ਨਿਊਜ਼ ਡੈਸਕ| ਹਾਲ ਹੀ ਵਿੱਚ ਪ੍ਰਕਾਸ਼ਿਤ ਇੱਕ ਖੋਜ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਸ਼ਰਾਬ ਪੀਣ ਨਾਲ ਮਰਦਾਂ ਦੇ ਮੁਕਾਬਲੇ ਔਰਤਾਂ ਨੂੰ ਜ਼ਿਆਦਾ ਸਰੀਰਕ ਨੁਕਸਾਨ ਹੁੰਦਾ ਹੈ।
ਕਵੀ ਹਰੀਵੰਸ਼ ਰਾਏ ਬੱਚਨ ਦੀ ਮਸ਼ਹੂਰ ਕਵਿਤਾ ਮਧੂਸ਼ਾਲਾ ਦੀ ਮਸ਼ਹੂਰ ਲਾਈਨ ‘ਬੈਰ ਕਰਾਤੇ ਮੰਦਰ-ਮਸਜਿਦ, ਮੇਲ ਕਰਾਤੀ ਮਧੂਸ਼ਾਲਾ।’ ਇਸ ਦਾ ਅਰਥ ਹੈ ਜਿੱਥੇ ਹਰ ਕੋਈ ਬੈਠ ਕੇ ਸ਼ਰਾਬ ਪੀਂਦਾ ਹੈ, ਉੱਥੇ ਹਰ ਵਿਅਕਤੀ ਬਰਾਬਰ ਹੈ। ਕਿਸੇ ਕਿਸਮ ਦਾ ਕੋਈ ਵਿਤਕਰਾ ਨਹੀਂ ਹੈ। ਪਰ ਤਾਜ਼ਾ ਖੋਜ ਕੁਝ ਹੋਰ ਹੀ ਕਹਿ ਰਹੀ ਹੈ। ਹਾਲ ਹੀ ਵਿੱਚ ਪ੍ਰਕਾਸ਼ਿਤ ਇੱਕ ਖੋਜ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਸ਼ਰਾਬ ਪੀਣ ਨਾਲ ਮਰਦਾਂ ਦੇ ਮੁਕਾਬਲੇ ਔਰਤਾਂ ਨੂੰ ਜ਼ਿਆਦਾ ਸਰੀਰਕ ਨੁਕਸਾਨ ਹੁੰਦਾ ਹੈ। ਇਹ ਸੁਣ ਕੇ ਕੋਈ ਵੀ ਇੱਕ ਵਾਰ ਜ਼ਰੂਰ ਕਹੇਗਾ ਕਿ ਛੱਡੋ ਸਮਾਜ ਦੀ ਸ਼ਰਾਬ ਵੀ ਮਰਦ-ਔਰਤ ਵਿੱਚ ਭੇਦਭਾਵ ਕਰਦੀ ਹੈ।
ਅੰਗਰੇਜ਼ੀ ਪੋਰਟਲ ‘ਇੰਡੀਅਨ ਐਕਸਪ੍ਰੈੱਸ’ ‘ਚ ਛਪੀ ਖਬਰ ਮੁਤਾਬਕ ਜਿਸ ਤਰ੍ਹਾਂ ਮਰਦਾਂ ਅਤੇ ਔਰਤਾਂ ਦੀ ਸਰੀਰਕ ਬਣਤਰ ਵੱਖ-ਵੱਖ ਹੁੰਦੀ ਹੈ, ਉਸੇ ਤਰ੍ਹਾਂ ਸ਼ਰਾਬ ਪੀਣ ਕਾਰਨ ਔਰਤਾਂ ਨੂੰ ਮਰਦਾਂ ਦੇ ਮੁਕਾਬਲੇ ਜ਼ਿਆਦਾ ਨੁਕਸਾਨ ਝੱਲਣਾ ਪੈਂਦਾ ਹੈ। ਕਈ ਸਿਹਤ ਮਾਹਿਰਾਂ ਅਨੁਸਾਰ 20 ਫੀਸਦੀ ਬਾਲਗ ਪੁਰਸ਼ ਬਹੁਤ ਜ਼ਿਆਦਾ ਸ਼ਰਾਬ ਪੀਂਦੇ ਹਨ ਤੇ ਉਨ੍ਹਾਂ ਨੂੰ ਸਾਲਾਂ ਬਾਅਦ ਕੁਝ ਸਰੀਰਕ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਪਰ ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ 20 ਫੀਸਦੀ ਪੁਰਸ਼ਾਂ ਦੇ ਮੁਕਾਬਲੇ ਸਿਰਫ 6 ਫੀਸਦੀ ਔਰਤਾਂ ਹੀ ਸ਼ਰਾਬ ਪੀਂਦੀਆਂ ਹਨ ਅਤੇ ਉਨ੍ਹਾਂ ਨੂੰ ਕਈ ਗੰਭੀਰ ਬੀਮਾਰੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਅਲਕੋਹਲ ਨੂੰ ਮੁੱਖ ਤੌਰ ਰੂਪ ਨਾਲ ਅਲਕੋਹਲ ਡੀਹਾਈਡ੍ਰੋਜਨੇਜ਼ (ADH) ਅਤੇ ਲਿਵਰ ਵਿਚ ਮਾਈਟੋਕੌਂਡਰੀਅਲ ਐਲਡੀਹਾਈਡ ਡੀਹਾਈਡ੍ਰੋਜਨੇਸ (ALDH2) ਦੁਆਰਾ ਡੀਟੌਕਸੀਫਾਈ ਕੀਤਾ ਜਾਂਦਾ ਹੈ। ਜੋ ਮਰਦਾਂ ਅਤੇ ਔਰਤਾਂ ਦੋਵਾਂ ਵਿੱਚ ਵੱਖ-ਵੱਖ ਹਨ। ਇਸ ਤੋਂ ਇਲਾਵਾ ਔਰਤਾਂ ਐਸੀਟੈਲਡੀਹਾਈਡ-ਪ੍ਰੇਰਿਤ ਕਾਰਡੀਆਕ ਕੰਟਰੈਕਟਾਈਲ ਡਿਪਰੈਸ਼ਨ, ਇੱਕ ਈਥਾਨੋਲ ਮੈਟਾਬੋਲਿਜ਼ਮ ਉਤਪਾਦ ਪ੍ਰਤੀ ਵਧੇਰੇ ਸੰਵੇਦਨਸ਼ੀਲ ਹੋ ਸਕਦੀਆਂ ਹਨ।
ਜੋ ਔਰਤਾਂ ਕਾਫੀ ਲੰਬੇ ਸਮੇਂ ਤੋਂ ਸ਼ਰਾਬ ਪੀ ਰਹੀਆਂ ਹਨ, ਉਹ ਮਾਨਸਿਕ ਤੌਰ ‘ਤੇ ਬਿਮਾਰੀ ਪੈ ਸਕਦੀਆਂ ਹਨ। ਇੰਨਾ ਹੀ ਨਹੀਂ ਤੁਸੀਂ ਹਾਰਟ ਅਟੈਕ ਅਤੇ ਲਿਵਰ ਨਾਲ ਜੁੜੀਆਂ ਬੀਮਾਰੀਆਂ ਦਾ ਵੀ ਸ਼ਿਕਾਰ ਹੋ ਸਕਦੇ ਹੋ।
