ਹਰਿਆਣਾ| ਬੇਰੁਜ਼ਗਾਰੀ ਦਾ ਆਲਮ ਸਾਰੇ ਦੇਸ਼ ਵਿਚ ਬਹੁਤ ਖਰਾਬ ਪੱਧਰ ਉਤੇ ਪਹੁੰਚ ਗਿਆ ਹੈ। ਚੌਥਾ ਦਰਜਾ ਮੁਲਾਜ਼ਮ ਤੱਕ ਦੀ ਨੌਕਰੀ ਲੈਣ ਲਈ ਪੀਐੱਚਡੀ ਮੁਲਾਜ਼ਮਾਂ ਦੀਆਂ ਲਾਈਨਾਂ ਲੱਗੀਆਂ ਪਈਆਂ ਹਨ। ਹਰਿਆਣਾ ਦੇ ਨੌਜਵਾਨਾਂ ਨੂੰ ਗਰੁੱਪ-ਡੀ ਦੀਆਂ ਨੌਕਰੀਆਂ ਲਈ ਬਹੁਤ ਸੰਘਰਸ਼ ਕਰਨਾ ਪਵੇਗਾ, ਕਿਉਂਕਿ 13,000 ਗਰੁੱਪ-ਡੀ ਦੀਆਂ ਅਸਾਮੀਆਂ ਲਈ ਲਗਭਗ 11.50 ਉਮੀਦਵਾਰ ਲਾਈਨ ਵਿੱਚ ਹਨ। ਹਰਿਆਣਾ ਸਟਾਫ ਸਿਲੈਕਸ਼ਨ ਕਮਿਸ਼ਨ ਦੁਆਰਾ ਖੋਲ੍ਹੇ ਗਏ ਪੋਰਟਲ ‘ਤੇ ਲਗਭਗ 13.84 ਲੱਖ ਨੌਜਵਾਨਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਹੈ।
ਐਚਐਸਐਸਸੀ ਦੇ ਚੇਅਰਮੈਨ ਭੋਪਾਲ ਸਿੰਘ ਖੱਦਰੀ ਨੇ ਕਿਹਾ ਕਿ ਉਨ੍ਹਾਂ ਵਿੱਚ 2 ਤੋਂ 2.5 ਲੱਖ ਨੌਜਵਾਨ ਅਜਿਹੇ ਹਨ ਜਿਨ੍ਹਾਂ ਨੇ ਇੱਕ ਤੋਂ ਚਾਰ ਵਾਰ ਰਜਿਸਟਰੇਸ਼ਨ ਕਰਵਾਈ ਹੈ। ਕਮਿਸ਼ਨ ਮੁਤਾਬਕ ਕੁੱਲ ਅਰਜ਼ੀਆਂ ਲਗਭਗ 11.50 ਲੱਖ ਹੋਣਗੀਆਂ। ਇਸ ਤਰ੍ਹਾਂ, 13,000 ਪੋਸਟਾਂ ਵਿੱਚੋਂ ਹਰੇਕ ਲਈ 88 ਨੌਜਵਾਨ ਲਾਈਨ ਵਿੱਚ ਹੋਣਗੇ। ਇਸ ਦੇ ਲਈ ਸਤੰਬਰ ਵਿੱਚ ਸੀਈਟੀ ਕਰਵਾਉਣ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ।
ਕਮਿਸ਼ਨ ਨੇ ਨੈਸ਼ਨਲ ਟੈਸਟਿੰਗ ਏਜੰਸੀ ਨੂੰ ਪੱਤਰ ਲਿਖਿਆ ਹੈ। ਇਸ ਮਾਮਲੇ ਨੂੰ ਲੈ ਕੇ ਜਲਦੀ ਹੀ ਹਰਿਆਣਾ ਸਟਾਫ ਸਿਲੈਕਸ਼ਨ ਕਮਿਸ਼ਨ ਅਤੇ ਨੈਸ਼ਨਲ ਟੈਸਟਿੰਗ ਏਜੰਸੀ ਦੇ ਅਧਿਕਾਰੀਆਂ ਵਿਚਕਾਰ ਮੀਟਿੰਗ ਹੋਵੇਗੀ। ਇਨ੍ਹਾਂ ਅਸਾਮੀਆਂ ਲਈ ਕੋਈ ਸਕ੍ਰੀਨਿੰਗ ਟੈਸਟ ਨਹੀਂ ਹੋਵੇਗਾ।
ਸਿਰਫ਼ ਆਖਰੀ ਭਰਿਆ ਹੋਇਆ ਫਾਰਮ ਵੈਧ ਹੈ।
ਬਹੁਤ ਸਾਰੇ ਨੌਜਵਾਨ ਅਜਿਹੇ ਹਨ, ਜਿਨ੍ਹਾਂ ਨੇ ਪਹਿਲਾਂ ਫਾਰਮ ਭਰਦਿਆਂ ਇਹ ਲਿਖ ਦਿੱਤਾ ਹੈ ਕਿ ਉਨ੍ਹਾਂ ਦੇ ਘਰ ਕੋਈ ਸਰਕਾਰੀ ਨੌਕਰੀ ਨਹੀਂ ਹੈ। ਫਿਰ ਇੱਕ ਹੋਰ ਫਾਰਮ ਭਰਿਆ ਗਿਆ, ਜਿਸ ਵਿੱਚ ਇਹ ਲਿਖਿਆ ਗਿਆ ਹੈ ਕਿ ਘਰ ਵਿੱਚ ਨੌਕਰੀ ਹੈ।
ਕਈ ਨੌਜਵਾਨਾਂ ਨੇ ਇੱਕ ਤੋਂ ਚਾਰ ਫਾਰਮ ਭਰੇ ਹਨ। ਬਹੁਤ ਸਾਰੇ ਨੌਜਵਾਨ ਅਜਿਹੇ ਹਨ ਜਿਨ੍ਹਾਂ ਨੇ ਪਹਿਲਾਂ ਜਨਮ ਮਿਤੀ ਗਲਤ ਭਰੀ, ਫਿਰ ਸਹੀ ਭਰੀ, ਕਈਆਂ ਨੇ ਤੀਜੀ ਵਾਰ ਜਨਮ ਮਿਤੀ ਭਰ ਦਿੱਤੀ। ਕਮਿਸ਼ਨ ਵੱਲੋਂ ਅਜਿਹੇ ਨੌਜਵਾਨਾਂ ਦੇ ਆਖਰੀ ਭਰੇ ਫਾਰਮ ਹੀ ਸਵੀਕਾਰ ਕੀਤੇ ਜਾਣਗੇ।
