ਅੰਮ੍ਰਿਤਸਰ, 10 ਜਨਵਰੀ | ਵਧੀਕ ਜ਼ਿਲਾ ਮੈਜਿਸਟ੍ਰੇਟ ਜੋਤੀ ਬਾਲਾ ਨੇ ਪੰਜਾਬ ਸਰਕਾਰ ਵੱਲੋਂ ਬਣਾਏ ਗਏ ਟਰੈਫਿਕਿੰਗ ਇਨ ਪਰਸਨਜ਼ ਐਕਟ 2012 ਅਤੇ ਪੰਜਾਬ ਟਰੈਵਲ ਪ੍ਰੋਫੈਸ਼ਨਲ ਰੈਗੂਲੇਸ਼ਨ ਐਕਟ ਤਹਿਤ ਵੱਡੀ ਕਾਰਵਾਈ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਆਈਲੈਟਸ/ਟਰੈਵਲ/ਟਿਕਟਿੰਗ ਏਜੰਸੀਆਂ ਅਤੇ ਕੰਸਲਟੇਸੀ ਦੇ ਕੋਚਿੰਗ ਇੰਸਟੀਚਿਊਟ ਚਲਾ ਰਹੇ ਵੱਖ-ਵੱਖ ਲਾਇਸੈਂਸ ਧਾਰਕਾਂ ਦੇ ਲਾਇਸੈਂਸ ਰੱਦ ਕਰ ਦਿੱਤੇ ਗਏ ਹਨ। ਇਨ੍ਹਾਂ ਏਜੰਸੀਆਂ ਵੱਲੋਂ ਆਪਣੇ ਲਾਇਸੈਂਸਾਂ ਦੇ ਨਵੀਨੀਕਰਨ ਸਬੰਧੀ ਇਸ ਦਫ਼ਤਰ ਨੂੰ ਕੋਈ ਅਪੀਲ ਨਹੀਂ ਕੀਤੀ ਗਈ ਹੈ ਅਤੇ ਕੁਝ ਏਜੰਸੀਆਂ ਨੇ ਆਪਣੇ ਲਾਇਸੈਂਸ ਰੀਨਿਊ ਕਰਵਾਉਣ ਦੀ ਮੰਗ ਨਹੀਂ ਕੀਤੀ ਹੈ, ਜਿਸ ਦੇ ਆਧਾਰ ‘ਤੇ ਉਨ੍ਹਾਂ ਦੇ ਲਾਇਸੈਂਸ ਰੱਦ ਕਰ ਦਿੱਤੇ ਗਏ ਹਨ।
ਵਧੀਕ ਜ਼ਿਲਾ ਮੈਜਿਸਟਰੇਟ ਜੋਤੀ ਬਾਲਾ ਨੇ ਪੰਜਾਬ ਟਰੈਵਲ ਪ੍ਰੋਫੈਸ਼ਨਲਜ਼ ਰੈਗੂਲੇਸ਼ਨ ਐਕਟ 2012 ਦੀ ਧਾਰਾ 6 (1) (ਈ) ਅਧੀਨ ਅਧਿਕਾਰਾਂ ਦੀ ਵਰਤੋਂ ਕਰਦਿਆਂ ਧਰੁਵ ਸੇਖੜੀ ਇਮੀਗ੍ਰੇਸ਼ਨ ਕੰਸਲਟੈਂਟ 69 ਕੈਨੇਡੀ ਐਵੀਨਿਊ, ਬੀ.ਐਸ. ਇੰਸਟੀਚਿਊਟ ਪਿੰਡ ਜੇਠੂਵਾਲ, ਸੁਭਾ ਟਰੈਵਲਜ਼ ਪ੍ਰਾਈਵੇਟ ਲਿ. ਕਟੜਾ ਬਾਗੀਆ, ਫਸਟ ਸਟੈਪ ਵੀਜ਼ਾ ਸਰਵਿਸਿਜ਼, ਸਰਕਾਰੀਆ ਫਾਰਮ ਰਾਮਤੀਰਥ ਰੋਡ, ਮੈਕਸ ਐਜੂਕੇਸ਼ਨ ਸਰਵਿਸ ਐਂਡ ਟੈਸਟ ਸੈਂਟਰ, ਐੱਸ.ਸੀ.ਓ. 32 ਦੂਜੀ ਮੰਜ਼ਿਲ, ਪਾਲ ਪਲਾਜ਼ਾ ਰਣਜੀਤ ਐਵੇਨਿਊ, ਗਣੇਸ਼ ਸਰਵਿਸ, ਐੱਸ.ਸੀ.ਐੱਫ. 28-29 ਕਬੀਰ ਪਾਰਕ ਯੂਨੀਵਰਸਿਟੀ ਦੇ ਸਾਹਮਣੇ ਅੰਮ੍ਰਿਤਸਰ, ਮੈਸਰਜ਼ ਟਰੂ ਵੀਜ਼ਾ ਵਰਲਡ ਦੁਕਾਨ ਨੰਬਰ 5 ਮੇਨ ਬਾਜ਼ਾਰ ਨਿਊ, ਮੈਸਰਜ਼: ਗੁਰੂ ਟਰੈਵਲਜ਼ ਵਾਲਮੀਕੀ ਚੌਕ ਜੰਡਿਆਲਾ ਗੁਰੂ, ਬ੍ਰਿਜਿੰਗ ਓਵਰਸੀਜ਼ ਨੇੜੇ ਡੀ.ਏ.ਵੀ. ਹਾਥੀ ਗੇਟ ਦੇ ਅੰਦਰ ਕਾਲਜ ਲਾਇਬ੍ਰੇਰੀ ਅਤੇ ਸਤਨਾਮ ਇਮੀਗ੍ਰੇਸ਼ਨ ਸਲਾਹਕਾਰ ਐਸ.ਸੀ.ਐਫ. 23 ਟਾਪ ਫਲੋਰ, ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਸਾਹਮਣੇ, ਕਬੀਰ ਪਾਰਕ ਅੰਮ੍ਰਿਤਸਰ ਦਾ ਲਾਇਸੈਂਸ ਤੁਰੰਤ ਪ੍ਰਭਾਵ ਨਾਲ ਰੱਦ ਕਰ ਦਿੱਤਾ ਗਿਆ ਹੈ।
ਇਸ ਤੋਂ ਇਲਾਵਾ ਜੇਕਰ ਉਕਤ ਲਾਇਸੰਸਧਾਰਕ ਜਾਂ ਉਸ ਦੀ ਫਰਮ ਦੇ ਖਿਲਾਫ ਕਿਸੇ ਐਕਟ/ਨਿਯਮ ਅਨੁਸਾਰ ਕਿਸੇ ਕਿਸਮ ਦੀ ਸ਼ਿਕਾਇਤ ਮਿਲਦੀ ਹੈ ਤਾਂ ਉਕਤ ਲਾਈਸੈਂਸੀ/ਮਾਲਕ ਹਰ ਪੱਖੋਂ ਜ਼ਿੰਮੇਵਾਰ ਹੋਵੇਗਾ ਅਤੇ ਉਸ ਦਾ ਮੁਆਵਜ਼ਾ ਵੀ ਅਦਾਰੇ ਵੱਲੋਂ ਦਿੱਤਾ ਜਾਵੇਗਾ।
