ਨਿਊਜ਼ ਡੈਸਕ, 16 ਅਕਤੂਬਰ| ਆਖ਼ਰਕਾਰ, ਔਰਤਾਂ ਕਿਸ ਤਰ੍ਹਾਂ ਦੇ ਮਰਦਾਂ ਵੱਲ ਆਕਰਸ਼ਿਤ ਹੁੰਦੀਆਂ ਹਨ? ਉਹ ਕਿਸ ਤਰ੍ਹਾਂ ਦੇ ਮਰਦਾਂ ਨਾਲ ਵਿਆਹ ਕਰਨਾ ਚਾਹੁੰਦੀਆਂ ਹਨ ਅਤੇ ਉਹ ਕਿਸ ਤਰ੍ਹਾਂ ਦੇ ਆਦਮੀ ਨਾਲ ਡੇਟ ‘ਤੇ ਜਾਣਾ ਚਾਹੁੰਦੀਆਂ ਹਨ, ਇਹ ਕੁਝ ਅਜਿਹੇ ਸਵਾਲ ਹਨ ਜਿਨ੍ਹਾਂ ‘ਤੇ ਹਮੇਸ਼ਾ ਚਰਚਾ ਹੁੰਦੀ ਹੈ। ਸ਼ਾਇਦ ਇਸੇ ਲਈ ਇਹ ਖੋਜ ਦਾ ਵਿਸ਼ਾ ਵੀ ਬਣ ਗਿਆ ਹੈ!
‘ਪਰਸਨਲ ਰਿਲੇਸ਼ਨਸ਼ਿਪਸ’ ਦੀ ਖੋਜ ਦਰਸਾਉਂਦੀ ਹੈ ਕਿ ਜੇਕਰ ਗੱਲ ਸ਼ਾਰਟ ਟਰਮ ਰਿਲੇਸ਼ਨਸ਼ਿੱਪ ਦੀ ਹੋਵੇ ਤਾਂ ਔਰਤਾਂ ਸਰੀਰਕ ਤੌਰ ਉਤੇ ਮਜ਼ਬੂਤ ਪੁਰਸ਼ਾਂ ਨੂੰ ਤਰਜੀਹ ਦਿੰਦੀਆਂ ਹਨ ਪਰ ਇਸਦੇ ਉਲਟ ਜਦੋਂ ਵਿਆਹ ਅਤੇ ਲੰਬੇ ਸਮੇਂ ਦੇ ਸਬੰਧਾਂ ਦੀ ਗੱਲ ਆਉਂਦੀ ਹੈ, ਤਾਂ ਔਰਤਾਂ ਆਮ ਤੌਰ ‘ਤੇ ਖੁਸ਼ਮਿਜਾਜ਼ ਪੁਰਸ਼ਾਂ ਨੂੰ ਪਹਿਲ ਦਿੰਦੀਆਂ ਹਨ।
‘ਪਰਸਨਲ ਰਿਲੇਸ਼ਨਸ਼ਿਪਸ’ ‘ਚ ਪ੍ਰਕਾਸ਼ਿਤ ਅਧਿਐਨ ਦਾ ਇਕ ਨਤੀਜਾ ਇਹ ਵੀ ਦੱਸਦਾ ਹੈ ਕਿ ਜਦੋਂ ਗੱਲ ਲੰਬੇ ਸਮੇਂ ਦੇ ਰਿਸ਼ਤਿਆਂ ਦੀ ਹੋਵੇ ਤਾਂ ਸਫਲਤਾ ਉਦੋਂ ਹੀ ਮਿਲਦੀ ਹੈ, ਜਦੋਂ ਪਾਰਟਨਰ ‘ਚ ਖੁਸ਼ਮਿਜਾਜ਼ ਹੋਵੇ। ਅਮਰੀਕਾ ਦੀ ਯੂਨੀਵਰਸਿਟੀ ਆਫ ਅਰਕਾਨਸਾਸ ਦੇ ਫੁਲਬ੍ਰਾਈਟ ਕਾਲਜ ਆਫ ਆਰਟਸ ਐਂਡ ਸਾਇੰਸਜ਼ ਦੇ ਮਨੋਵਿਗਿਆਨ ਦੇ ਪ੍ਰੋਫੈਸਰ ਮਿਚ ਬ੍ਰਾਊਨ ਨੇ ਕਿਹਾ ਕਿ ਸਾਡੇ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਔਰਤਾਂ ਤਾਕਤਵਰ ਪੁਰਸ਼ਾਂ ਅਤੇ ਹੱਸਮੁੱਖ ਮਰਦਾਂ ਵਿਚਕਾਰ ਆਪਣੀ ਪਸੰਦ ਦੇ ਹਿਸਾਬ ਨਾਲ ਚੋਣ ਕਰਦੀਆਂ ਹਨ।
ਸਰਲ ਭਾਸ਼ਾ ਵਿੱਚ ਦੱਸੀਏ ਤਾਂ ਉਹ ਕੁਝ ਖਾਸ ਫੈਕਟਰ ਨੂੰ ਧਿਆਨ ਵਿੱਚ ਰੱਖ ਕੇ ਆਪਣਾ ਸਾਥੀ ਚੁਣਦੀਆਂ ਹਨ। ਔਰਤਾਂ ਥੋੜ੍ਹੇ ਸਮੇਂ ਦੇ ਰਿਸ਼ਤਿਆਂ ਲਈ ਤਾਕਤਵਰ ਮਰਦਾਂ ਨੂੰ ਤਰਜੀਹ ਦਿੰਦੀਆਂ ਹਨ ਜਿਵੇਂ ਕਿ ਡੇਟਿੰਗ ਅਤੇ ਲੰਬੇ ਸਮੇਂ ਦੇ ਸਬੰਧਾਂ ਲਈ ਹਸਮੁੱਖ ਸੁਭਾਅ ਵਾਲੇ ਮਰਦ ਨੂੰ ਚੁਣਦੀਆਂ ਹਨ।
ਇਹ ਖੋਜ ਇਹ ਸਮਝਣ ਲਈ ਕੀਤੀ ਗਈ ਸੀ ਕਿ ਕਿਹੜੇ ਕਾਰਕ ਸਮਾਜਿਕ ਧਾਰਨਾਵਾਂ ਅਤੇ ਅੰਤਰ-ਵਿਅਕਤੀਗਤ ਤਰਜੀਹਾਂ ਨੂੰ ਪ੍ਰਭਾਵਤ ਕਰਦੇ ਹਨ। ਦਿਲਚਸਪ ਖੋਜ ਡੇਟਾ ਦਿਖਾਉਂਦਾ ਹੈ ਕਿ ਕਿਵੇਂ ਲੋਕਾਂ ਦੀਆਂ ਥੋੜ੍ਹੇ ਸਮੇਂ ਅਤੇ ਲੰਬੇ ਸਮੇਂ ਦੇ ਸਾਥੀਆਂ ਲਈ ਵੱਖੋ-ਵੱਖਰੀਆਂ ਤਰਜੀਹਾਂ ਹੁੰਦੀਆਂ ਹਨ, ਅਤੇ ਸਰੀਰਕ ਵਿਸ਼ੇਸ਼ਤਾਵਾਂ ਅਤੇ ਵਿਵਹਾਰ ਨੂੰ ਵੱਖਰੇ ਢੰਗ ਨਾਲ ਮਹੱਤਵ ਦਿੰਦੇ ਹਨ।
