ਦਿੱਲੀ | ਇਥੇ ਸਨਸਨੀਖੇਜ਼ ਸ਼ਰਧਾ ਵਾਕਰ ਕੇਸ ਵਾਂਗ ਹੀ ਇੱਕ ਕਤਲ ਕੇਸ ਨੇ ਪੂਰੇ ਪੁਲਿਸ ਵਿਭਾਗ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਪਿਆਰ ਦੇ ਖੂਨ ਦੀ ਇਸ ਕਹਾਣੀ ਨੇ ਵੈਲੇਨਟਾਈਨ ਡੇ ‘ਤੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਬਾਬਾ ਹਰੀਦਾਸ ਨਗਰ ‘ਚ ਲੜਕੀ ਦਾ ਕਤਲ ਕਰਨ ਤੋਂ ਬਾਅਦ ਉਸ ਦੀ ਲਾਸ਼ ਢਾਬੇ ‘ਚ ਫਰੀਜ਼ਰ ‘ਚ ਛੁਪਾ ਦਿੱਤੀ ਗਈ ਸੀ। ਇਸ ਕਤਲ ਨੂੰ ਲੜਕੀ ਦੇ ਪ੍ਰੇਮੀ ਨੇ ਅੰਜਾਮ ਦਿੱਤਾ ਹੈ। ਉਸ ਦਾ ਲੜਕੀ ਨਾਲ ਪੰਜ ਸਾਲ ਤੋਂ ਸਬੰਧ ਸੀ।
ਪੁਲਿਸ ਨੇ ਦੱਸਿਆ ਕਿ ਦੋਸ਼ੀ ਦੀ ਪਛਾਣ ਸਾਹਿਲ ਗਹਿਲੋਤ ਵਜੋਂ ਹੋਈ ਹੈ ਅਤੇ ਉਸ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਸੂਤਰਾਂ ਮੁਤਾਬਕ ਸਾਹਿਲ ਅਤੇ ਮ੍ਰਿਤਕ ਲੜਕੀ 2018 ਤੋਂ ਦੋਸਤ ਸਨ। ਸਾਹਿਲ ਦੀ ਹਾਲ ਹੀ ‘ਚ ਮੰਗਣੀ ਹੋਈ ਸੀ ਅਤੇ ਉਸ ਦਾ ਵਿਆਹ 10 ਫਰਵਰੀ ਨੂੰ ਤੈਅ ਹੋਇਆ ਸੀ। ਮੁਲਜ਼ਮ ਨੇ 10 ਫਰਵਰੀ ਨੂੰ ਬਿਨਾਂ ਕਿਸੇ ਨੂੰ ਦੱਸੇ ਵਿਆਹ ਵੀ ਕਰਵਾ ਲਿਆ।
ਰਿਪੋਰਟਾਂ ਦੇ ਅਨੁਸਾਰ, ਸਾਹਿਲ ਨੇ ਕਥਿਤ ਤੌਰ ‘ਤੇ ਕਸ਼ਮੀਰੀ ਗੇਟ ISBT ਨੇੜੇ ਇੱਕ ਕਾਰ ਦੇ ਅੰਦਰ ਲੜਕੀ ਦਾ ਗਲਾ ਘੁੱਟਿਆ ਅਤੇ ਬਾਅਦ ਵਿੱਚ ਮਿਤਰੌ ਪਿੰਡ ਦੇ ਇੱਕ ਢਾਬੇ ਦੇ ਫਰੀਜ਼ਰ ਵਿੱਚ ਲਾਸ਼ ਨੂੰ ਛੁਪਾ ਦਿੱਤਾ।
ਪੁਲਿਸ ਨੇ ਇਸ ਮਾਮਲੇ ‘ਚ 26 ਸਾਲਾ ਰੋਹਿਤ ਗਹਿਲੋਤ ਨਾਂ ਦੇ ਇਕ ਹੋਰ ਦੋਸ਼ੀ ਨੂੰ ਵੀ ਗ੍ਰਿਫਤਾਰ ਕੀਤਾ ਹੈ। ਉਸ ਤੋਂ ਵੀ ਪੁੱਛਗਿੱਛ ਕੀਤੀ ਗਈ ਹੈ।
ਪੀੜਤਾ ਸਾਹਿਲ ਦੇ ਵਿਆਹ ਦੀ ਯੋਜਨਾ ਤੋਂ ਨਾਰਾਜ਼ ਸੀ ਅਤੇ ਉਸ ਨੇ ਮੰਗ ਕੀਤੀ ਕਿ ਉਹ ਆਪਣੇ ਮਾਪਿਆਂ ਨੂੰ ਆਪਣੇ ਰਿਸ਼ਤੇ ਬਾਰੇ ਦੱਸੇ। ਹਾਲਾਂਕਿ ਸਾਹਿਲ ਤਿਆਰ ਨਹੀਂ ਸੀ, ਜਿਸ ਕਾਰਨ ਉਨ੍ਹਾਂ ਵਿਚਕਾਰ ਅਕਸਰ ਝਗੜਾ ਹੁੰਦਾ ਰਹਿੰਦਾ ਸੀ।
9-10 ਫਰਵਰੀ ਦੀ ਦਰਮਿਆਨੀ ਰਾਤ ਨੂੰ ਸਾਹਿਲ ਨੇ ਲੜਕੀ ਨੂੰ ਕਸ਼ਮੀਰੀ ਗੇਟ ISBT ਨੇੜੇ ਮਿਲਣ ਲਈ ਬੁਲਾਇਆ। ਉਸ ਨੇ ਆਪਣੀ ਕਾਰ ਵਿਚ ਉਸ ਦਾ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ ਅਤੇ ਬਾਅਦ ਵਿਚ ਲਾਸ਼ ਨੂੰ ਢਾਬੇ ‘ਤੇ ਰੱਖ ਦਿੱਤਾ।
