਸ ਸੰਬੰਧੀ ਸਰਕਾਰ ਨੇ ਪੂਰੀ ਤਿਆਰੀ ਕਰ ਲਈ ਹੈ। ਸਰਕਾਰ ਨੇ ਡਿਜੀਟਲ ਪੋਰਟਲ ਚਲਾਉਣ ਵਾਲੇਆਂ ਦੇ ਲਈ ਸਮਾਚਾਰ ਪੱਤਰ ਪੰਜੀਯਕ (RNI) ‘ਚ ਰਜਿਸਟ੍ਰੇਸ਼ਨ ਦੇ ਨਿਯਮਾਂ ਦਾ ਡ੍ਰਾਫਟ ਤਿਆਰ ਕਰ ਲਿਆ ਹੈ। ਸਰਕਾਰ ਨੇ ਸ਼ੁਕਰਵਾਰ ਨੂੰ ਇਸ ਬਾਰੇ ਲੋਕਸਭਾ ਵਿੱਚ ਜਾਣਕਾਰੀ ਦਿੱਤੀ। ਇਸ ਸੰਬੰਧੀ ਪ੍ਰੈਸ ਅਤੇ ਪੱਤ੍ਰਿਕਾ ਪੰਜੀਕਰਨ ਵਿਧੇਅਕ (2019) ਤਿਆਰ ਕਰ ਲਿਆ ਗਿਆ ਹੈ।

    ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਪ੍ਰਕਾਸ਼ ਜਾਵਡੇਕਰ ਨੇ ਸੰਤੋਸ਼ ਪਾਂਡੇ ਦੇ ਪ੍ਰਸ਼ਨ ਦੇ ਲਿਖਤ ਉੱਤਰ ‘ਚ ਦੱਸਿਆ ਕਿ ਉਹਨਾਂ ਦੇ ਮੰਤਰਾਲੇ ਨੇ ਪ੍ਰੈਸ ਅਤੇ ਪੁਸਤਕ ਪੰਜੀਕਰਨ ਅਧਿਨਿਯਮ – 1867 ਨੂੰ ਬਦਲਣ ਲਈ ਡਰਾਫਟ ‘ਪ੍ਰੈਸ ਅਤੇ ਪੱਤ੍ਰਿਕਾ ਪੰਜੀਕਰਨ ਵਿਧੇਅਕ 2019’ ਤਿਆਰ ਕੀਤਾ ਹੈ । ਉਹਨਾਂ ਨੇ ਕਿਹਾ ਕਿ ਇਸ ਡਰਾਫਟ ਵਿਧੇਅਕ ‘ਚ ਇਹ ਵੀ ਲਿਖਿਆ ਹੈ ਕਿ ਡਿਜੀਟਲ ਮੀਡੀਆ ਤੇ ਖਬਰਾਂ ਪ੍ਰਕਾਸ਼ਿਤ ਕਰਨ ਵਾਲੇ ਨਿਉਜ਼ ਪੋਰਟਲ ਸਮਾਚਾਰ ਪੱਤਰ ਪੰਜੀਯਕ (RNI) ਕੋਲ ਰਜਿਸਟ੍ਰੇਸ਼ਨ ਕਰਵਾਉਣਗੇ। ਇਹ ਡਰਾਫਟ ਆਮ ਲੋਕਾਂ ਦੀ ਰਾਏ ਜਾਨਣ ਲਈ ਮੰਤਰਾਲੇ ਦੀ ਵੈਬਸਾਇਟ ਤੇ ਪਾਇਆ ਗਿਆ ਹੈ।

    Note : ਵਟਸਐਪ ‘ਤੇ ਖਬਰਾਂ ਦੇ ਅਪਡੇਟਸ ਮੰਗਵਾਉਣ ਲਈ 97687-90001 ਨੂੰ ਅਪਣੇ ਮੋਬਾਇਲ ‘ਚ ਸੇਵ ਕਰਕੇ news updates ਮੈਸੇਜ ਕਰੋ ਜਾਂ ਸਾਡੇ WhatsApp ਗਰੁੱਪ ਨਾਲ ਜੁੜਣ ਲਈ https://bit.ly/2uvrbvN ‘ਤੇ ਕਲਿੱਕ ਕਰੋ।