ਨਵੀਂ ਦਿੱਲੀ |ਦੇਸ਼ ਦੇ ਦਿੱਗਜ ਕਾਰੋਬਾਰੀ ਅਤੇ ਮਹਿੰਦਰਾ ਗਰੁੱਪ ਦੇ ਚੇਅਰਮੈਨ ਆਨੰਦ ਮਹਿੰਦਰਾ ਸੋਸ਼ਲ ਮੀਡੀਆ ‘ਤੇ ਬਹੁਤ ਸਰਗਰਮ ਰਹਿੰਦੇ ਹਨ। ਗੱਲ ਭਾਵੇਂ ਗੁੰਝਲਦਾਰ ਸਵਾਲ ਪੁੱਛਣ ਦੀ ਹੋਵੇ ਜਾਂ ਕਿਸੇ ਦੀ ਮਦਦ ਲਈ, ਆਨੰਦ ਮਹਿੰਦਰਾ ਹਮੇਸ਼ਾ ਅੱਗੇ ਆਉਂਦੇ ਹਨ।
ਆਨੰਦ ਮਹਿੰਦਰਾ ਨੇ ਇਕ ਵਾਰ ਫਿਰ ਆਪਣੇ ਟਵਿੱਟਰ ਹੈਂਡਲ ‘ਤੇ ਇਕ ਫੋਟੋ ਸ਼ੇਅਰ ਕੀਤੀ ਹੈ। ਇਸ ਫੋਟੋ ਦੇ ਨਾਲ, ਯੂਜਰਸ ਤੋਂ ਇਸ ਦਾ ਕੈਪਸ਼ਨ ਮੰਗਿਆ ਹੈ। ਜੋ ਵੀ ਇਸ ਫੋਟੋ ਦਾ ਵਧੀਆ ਕੈਪਸ਼ਨ ਦੇਵੇਗਾ, ਬਦਲੇ ਵਿਚ ਅਨੰਦ ਮਹਿੰਦਰਾ ਉਸ ਨੂੰ ਮਹਿੰਦਰਾ ਦੀ ਸ਼ਾਨਦਾਰ ਕਾਰ ਨੂੰ ਇਨਾਮ ਵਜੋਂ ਦੇਣਗੇ।
ਆਨੰਦ ਮਹਿੰਦਰਾ ਦੁਆਰਾ ਸਾਂਝੀ ਕੀਤੀ ਫੋਟੋ ਵਿੱਚ, ਇੱਕ ਬਾਂਦਰ ਕਿਸੇ ਦੀ ਛੱਤ ਉਤੇ ਡੀਟੀਐਚ ਉਤੇ ਬੈਠਾ ਹੈ। ਉਸ ਵੱਲ ਵੇਖਦਿਆਂ ਅਜਿਹਾ ਲਗਦਾ ਹੈ ਕਿ ਉਹ ਸੋਫੇ ‘ਤੇ ਬੈਠਾ ਹੈ। ਆਨੰਦ ਮਹਿੰਦਰਾ ਨੇ ਇਸ ਤਸਵੀਰ ਨੂੰ ਆਪਣੇ ਟਵਿੱਟਰ ਹੈਂਡਲ ਨਾਲ ਸਾਂਝਾ ਕੀਤਾ ਹੈ। ਤੁਸੀਂ ਹਿੰਦੀ ਜਾਂ ਅੰਗਰੇਜ਼ੀ ਵਿਚ ਲਿਖ ਕੇ ਆਪਣਾ ਕੈਪਸ਼ਨ ਭੇਜ ਸਕਦੇ ਹੋ। ਹਿੰਦੀ ਕੈਪਸ਼ਨ ਲਈ ਵੱਖਰਾ ਵਿਜੇਤਾ ਅਤੇ ਇੰਗਲਿਸ਼ ਕੈਪਸ਼ਨ ਲਈ ਵੱਖਰਾ ਵਿਜੇਤਾ ਚੁਣਿਆ ਜਾਵੇਗਾ।
ਆਨੰਦ ਮਹਿੰਦਰਾ ਨੇ ਆਪਣੇ ਟਵੀਟ ਵਿੱਚ ਲਿਖਿਆ ਹੈ ਕਿ ਇਸ ਫੋਟੋ ਨੂੰ ਵੇਖਣ ਤੋਂ ਬਾਅਦ ਉਹ ਕੈਪਸ਼ਨ ਭੇਜੋ ਜੋ ਤੁਸੀਂ ਸਭ ਤੋਂ ਵੱਧ ਪਸੰਦ ਕਰਦੇ ਹੋ। ਇਸ ਤੋਂ ਪਹਿਲਾਂ ਵੀ ਅਨੰਦ ਮਹਿੰਦਰਾ ਨੇ ਆਪਣੀ ਨਵੀਂ ਕਾਰ ਲਾਂਚ ਕੀਤੀ ਸੀ, ਉਦੋਂ ਵੀ ਉਨ੍ਹਾਂ ਨੇ ਨਾਮ ਬਾਰੇ ਮੁਕਾਬਲਾ ਕਰਵਾਇਆ ਸੀ ਅਤੇ ਚੰਗਾ ਨਾਮ ਦੱਸਣ ਤੋਂ ਬਾਅਦ ਉਪਭੋਗਤਾ ਨੂੰ ਕਾਰ ਗਿਫਟ ਕੀਤੀ ਸੀ।
