ਛੱਤੀਸਗੜ੍ਹ। ਜਸ਼ਪੁਰ ਜ਼ਿਲ੍ਹੇ ਨੂੰ ਨਾਗਲੋਕ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇੱਥੇ ਸੱਪ ਦੇ ਡੰਗਣ ਦੇ ਕਈ ਮਾਮਲੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਇਸ ਵਾਰ ਸੱਪ ਦੇ ਡੰਗਣ ਦਾ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜ਼ਿਲ੍ਹੇ ਦੇ ਬਗੀਚਾ ਬਲਾਕ ਅਧੀਨ ਪੈਂਦੇ ਪੰਡਾਰਾਪਾਠ ਵਿੱਚ ਇੱਕ ਬੱਚੇ ਨੂੰ ਜ਼ਹਿਰੀਲੇ ਸੱਪ ਨੇ ਡੰਗ ਲਿਆ। ਇਸ ਤੋਂ ਬਾਅਦ ਬੱਚੇ ਨੇ ਗੁੱਸੇ ‘ਚ ਸੱਪ ਨੂੰ ਡੰਗ ਲਿਆ। ਬੱਚੇ ਨੇ ਸੱਪ ਨੂੰ ਇੰਨੇ ਬੁਰੀ ਤਰ੍ਹਾਂ ਡੰਗਿਆ ਕਿ ਸੱਪ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਬਾਅਦ ਵਿਚ ਜਦੋਂ ਬੱਚੇ ਦੇ ਪਰਿਵਾਰਕ ਮੈਂਬਰਾਂ ਨੂੰ ਘਟਨਾ ਦਾ ਪਤਾ ਲੱਗਾ ਤਾਂ ਉਹ ਉਸ ਨੂੰ ਇਲਾਜ ਲਈ ਹਸਪਤਾਲ ਲੈ ਗਏ। ਫਿਲਹਾਲ ਬੱਚੇ ਦੀ ਹਾਲਤ ਠੀਕ ਹੈ।
