ਨਵੀਂ ਦਿੱਲੀ . ਪੀਐਮ ਨਰੇਂਦਰ ਮੋਦੀ ਅੱਜ ਸਵੇਰੇ 11 ਵਜੇ ਭਾਰਤੀ ਉਦਯੋਗ ਸੰਘ ਦੇ ਸਾਲਾਨਾ ਸੈਸ਼ਨ ਨੂੰ ਸੰਬੋਧਨ ਕਰਨਗੇ। ਇਸ ਸੰਬੋਧਨ ‘ਚ ਉਹ ਦੇਸ਼ ਨੂੰ ਆਰਥਿਕ ਵਿਕਾਸ ਦੇ ਰਾਹ ‘ਤੇ ਲਿਆਉਣ ਦੇ ਮੰਤਰ ਨੂੰ ਭਾਰਤੀ ਉਦਯੋਗ ਨਾਲ ਸਾਂਝਾ ਕਰਨਗੇ।
ਸੀਆਈਆਈ ਨੇ ਸਥਾਪਨਾ ਦੇ 125 ਸਾਲ ਹੋਏ ਪੂਰੇ
ਕੋਰੋਨਾ ਮਹਾਂਮਾਰੀ ਨੂੰ ਰੋਕਣ ਲਈ, ਕੇਂਦਰ ਸਰਕਾਰ ਨੇ 25 ਮਾਰਚ ਤੋਂ ਦੇਸ਼ ਵਿਆਪੀ ਲੌਕਡਾਊਨ ਲਾਗੂ ਕੀਤਾ, ਜੋ ਚਾਰ ਪੜਾਵਾਂ ਵਿੱਚ 31 ਮਈ ਤੱਕ ਚੱਲੀ। ਵੀਡੀਓ ਕਾਨਫਰੰਸਿੰਗ ਰਾਹੀਂ ਇਹ ਸਮਾਗਮ ਸੀਆਈਆਈ ਦੀ ਸਥਾਪਨਾ ਦੇ 125 ਸਾਲ ਪੂਰੇ ਕਰਨ ਦਾ ਵੀ ਇੱਕ ਮੌਕਾ ਹੈ। ਉਦਯੋਗ ਸੰਗਠਨ ਦੀ ਸਥਾਪਨਾ 1895 ‘ਚ ਕੀਤੀ ਗਈ ਸੀ।
ਦਿਨ ਭਰ ਚੱਲਣ ਵਾਲੇ ਵਰਚੁਅਲ ਪ੍ਰੋਗਰਾਮ ਵਿੱਚ ਪੀਰਾਮਲ ਗਰੁੱਪ ਦੇ ਚੇਅਰਮੈਨ ਅਜੇ ਪੀਰਾਮਲ, ਆਈਟੀਸੀ ਲਿਮਟਿਡ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ (ਸੀਐਮਡੀ) ਸੰਜੀਵ ਪੁਰੀ, ਬਾਇਓਕਨ ਦੇ ਸੀਐਮਡੀ ਕਿਰਨ ਮਜੂਮਦਾਰ ਸ਼ਾ, ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) ਦੇ ਚੇਅਰਮੈਨ ਰਜਨੀਸ਼ ਕੁਮਾਰ, ਕੋਟਕ ਮਹਿੰਦਰਾ ਬੈਂਕ , ਕਾਰਪੋਰੇਟ ਜਗਤ ਦੇ ਚੋਟੀ ਦੇ ਨੁਮਾਇੰਦੇ ਜਿਵੇਂ ਕਿ ਮੁੱਖ ਕਾਰਜਕਾਰੀ ਅਧਿਕਾਰੀ ਉਦੈ ਕੋਟਕ ਅਤੇ ਸੀਆਈਆਈ ਨਾਮਜ਼ਦ ਚੇਅਰਮੈਨ ਅਤੇ ਸੀਆਈਆਈ ਦੇ ਪ੍ਰਧਾਨ ਵਿਕਰਮ ਕਿਰਲੋਸਕਰ ਹਿੱਸਾ ਲੈਣਗੇ।
