ਮੁੰਬਈ | ਸਿਧਾਰਥ ਸ਼ੁਕਲਾ ਟੀਵੀ ਇੰਡਸਟਰੀ ਦੇ ਇਕ ਮਸ਼ਹੂਰ ਅਦਾਕਾਰ ਸਨ, ਜਿਨ੍ਹਾਂ ਦਾ ਅੱਜ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ। ਉਹ ਆਪਣੀ ਫਿੱਟ ਸ਼ਖਸੀਅਤ ਦੇ ਕਾਰਨ ਟੀਵੀ ਉਦਯੋਗ ਵਿੱਚ ਮਸ਼ਹੂਰ ਸੀ। ਸਿਧਾਰਥ ਦੀ ਉਮਰ ਸਿਰਫ 40 ਸਾਲ ਸੀ। ਉਨ੍ਹਾਂ ਦੀ ਮੌਤ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ।
ਅਸੀਂ ਤੁਹਾਨੂੰ ਸਿਧਾਰਥ ਸ਼ੁਕਲਾ ਦੀ ਪੂਰੀ ਕਹਾਣੀ ਦੱਸਦੇ ਹਾਂ-
ਸਿਧਾਰਥ ਸ਼ੁਕਲਾ ਦਾ ਜਨਮ 12 ਦਸੰਬਰ 1980 ਨੂੰ ਮੁੰਬਈ ਵਿੱਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਦਾ ਨਾਂ ਅਸ਼ੋਕ ਸ਼ੁਕਲਾ ਅਤੇ ਮਾਤਾ ਦਾ ਨਾਂ ਰੀਟਾ ਸ਼ੁਕਲਾ ਹੈ। ਉਸ ਦੇ ਪਿਤਾ ਪੇਸ਼ੇ ਤੋਂ ਸਿਵਲ ਇੰਜੀਨੀਅਰ ਹਨ। ਉਸ ਦੇ ਪਰਿਵਾਰ ਵਿੱਚ 2 ਵੱਡੀਆਂ ਭੈਣਾਂ ਵੀ ਹਨ। ਮੁੱਖ ਤੌਰ ‘ਤੇ ਉਨ੍ਹਾਂ ਦਾ ਪਰਿਵਾਰ ਇਲਾਹਾਬਾਦ, ਉੱਤਰ ਪ੍ਰਦੇਸ਼ ਦਾ ਰਹਿਣ ਵਾਲਾ ਹੈ।
ਸਿਧਾਰਥ ਨੇ ਐਜੂਕੇਸ਼ਨ ਸੇਵੀਅਰ ਹਾਈ ਸਕੂਲ, ਫੋਰਟ ਤੋਂ ਕੀਤੀ। ਉਸ ਨੇ ਅੰਦਰੂਨੀ ਡਿਜ਼ਾਈਨਿੰਗ ਦਾ ਕੋਰਸ ਵੀ ਕੀਤਾ। ਉਸ ਨੂੰ ਮਾਡਲਿੰਗ ਅਤੇ ਅਦਾਕਾਰੀ ਵਿੱਚ ਕਦੇ ਦਿਲਚਸਪੀ ਨਹੀਂ ਸੀ। ਸਿਧਾਰਥ ਹਮੇਸ਼ਾ ਕਾਰੋਬਾਰ ਕਰਨਾ ਚਾਹੁੰਦਾ ਸੀ।
ਸਾਲ 2004 ਵਿੱਚ ਇਕ ਵਾਰ ਆਪਣੀ ਮਾਂ ਦੇ ਕਹਿਣ ਤੇ ਸਿਧਾਰਥ ਨੇ ਇਕ ਮਾਡਲਿੰਗ ਮੁਕਾਬਲੇ ਵਿੱਚ ਹਿੱਸਾ ਲਿਆ। ਸਿਧਾਰਥ ਬਿਨਾਂ ਕੋਈ ਪੋਰਟਫੋਲੀਓ ਲਏ ਇਥੇ ਪਹੁੰਚ ਗਿਆ। ਜਿਉਰੀ ਨੇ ਸਿਧਾਰਥ ਨੂੰ ਉਸ ਦੀ ਲੁਕ ਦੇਖ ਕੇ ਚੁਣ ਲਿਆ।
ਸਿਧਾਰਥ ਸ਼ੁਕਲਾ ਨੇ ਬਤੌਰ ਮਾਡਲ ਸ਼ੋਬਿਜ਼ ਵਿੱਚ ਆਪਣਾ ਕਰੀਅਰ ਸ਼ੁਰੂ ਕੀਤਾ ਅਤੇ ਟੈਲੀਵਿਜ਼ਨ ਸ਼ੋਅ “ਬਾਬੁਲ ਕਾ ਆਂਗਨ ਛੂਟੇ ਨਾ” ਵਿੱਚ ਮੁੱਖ ਭੂਮਿਕਾ ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ।
ਬਾਅਦ ਵਿੱਚ ਉਹ “ਜਾਨੇ ਪਹਿਚਾਨੇ ਸੇ ਅਜਨਬੀ”, “ਲਵ ਯੂ” ਵਰਗੇ ਕਈ ਸ਼ੋਅਜ਼ ਵਿੱਚ ਦਿਖਾਈ ਦਿੱਤੇ ਪਰ ਉਨ੍ਹਾਂ “ਬਾਲਿਕਾ ਵਧੂ” ਦੇ ਕਾਰਨ ਵਧੇਰੇ ਪ੍ਰਸਿੱਧੀ ਹਾਸਲ ਕੀਤੀ।
ਉਸ ਨੇ ਰਿਐਲਿਟੀ ਸ਼ੋਅ “ਝਲਕ ਦਿਖਲਾ ਜਾ 6”, “ਫੀਅਰ ਫੈਕਟਰ : ਖਤਰੋਂ ਕੇ ਖਿਲਾੜੀ 7” ਅਤੇ “ਬਿੱਗ ਬੌਸ 13” ਵਿੱਚ ਵੀ ਹਿੱਸਾ ਲਿਆ, ਜਿਸ ਨੇ ਉਸ ਨੂੰ ਦੇਸ਼ ਭਰ ਵਿੱਚ ਬਹੁਤ ਜ਼ਿਆਦਾ ਲੋਕਪ੍ਰਿਯ ਬਣਾਇਆ।
ਬਿੱਗ ਬੌਸ ਵਿੱਚ ਸ਼ਹਿਨਾਜ਼ ਗਿੱਲ ਨਾਲ ਉਸ ਦੀ ਕੈਮਿਸਟਰੀ ਨੂੰ ਬਹੁਤ ਪ੍ਰਸ਼ੰਸਾ ਅਤੇ ਪਿਆਰ ਮਿਲਿਆ। ਅਸਲੀਅਤ ਚ ਉਨ੍ਹਾਂ ਦੀ ਆਖਰੀ ਆਨ-ਸਕ੍ਰੀਨ ਸ਼ਹਿਨਾਜ਼ ਗਿੱਲ ਦੇ ਨਾਲ ਸੀ। ਕੁਝ ਦਿਨ ਪਹਿਲਾਂ ਦੋਵੇਂ ਡਾਂਸ ਦੀਵਾਨੇ 3 ਅਤੇ ਬਿੱਗ ਬੌਸ ਓਟੀਟੀ ਵਿੱਚ ਇਕੱਠੇ ਨਜ਼ਰ ਆਏ ਸਨ। ਹਾਲ ਹੀ ਚ ਸਿਧਾਰਥ ਸ਼ੁਕਲਾ ਦੀ ਇਕ ਵੈੱਬ ਸੀਰੀਜ਼ ਦਾ ਟੀਜ਼ਰ ਵੀ ਲਾਂਚ ਕੀਤਾ ਗਿਆ ਸੀ, ਜਿਸ ਦਾ ਨਾਂ ਹੈ ‘Broken but Beautiful 3’.
2014 ਵਿੱਚ ਸ਼ੁਕਲਾ ਨੇ ਬਾਲੀਵੁੱਡ ਦੀ ਸ਼ੁਰੂਆਤ ਕਰਨ ਜੌਹਰ ਦੁਆਰਾ ਨਿਰਮਿਤ “ਹੰਪਟੀ ਸ਼ਰਮਾ ਕੀ ਦੁਲਹਨੀਆ” ਨਾਲ ਕੀਤੀ, ਜਿੱਥੇ ਉਹ ਇਕ ਸਹਾਇਕ ਭੂਮਿਕਾ ਵਿੱਚ ਨਜ਼ਰ ਆਏ, ਜਿਸ ਦੇ ਲਈ ਉਨ੍ਹਾਂ ਨੂੰ ਸਟਾਰਡਸਟ ਐਵਾਰਡ ਨਾਲ ਵੀ ਸਨਮਾਨਿਤ ਕੀਤਾ ਗਿਆ।
ਸਿਧਾਰਥ ਨੂੰ ਆਪਣੀ ਅਦਾਕਾਰੀ ਲਈ ਕਈ ਪੁਰਸਕਾਰ ਵੀ ਮਿਲੇ ਹਨ। ਉਸ ਨੇ 2 ਸ਼੍ਰੇਣੀਆਂ ਸਭ ਤੋਂ ਮਸ਼ਹੂਰ ਚਿਹਰੇ ਵਾਲਾ ਪੁਰਸ਼ ਅਤੇ ਰੰਗਾਂ ਵਿੱਚ ਸਰਵੋਤਮ ਆਨ ਸਕ੍ਰੀਨ ਜੋੜੇ ਲਈ 2012 ਗੋਲਡਨ ਪੈਟਲ ਐਵਾਰਡ ਜਿੱਤੇ।
2014 ਵਿੱਚ ਜ਼ੀ ਗੋਲਡ ਐਵਾਰਡਸ ਮੋਸਟ ਫਿੱਟ ਐਕਟਰ ਵਜੋਂ ਅਤੇ 2014 ਵਿੱਚ ਉਸ ਨੇ ਆਪਣੀ ਪਹਿਲੀ ਫਿਲਮ ਲਈ ਸਰਵੋਤਮ ਸਹਾਇਕ ਪ੍ਰਦਰਸ਼ਨ ਪੁਰਸ਼ ਦਾ ਪੁਰਸਕਾਰ ਵੀ ਜਿੱਤਿਆ। 2017 ਵਿੱਚ ਉਸ ਨੂੰ ਮੋਸਟ ਸਟਾਈਲਿਸ਼ ਅਦਾਕਾਰ ਦਾ ਪੁਰਸਕਾਰ ਵੀ ਮਿਲਿਆ।
ਹਾਲਾਂਕਿ ਸਿਧਾਰਥ ਬਚਪਨ ਤੋਂ ਹੀ ਖੇਡਾਂ ਵਿੱਚ ਦਿਲਚਸਪੀ ਰੱਖਦਾ ਸੀ, ਉਸ ਨੇ ਟੈਨਿਸ ਅਤੇ ਫੁੱਟਬਾਲ ਵਰਗੀਆਂ ਖੇਡਾਂ ਵਿੱਚ ਆਪਣੇ ਸਕੂਲ ਦੀ ਨੁਮਾਇੰਦਗੀ ਵੀ ਕੀਤੀ। ਸਿਧਾਰਥ ਵੇਟਲਿਫਟਿੰਗ ਕਰਨ ਦਾ ਵੀ ਬਹੁਤ ਸ਼ੌਕੀਨ ਸੀ। ਸਿਧਾਰਥ ਸੋਸ਼ਲ ਮੀਡੀਆ ‘ਤੇ ਵੀ ਬਹੁਤ ਸਰਗਰਮ ਸੀ। ਉਹ ਟਵਿੱਟਰ ਅਤੇ ਇੰਸਟਾਗ੍ਰਾਮ ‘ਤੇ ਬਹੁਤ ਮਸ਼ਹੂਰ ਸੀ।
