ਦਿੱਲੀ| ਦਿੱਲੀ ਦੀ ਗੀਤਾ ਕਾਲੋਨੀ ਇਲਾਕੇ ਦੇ ਫਲਾਈਓਵਰ ਦੇ ਕੋਲ ਕਈ ਟੁਕੜਿਆਂ ਵਿੱਚ ਇੱਕ ਲਾਸ਼ ਮਿਲੀ ਹੈ। ਲਾਸ਼ ਦੋ ਕਾਲੇ ਪੋਲੀਥੀਨ ਦੇ ਲਿਫਾਫਿਆਂ ਵਿੱਚ ਪਈ ਸੀ। ਇੱਕ ਪੋਲੀਥੀਨ ਵਿੱਚ ਸਿਰ ਅਤੇ ਦੂਜੇ ਪੋਲੀਥੀਨ ਵਿੱਚ ਲਾਸ਼ ਦੇ ਕਈ ਟੁਕੜੇ ਪਏ ਸਨ। ਇਸ ਦੇ ਨਾਲ ਹੀ ਹੁਣ ਤੱਕ ਦੀ ਸ਼ੁਰੂਆਤੀ ਜਾਂਚ ‘ਚ ਇਹ ਲਾਸ਼ ਕਿਸੇ ਔਰਤ ਦੀ ਦੱਸੀ ਜਾ ਰਹੀ ਹੈ। ਕਿਉਂਕਿ ਸਿਰ ਦੇ ਵਾਲ਼ ਔਰਤਾਂ ਵਾਂਗ ਸਨ। ਫਿਲਹਾਲ ਦਿੱਲੀ ਪੁਲਸ ਦੇ ਸਾਰੇ ਸੀਨੀਅਰ ਅਧਿਕਾਰੀ ਮੌਕੇ ‘ਤੇ ਪਹੁੰਚ ਗਏ ਹਨ ਅਤੇ ਜਾਂਚ ‘ਚ ਲੱਗੇ ਹੋਏ ਹਨ। ਆਲੇ-ਦੁਆਲੇ ਦੀ ਘੇਰਾਬੰਦੀ ਕਰ ਦਿੱਤੀ ਗਈ ਹੈ। ਫੋਰੈਂਸਿਕ ਟੀਮ ਵੀ ਮੌਕੇ ‘ਤੇ ਪਹੁੰਚ ਗਈ ਹੈ। ਜਿਸ ਨੇ ਜਾਂਚ ਲਈ ਸਬੂਤ ਅਤੇ ਨਮੂਨੇ ਇਕੱਠੇ ਕਰ ਲਏ ਹਨ। ਦਿੱਲੀ ਪੁਲਿਸ ਨੂੰ ਇਹ ਵੀ ਸ਼ੱਕ ਹੈ ਕਿ ਲਾਸ਼ ਦੇ ਕੁਝ ਹਿੱਸੇ ਗਾਇਬ ਹੋ ਸਕਦੇ ਹਨ।
ਸੂਚਨਾ ਸਵੇਰੇ 9.15 ਵਜੇ ਪਹੁੰਚੀ
ਦਿੱਲੀ ਪੁਲਿਸ ਦੀ ਸੈਂਟਰਲ ਰੇਂਜ ਦੇ ਜੁਆਇੰਟ ਸੀਪੀ ਪਰਮਾਦਿਤਿਆ ਨੇ ਖੁਦ ਮੌਕੇ ‘ਤੇ ਪਹੁੰਚ ਕੇ ਜਾਂਚ ਕੀਤੀ ਅਤੇ ਲਾਸ਼ ਬਾਰੇ ਮੀਡੀਆ ਨੂੰ ਵੀ ਜਾਣਕਾਰੀ ਦਿੱਤੀ। ਜੁਆਇੰਟ ਸੀਪੀ ਨੇ ਦੱਸਿਆ ਕਿ ਬੁੱਧਵਾਰ ਸਵੇਰੇ ਕਰੀਬ 9.15 ਵਜੇ ਇਲਾਕੇ ਦੇ ਇੱਕ ਵਿਅਕਤੀ ਨੇ ਦਿੱਲੀ ਪੁਲਿਸ ਨੂੰ ਸੂਚਨਾ ਦਿੱਤੀ ਕਿ ਗੀਤਾ ਕਾਲੋਨੀ ਇਲਾਕੇ ਦੇ ਫਲਾਈਓਵਰ ਕੋਲ ਲਾਸ਼ ਪਈ ਹੈ। ਜਿਸ ਤੋਂ ਬਾਅਦ ਦਿੱਲੀ ਪੁਲਿਸ ਦੇ ਸੀਨੀਅਰ ਅਧਿਕਾਰੀ ਟੀਮ ਸਮੇਤ ਮੌਕੇ ‘ਤੇ ਪਹੁੰਚੇ ਅਤੇ ਜਾਂਚ ਕੀਤੀ। ਜਾਂਚ ਦੌਰਾਨ ਪੁਲਿਸ ਨੂੰ ਦੋ ਕਾਲੇ ਪੋਲੀਥੀਨ ਬੈਗ ਮਿਲੇ ਹਨ। ਦੋਵੇਂ ਕੁਝ ਦੂਰੀ ‘ਤੇ ਸਨ। ਜਦੋਂ ਉਨ੍ਹਾਂ ਦੀ ਜਾਂਚ ਕੀਤੀ ਗਈ ਤਾਂ ਸਿਰ ਕਾਲੇ ਪੋਲੀਥੀਨ ਵਿੱਚ ਪਿਆ ਸੀ ਜਦੋਂ ਕਿ ਦੂਜੇ ਕਾਲੇ ਪੋਲੀਥੀਨ ਵਿੱਚ ਲਾਸ਼ ਦੇ ਕਈ ਹੋਰ ਟੁਕੜੇ ਸਨ।
ਜੁਆਇੰਟ ਸੀਪੀ ਸੈਂਟਰਲ ਰੇਂਜ ਨੇ ਦੱਸਿਆ ਕਿ ਮਿਲੇ ਸਿਰ ਦੇ ਲੰਬੇ ਵਾਲਾਂ ਨੂੰ ਦੇਖ ਕੇ ਅਸੀਂ ਇਹ ਮੰਨ ਰਹੇ ਹਾਂ ਕਿ ਲਾਸ਼ ਕਿਸੇ ਔਰਤ ਦੀ ਹੈ। ਹਾਲਾਂਕਿ ਲਾਸ਼ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਲਾਸ਼ ਦੇ ਅੰਗਾਂ ਨੂੰ ਇਕੱਠਾ ਕਰਕੇ ਪੋਸਟਮਾਰਟਮ ਅਤੇ ਫੋਰੈਂਸਿਕ ਜਾਂਚ ਲਈ ਲਿਜਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਜੇਕਰ ਮ੍ਰਿਤਕ ਦੇਹ ਦਾ ਕੋਈ ਅੰਗ ਗਾਇਬ ਹੈ ਤਾਂ ਉਸ ਦੀ ਜਾਣਕਾਰੀ ਪੋਸਟਮਾਰਟਮ ਅਤੇ ਫੋਰੈਂਸਿਕ ਜਾਂਚ ਤੋਂ ਮਿਲੇਗੀ।
ਫਿਲਹਾਲ ਇਸ ਘਟਨਾ ਨੇ ਦਿੱਲੀ ਪੁਲਸ ‘ਚ ਵੀ ਹੜਕੰਪ ਮਚਾ ਦਿੱਤਾ ਹੈ। ਇਸ ਦੇ ਨਾਲ ਹੀ ਗੀਤਾ ਕਲੋਨੀ ਇਲਾਕੇ ਵਿੱਚ ਸਨਸਨੀ ਫੈਲ ਗਈ ਹੈ। ਇਸ ਦੇ ਨਾਲ ਹੀ ਦਿੱਲੀ ਪੁਲਿਸ ਨੇ ਫਲਾਈਓਵਰ ਨੇੜੇ ਲੱਗੇ ਸੀਸੀਟੀਵੀ ਵੀਡਿਓ ਨੂੰ ਸਕੈਨ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਲਾਕੇ ਵਿਚ ਸੁਰਾਗ ਵੀ ਲੱਭੇ ਜਾ ਰਹੇ ਹਨ। ਦਿੱਲੀ ਪੁਲਿਸ ਦੀ ਕ੍ਰਾਈਮ ਬ੍ਰਾਂਚ ਟੀਮ ਗਰਾਊਂਡ ‘ਤੇ ਹੈ। ਘਟਨਾ ਸਬੰਧੀ ਦਿੱਲੀ ਦੇ ਸਾਰੇ ਥਾਣਿਆਂ ਵਿੱਚ ਸੂਚਨਾ ਦੇ ਦਿੱਤੀ ਗਈ ਹੈ।
(Note : ਖਬਰਾਂ ਦੇ ਅਪਡੇਟਸ ਸਿੱਧਾ ਆਪਣੇ ਵਟਸਐਪ ‘ਤੇ ਮੰਗਵਾਓ। ਸਭ ਤੋਂ ਪਹਿਲਾਂ ਸਾਡੇ ਨੰਬਰ 97687-90001 ਨੂੰ ਆਪਣੇ ਮੋਬਾਇਲ ‘ਚ ਸੇਵ ਕਰੋ। ਇਸ ਤੋਂ ਬਾਅਦ ਇਸ ਲਿੰਕ ‘ਤੇ ਕਲਿੱਕ ਕਰਕੇ ਗਰੁੱਪ ਨਾਲ ਜੁੜੋ। ਪੰਜਾਬ ਦਾ ਹਰ ਜ਼ਰੂਰੀ ਅਪਡੇਟ ਆਵੇਗਾ ਸਿੱਧਾ ਤੁਹਾਡੇ ਮੋਬਾਇਲ ‘ਤੇ
