ਚੰਡੀਗੜ੍ਹ | ਪੰਜਾਬ ਵਿਚ ਗ੍ਰੀਨ ਐਨਰਜੀ ਅਤੇ ਇਲੈਕਟ੍ਰਿਕ ਕਾਰਾਂ ਚਲਾਉਣ ਦਾ ਪੱਖ ਰੱਖਣ ਵਾਲੇ ਲੋਕਾਂ ਲਈ ਖੁਸ਼ਖਬਰੀ ਹੈ। ਹੁਣ ਉਨ੍ਹਾਂ ਨੂੰ ਹਾਈਵੇ ‘ਤੇ ਸਫਰ ਕਰਦੇ ਸਮੇਂ ਆਪਣੀ ਬੈਟਰੀ ਨਾਲ ਚੱਲਣ ਵਾਲੀਆਂ ਕਾਰਾਂ ਨੂੰ ਚਾਰਜ ਕਰਨ ਦੀ ਚਿੰਤਾ ਨਹੀਂ ਕਰਨੀ ਪਵੇਗੀ।
ਸੁਮਿਤ ਨੇ ਦੱਸਿਆ ਕਿ ਕਾਰਾਂ ਨੂੰ 25 ਰੁਪਏ ਪ੍ਰਤੀ ਯੂਨਿਟ ਦੀ ਦਰ ਨਾਲ ਚਾਰਜ ਕੀਤਾ ਜਾਵੇਗਾ। ਫਿਲਹਾਲ ਕੰਪਨੀ ਨੇ ਹੁਣੇ-ਹੁਣੇ ਨਵੇਂ ਚਾਰਜਿੰਗ ਯੂਨਿਟ ਲਾਂਚ ਕੀਤੇ ਹਨ ਅਤੇ ਖਪਤਕਾਰਾਂ ਲਈ ਛੋਟਾਂ ਦੀ ਪੇਸ਼ਕਸ਼ ਵੀ ਕੀਤੀ ਹੈ। ਕੰਪਨੀ ਗ੍ਰੀਨ ਐਨਰਜੀ ਵੱਲ ਆਕਰਸ਼ਿਤ ਕਰਨ ਲਈ ਸ਼ੁਰੂਆਤੀ ਪੜਾਅ ‘ਚ ਗਾਹਕਾਂ ਨੂੰ 10 ਫੀਸਦੀ ਦੀ ਛੋਟ ਦੇਵੇਗੀ।
ਭਾਰਤ ਪੈਟਰੋਲੀਅਮ ਦੇ ਜਲੰਧਰ ਕੋਆਰਡੀਨੇਟਰ ਸੁਮਿਤ ਸੁਮਨ ਨੇ ਦੱਸਿਆ ਕਿ ਅੱਜ ਦੁਪਹਿਰ 2.30 ਵਜੇ ਤੋਂ ਸ਼ੰਭੂ ਬਾਰਡਰ ਤੋਂ ਜਲੰਧਰ, ਸ਼ੰਭੂ ਬਾਰਡਰ, ਦੋਰਾਹਾ, ਫਿਲੌਰ, ਫਗਵਾੜਾ ਅਤੇ ਜਲੰਧਰ ਦੇ 5 ਪੈਟਰੋਲ ਪੰਪਾਂ ‘ਤੇ ਚਾਰਜਿੰਗ ਯੂਨਿਟ ਚੱਲਣੇ ਸ਼ੁਰੂ ਹੋ ਗਏ ਹਨ। ਉਨ੍ਹਾਂ ਕਿਹਾ ਕਿ ਫਿਲਹਾਲ ਇਨ੍ਹਾਂ ਯੂਨਿਟਾਂ ਵਿਚ ਸਿਰਫ ਕਾਰਾਂ ਲਈ ਚਾਰਜਿੰਗ ਦੀ ਸਹੂਲਤ ਹੋਵੇਗੀ। ਛੋਟੇ ਵਾਹਨਾਂ ਲਈ ਵੀ ਜਲਦੀ ਹੀ ਇੰਤਜ਼ਾਮ ਕੀਤੇ ਜਾ ਰਹੇ ਹਨ।
ਕਾਰ ਨੂੰ ਚਾਰਜ ਕਰਨ ਲਈ ਗਾਹਕਾਂ ਨੂੰ ਆਪਣੇ ਮੋਬਾਇਲ ‘ਤੇ BPCL ਦੀ ਐਪ ਡਾਊਨਲੋਡ ਕਰਨੀ ਪਵੇਗੀ। ਇਸ ਐਪ ਰਾਹੀਂ ਵਾਹਨ ਨੂੰ ਚਾਰਜ ਕੀਤਾ ਜਾ ਸਕੇਗਾ। ਭੁਗਤਾਨ ਕੰਪਨੀ ਨਕਦ ਸਵੀਕਾਰ ਨਹੀਂ ਕਰੇਗੀ। ਇਸ ਲਈ ਐਪ ਵਿਚ ਪੈਸੇ ਐਡਵਾਂਸ ਰੱਖੇ ਜਾ ਸਕਦੇ ਹਨ ਜਾਂ ਕ੍ਰੈਡਿਟ ਕਾਰਡ ਰਾਹੀਂ ਹੀ ਭੁਗਤਾਨ ਕਰਨਾ ਹੋਵੇਗਾ। ਅੱਧੇ ਘੰਟੇ ਤੱਕ ਚਾਰਜ ਕਰਨ ਤੋਂ ਬਾਅਦ ਇਹ ਕਾਰ 125 ਕਿਲੋਮੀਟਰ ਤੱਕ ਚੱਲੇਗੀ। ਭਾਰਤ ਪੈਟਰੋਲੀਅਮ ਨੇ ਦਿੱਲੀ-ਜੰਮੂ ਹਾਈਵੇ ‘ਤੇ ਸ਼ੰਭੂ ਸਰਹੱਦ ਤੋਂ ਜਲੰਧਰ ਤੱਕ 5 ਥਾਵਾਂ ‘ਤੇ ਚਾਰਜਿੰਗ ਯੂਨਿਟਾਂ ਨੂੰ ਚਾਲੂ ਕਰ ਦਿੱਤਾ ਹੈ।
