ਬਰਨਾਲਾ | ਜ਼ਿਲ੍ਹੇ ਦੇ ਪਿੰਡ ਮਨਾਲ ਦੇ ਇੱਕ ਮੱਧਵਰਗੀ ਕਿਸਾਨ ਪਰਿਵਾਰ ਨਾਲ ਸਬੰਧਤ ਇੱਕ ਮੁਟਿਆਰ ਨੇ ਪਾਇਲਟ ਬਣਨ ਲਈ 200 ਘੰਟਿਆਂ ਵਿੱਚੋਂ 150 ਘੰਟੇ ਦਾ ਫਲਾਇੰਗ ਟੈਸਟ ਪੂਰਾ ਕੀਤਾ ਹੈ। ਜਲਦ ਹੀ ਇਹ ਮੁਟਿਆਰ ਪਾਇਲਟ ਦੇ ਰੂਪ ‘ਚ ਅਸਮਾਨ ‘ਚ ਉੱਡਦੀ ਨਜ਼ਰ ਆਵੇਗੀ।
ਕੁਲਵੀਰ ਕੌਰ ਦੇ ਪਿਤਾ ਇੱਕ ਛੋਟੇ ਕਿਸਾਨ ਹਨ ਤੇ ਮਾਤਾ ਕੁਲਵੀਰ ਕੌਰ ਇੱਕ ਆਂਗਨਵਾੜੀ ਵਰਕਰ ਹੈ। ਉਹ ਆਪਣੇ ਮਾਪਿਆਂ ਦਾ ਇਕਲੌਤਾ ਧੀ ਹੈ। ਕੁਲਵੀਰ ਕੌਰ ਦੀ ਹੌਸਲਾ ਅਫਜਾਈ ਲਈ ਆਮ ਆਦਮੀ ਪਾਰਟੀ ਦੇ ਰਾਜ ਸਭਾ ਮੈਂਬਰ ਪਦਮਸ੍ਰੀ ਵਿਕਰਮਜੀਤ ਸਿੰਘ ਸਾਹਨੀ ਨੇ ਸਨ ਫਾਊਂਡੇਸ਼ਨ ਦੀ ਤਰਫੋਂ ਉਨ੍ਹਾਂ ਨੂੰ ਚੰਡੀਗੜ੍ਹ ਬੁਲਾਇਆ ਤੇ 5.80 ਲੱਖ ਦਾ ਚੈੱਕ ਵਿਸ਼ੇਸ਼ ਤੌਰ ‘ਤੇ ਦਿੱਤਾ। ਦੂਜੇ ਪਾਸੇ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾ ਨੇ ਉਨ੍ਹਾਂ ਨੂੰ ‘ਪੰਜਾਬ ਦੀ ਧੀ’ ਕਹਿ ਕੇ ਸੰਬੋਧਨ ਕਰਦਿਆਂ ਭਵਿੱਖ ਵਿੱਚ ਹਰ ਸੰਭਵ ਮਦਦ ਦਾ ਭਰੋਸਾ ਦਿੱਤਾ।
ਬੇਸ਼ੱਕ ਕੁਲਵੀਰ ਕੌਰ ਦੇ ਕਮਰਸ਼ੀਅਲ ਪਾਇਲਟ ਬਣਨ ਵਿਚ ਅਜੇ 50 ਘੰਟੇ ਦੀ ਫਲਾਈਟ ਬਾਕੀ ਹੈ ਪਰ ਜਦੋਂ ਤੋਂ ਉਸ ਦਾ ਨਾਂ ਲਾਈਮਲਾਈਟ ਵਿਚ ਆਇਆ ਹੈ, ਘਰ ਵਿਚ ਵਿਆਹ ਵਰਗਾ ਮਾਹੌਲ ਬਣ ਗਿਆ ਹੈ। ਕੁਲਵੀਰ ਨੇ ਸਪੱਸ਼ਟ ਕੀਤਾ ਕਿ ਉਸਨੇ ਹੋਰ ਵਿਦਿਆਰਥੀਆਂ ਵਾਂਗ ਕੈਨੇਡਾ, ਆਸਟ੍ਰੇਲੀਆ ਜਾਂ ਕਿਸੇ ਹੋਰ ਦੇਸ਼ ਵਿੱਚ ਸੈਟਲ ਹੋਣ ਬਾਰੇ ਕਦੇ ਨਹੀਂ ਸੋਚਿਆ। ਉਸ ਦੀ ਸੋਚ ਅਨੁਸਾਰ ਇਹ ਕੈਨੇਡਾ ਸਮੇਤ ਦੁਨੀਆ ਦੇ ਵੱਖ-ਵੱਖ ਦੇਸ਼ਾਂ ਵਿਚ ਜਾਣ ਲਈ ਹੈ, ਉਹ ਪੱਕੇ ਤੌਰ ‘ਤੇ ਠਹਿਰਨ ਲਈ ਨਹੀਂ ਹੈ।
