ਨਵੀਂ ਦਿੱਲੀ . ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਦੇ ਸੰਸਦੀ ਖੇਤਰ ਵਿੱਚ ਵਾਰਾਣਸੀ ਵਿਚ ਇੱਕ ਔਰਤ ਡਾਕਟਰ ਬੇਟੀ ਬਚਾਓ ਦੇ ਸੁਪਨੇ ਨੂੰ ਸਾਕਾਰ ਕਰਨ ਵਿੱਚ ਲੱਗੀ ਹੋਈ ਹੈ। ਡਾ. ਸ਼ਿਪਧਰ ਸ੍ਰੀਵਾਸਤਵ ਦੇ ਅਨੁਸਾਰ, ‘ਬੇਟੀਆਂ ਨਹੀਂ ਹੈ ਬੋਝ,ਆਓ ਬਦਲੀਏ ਸੋਚ’ ਮੁਹਿੰਮ ਦੇ ਤਹਿਤ ਆਪਣੇ ਨਰਸਿੰਗ ਹਸਪਤਾਲ ਵਿੱਚ ਜਣੇਪੇ ਦੌਰਾਨ ਧੀ ਦੇ ਜਨਮ ਲੈਣ ਉਤੇ ਫੀਸ ਨਹੀਂ ਲੈਂਦੀ ਹੈ। ਇੰਨਾ ਹੀ ਨਹੀਂ, ਉਹ ਮਠਿਆਈਆਂ ਵੰਡ ਕੇ ਵੀ ਖੁਸ਼ੀ ਮਨਾਉਂਦੀ ਹੈ। ਜਦੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਡਾਕਟਰ ਸ਼ਿਪਰਾ ਦੇ ਹਸਪਤਾਲ ਦੀ ਇਸ ਮੁਹਿੰਮ ਬਾਰੇ ਪਤਾ ਲੱਗਿਆ ਤਾਂ ਉਹ ਵੀ ਇਸ ਤੋਂ ਬਹੁਤ ਪ੍ਰਭਾਵਿਤ ਹੋਏ। ਜਦੋਂ ਪੀਐਮ ਮੋਦੀ ਮਈ ਵਿੱਚ ਵਾਰਾਣਸੀ ਆਏ ਸਨ ਤਾਂ ਉਹ ਡਾ: ਸ਼ਿਪਰਾ ਨੂੰ ਮਿਲੇ ਸਨ।
ਇਹ ਕਿਹਾ ਜਾਂਦਾ ਹੈ ਕਿ ਇਕ ਲੜਕੀ ਦੇ ਜਨਮ ‘ਤੇ ਉਹ ਨਾ ਤਾਂ ਫੀਸ ਲੈਂਦੀ ਹੈ ਅਤੇ ਨਾ ਹੀ ਹਸਪਤਾਲ ਵਿਚ ਬੈੱਡ ਚਾਰਜ ਲਿਆ ਜਾਂਦਾ ਹੈ। ਜੇ ਆਪ੍ਰੇਸ਼ਨ ਕਰਨਾ ਪਵੇ ਤਾਂ ਉਹ ਵੀ ਮੁਫਤ ਹੈ। ਪਿਛਲੇ ਕੁਝ ਸਾਲਾਂ ਤੋਂ ਡਾਕਟਰ ਸ਼ਿਪਰਾ ਦੇ ਨਰਸਿੰਗ ਹੋਮ ਵਿਚ 386 ਧੀਆਂ ਦੇ ਜਨਮ ‘ਤੇ ਕੋਈ ਚਾਰਜ ਨਹੀਂ ਲਿਆ ਗਿਆ ਹੈ। ਡਾ. ਸ਼ਿਪਰਾ ਧਰ ਸ੍ਰੀਵਾਸਤਵ ਕਹਿੰਦੇ ਹਨ, ‘ਲੋਕ ਅਜੇ ਵੀ ਧੀਆਂ ਪ੍ਰਤੀ ਨਕਾਰਾਤਮਕ ਸੋਚ ਰੱਖਦੇ ਹਨ। ਜਦੋਂ ਪਰਿਵਾਰ ਨੂੰ ਪਤਾ ਲੱਗ ਜਾਂਦਾ ਹੈ ਕਿ ਇਕ ਧੀ ਦਾ ਜਨਮ ਹੋਇਆ ਹੈ, ਤਾਂ ਉਹਨਾਂ ਦੇ ਚਿਹਰੇ ਉਤੇ ਅਕਸਰ ਮਾਯੂਸੀ ਛਾ ਜਾਂਦੀ ਹੈ।
ਡਾਕਟਰ ਸ਼ਿਪਰਾ ਨੇ ਵੀ ਗਰੀਬ ਲੜਕੀਆਂ ਦੀ ਸਿੱਖਿਆ ਦਾ ਵੀ ਬੀੜਾ ਚੁੱਕਿਆ ਹੋਇਆ ਹੈ। ਉਹ ਨਰਸਿੰਗ ਹੋਮਜ਼ ਵਿੱਚ ਕੁੜੀਆਂ ਨੂੰ ਪੜ੍ਹਾਉਂਦੀ ਹੈ। ਸਿਰਫ ਇੰਨਾ ਹੀ ਨਹੀਂ, ਉਹ ਗਰੀਬ ਪਰਿਵਾਰਾਂ ਦੀਆਂ ਧੀਆਂ ਨੂੰ ਸੁਕੰਨਿਆ ਸਮਰਿਧੀ ਯੋਜਨਾ ਦਾ ਲਾਭ ਪ੍ਰਾਪਤ ਕਰਨ ਵਿੱਚ ਸਹਾਇਤਾ ਵੀ ਕਰਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਡਾਕਟਰ ਸ਼ਿਪਰਾ ਦੇ ਪਤੀ ਡਾ: ਮਨੋਜ ਕੁਮਾਰ ਸ਼੍ਰੀਵਾਸਤਵ ਵੀ ਇੱਕ ਡਾਕਟਰ ਹਨ। ਬੇਟੀਆਂ ਦੇ ਜਨਮ ਨੂੰ ਸਰਾਪ ਸਮਝਣ ਵਾਲਿਆਂ ਦੀ ਸੋਚ ਲਈ, ਡਾ ਸ਼ਿਪਰਾਧਰ ਦੀ ਬੇਟੀ ਬਚਾਓ ਦੀ ਮੁਹਿੰਮ ਕਾਬਲੇਤਾਰੀਫ ਹੈ। ਇਸ ਮੁਹਿੰਮ ਨਾਲ ਨਾ ਸਿਰਫ ਲੋਕਾਂ ਦੀ ਸੋਚ ਬਦਲ ਰਹੀ ਹੈ, ਬਲਕਿ ਹੁਣ ਲੋਕ ਬੇਟੀ ਦੇ ਜਨਮ ‘ਤੇ ਖੁਸ਼ੀ ਮਨਾ ਰਹੇ ਹਨ।
