ਮੁੰਬਈ। ਭਾਰਤ ਦਾ ਇਸ ਦੁਨੀਆ ਵਿੱਚ ਮੈਡੀਕਲ ਖੇਤਰ ਵਿੱਚ ਬਹੁਤ ਵੱਡਾ ਯੋਗਦਾਨ ਹੈ ਅਤੇ ਹੁਣ ਪਰੇਲ ਵਿਚ ਟਾਟਾ ਮੈਮੋਰੀਅਲ ਹਸਪਤਾਲ ਦੇ ਕੈਂਸਰ ਸਰਜਨ ਜਲਦੀ ਹੀ ਇਸ ਵਿੱਚ ਇੱਕ ਹੋਰ ਚੀਜ਼ ਜੋੜ ਸਕਦੇ ਹਨ।
ਪਿਛਲੇ ਪੰਦਰਵਾੜੇ ਉਨ੍ਹਾਂ ਨੇ ਸਰਜਰੀ ਨਾਲ ਹਟਾਏ ਜਾਣ ਤੋਂ ਠੀਕ ਪਹਿਲਾਂ ਟਿਊਮਰ ਵਿੱਚ ਅਤੇ ਇਸ ਦੇ ਆਲੇ ਦੁਆਲੇ ਇੱਕ ਸਸਤੀ ਦਵਾਈ ਨੂੰ ਇੰਜੈਕਟ ਕਰਨ ਦੀ ਇੱਕ ਘਰੇਲੂ ਤਕਨੀਕ ਦੇ ਟ੍ਰਾਇਲ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਦਵਾਈ ਭੰਗ ਦੇ ਪੌਦੇ ਤੋਂ ਬਣਾਈ ਜਾਂਦੀ ਹੈ। ਇਸ ਤੋਂ ਪਹਿਲਾਂ ਕੀਤੇ ਗਏ ਟੈਸਟਾਂ ਨੇ ਦਿਖਾਇਆ ਹੈ ਕਿ ਇਨ੍ਹਾਂ ਟੀਕਿਆਂ ਨੇ ਠੋਸ ਟਿਊਮਰ ਦੇ ਦੁਬਾਰਾ ਹੋਣ ਦੀ ਦਰ ਨੂੰ ਇੱਕ ਤਿਹਾਈ ਤੱਕ ਘਟਾ ਦਿੱਤਾ ਹੈ।
“ਟਾਈਮਜ਼ ਆਫ਼ ਇੰਡੀਆ’ ਦੀ ਇੱਕ ਰਿਪੋਰਟ ਦੇ ਅਨੁਸਾਰ ਇਹ ਖੋਜ 9 ਸਤੰਬਰ ਨੂੰ ਪੈਰਿਸ ਵਿੱਚ ਹੋਈ ਯੂਰਪੀਅਨ ਸੁਸਾਇਟੀ ਫਾਰ ਮੈਡੀਕਲ ਓਨਕੋਲੋਜੀ ਦੀ ਮੀਟਿੰਗ ਵਿੱਚ ਪੇਸ਼ ਕੀਤੀ ਗਈ ਸੀ। ਫਿਲਹਾਲ ਇਸ ਸਮੇਂ ਇਸ ਗੱਲ ਨੂੰ ਨਿਰਵਿਵਾਦ ਸਾਬਤ ਕਰਨ ਲਈ ਹੋਰ ਟੈਸਟ ਚੱਲ ਰਹੇ ਹਨ ਜਾਂ ਸ਼ੁਰੂ ਹੋਣ ਵਾਲੀ ਹੈ।
ਇਹ ਵਿਚਾਰ ਛਾਤੀ ਦੇ ਕੈਂਸਰ ਸਰਜਨ ਡਾਕਟਰ ਰਾਜੇਂਦਰ ਬਡਵੇ ਦੇ ਦਿਮਾਗ ਦੀ ਉਪਜ ਹੈ, ਜੋ ਪੂਰੇ ਟਾਟਾ ਮੈਮੋਰੀਅਲ ਸੈਂਟਰ ਦੇ ਡਾਇਰੈਕਟਰ ਹਨ। ਟਾਟਾ ਮੈਮੋਰੀਅਲ ਸੈਂਟਰ ਹੁਣ ਦੇਸ਼ ਭਰ ਵਿੱਚ ਨੌਂ ਹਸਪਤਾਲਾਂ ਦਾ ਪ੍ਰਬੰਧਨ ਕਰਦਾ ਹੈ। ਇਹ ਟੈਸਟ ਦੇਸ਼ ਭਰ ਦੇ 10 ਹੋਰ ਹਸਪਤਾਲਾਂ ਵਿੱਚ ਕੀਤੇ ਜਾ ਰਹੇ ਹਨ।
ਇਸ ਖੋਜ ਦੇ ਪ੍ਰਚਾਰ ਤੋਂ ਲੈ ਕੇ ਹੁਣ ਤੱਕ 3 ਵੱਡੀਆਂ ਘਟਨਾਵਾਂ ਵਾਪਰੀਆਂ ਹਨ। ਹੁਣ ਲਿਡੋਕੇਨ ਦਾ ਉਪਯੋਗ ਘੱਟ ਤੋਂ ਘੱਟ ਟਾਟਾ ਹਸਪਤਾਲਾਂ ਵਿੱਚ ਛਾਤੀ ਦੇ ਕੈਂਸਰ ਦੀ ਸਰਜਰੀ ਦਾ ਹਿੱਸਾ ਹੈ। ਦੂਜਾ, ਟਾਟਾ ਮੈਮੋਰੀਅਲ ਅਤੇ ਰਾਏਪੁਰ ਦੇ ਬਾਲਕੋ ਸੈਂਟਰ ਵਿਚ ਮੂੰਹ ਦੇ ਕੈਂਸਰ ਦੇ ਮਰੀਜ਼ਾਂ ‘ਤੇ ਇਸ ਦਾ ਟ੍ਰਾਇਲ ਸ਼ੁਰੂ ਹੋ ਗਿਆ ਹੈ। ਤੀਸਰਾ ਅਤੇ ਸਭ ਤੋਂ ਮਹੱਤਵਪੂਰਨ ਉਹਨਾਂ ਕੈਂਸਰ ਦੇ ਮਰੀਜ਼ਾਂ ਲਈ ਭੰਗ ਦੀ ਵਰਤੋਂ ਦੀ ਮਨਜੂਰੀ ਮਿਲ ਗਈ ਹੈ ਜਿਨ੍ਹਾਂ ਦੇ ਟਿਊਮਰ ਵਿੱਚ ਇਸ ਨੂੰ ਇੰਜੈਕਟ ਕਰਨਾ ਆਸਾਨ ਨਹੀਂ ਹੈ।
