ਨਵੀਂ ਦਿੱਲੀ/ਚੰਡੀਗੜ੍ਹ | ਸੂਰਜ ਗ੍ਰਹਿਣ ਤੋਂ ਬਾਅਦ ਹੁਣ ਚੰਦਰ ਗ੍ਰਹਿਣ 8 ਨਵੰਬਰ ਨੂੰ ਲੱਗਣ ਜਾ ਰਿਹਾ ਹੈ। ਇਹ ਇਸ ਸਾਲ ਦਾ ਆਖਰੀ ਚੰਦਰ ਗ੍ਰਹਿਣ ਹੈ, ਜੋ ਭਾਰਤ ਵਿੱਚ ਵੀ ਦਿਖਾਈ ਦੇਵੇਗਾ। ਭਾਰਤ ‘ਚ ਇਹ ਚੰਦਰ ਗ੍ਰਹਿਣ ਪਹਿਲੀ ਵਾਰ ਅਰੁਣਾਚਲ ਪ੍ਰਦੇਸ਼ ਦੇ ਇਟਾਨਗਰ ‘ਚ ਦਿਖਾਈ ਦੇਵੇਗਾ। ਭਾਰਤ ਵਿੱਚ, ਇਹ ਚੰਦਰ ਗ੍ਰਹਿਣ ਪੂਰਬ ਦੇ ਸ਼ਹਿਰਾਂ ਵਿੱਚ ਹੀ ਦਿਖਾਈ ਦੇਵੇਗਾ ਕਿਉਂਕਿ ਇਹ ਚੰਦਰ ਗ੍ਰਹਿਣ ਭਾਰਤ ਵਿੱਚ ਦਿਖਾਈ ਦੇਵੇਗਾ, ਇਸ ਲਈ ਇੱਥੇ ਵੀ ਸੂਤਕ ਕਾਲ ਦੇ ਨਿਯਮ ਲਾਗੂ ਹੋਣਗੇ। ਚੰਦਰ ਗ੍ਰਹਿਣ ਦਾ ਸੂਤਕ 9 ਘੰਟੇ ਪਹਿਲਾਂ ਸ਼ੁਰੂ ਹੁੰਦਾ ਹੈ।
ਕਿੰਨਾ ਮਹੱਤਵਪੂਰਨ ਹੋਵੇਗਾ ਚੰਦਰ ਗ੍ਰਹਿਣ
ਇਹ ਸਾਲ ਦਾ ਆਖਰੀ ਚੰਦਰ ਗ੍ਰਹਿਣ ਹੈ। ਚੰਦਰ ਗ੍ਰਹਿਣ ਮੇਰ ਅਤੇ ਭਰਾਨੀ ਨਕਸ਼ਤਰ ਵਿੱਚ ਲੱਗ ਰਿਹਾ ਹੈ। ਹਾਲਾਂਕਿ ਇਹ ਗ੍ਰਹਿਣ ਦੁਪਹਿਰ 01:32 ‘ਤੇ ਲੱਗੇਗਾ ਪਰ ਭਾਰਤ ‘ਚ ਇਹ ਚੰਦਰ ਗ੍ਰਹਿਣ ਸ਼ਾਮ 5.20 ‘ਤੇ ਦਿਖਾਈ ਦੇਣਾ ਸ਼ੁਰੂ ਹੋਵੇਗਾ ਅਤੇ ਸ਼ਾਮ 6.20 ‘ਤੇ ਸਮਾਪਤ ਹੋਵੇਗਾ। ਇਸ ਦਾ ਸੂਤਕ 8 ਨਵੰਬਰ ਨੂੰ ਸਵੇਰੇ 08:21 ਵਜੇ ਆਰੰਭ ਹੋਵੇਗਾ।
ਕਿੱਥੇ ਦਿਖਾਈ ਦੇਵੇਗਾ ਪੂਰਾ ਚੰਦਰ ਗ੍ਰਹਿਣ
ਇਹ ਚੰਦਰ ਗ੍ਰਹਿਣ ਉੱਤਰ ਪੂਰਬੀ ਯੂਰਪ, ਆਸਟ੍ਰੇਲੀਆ, ਪ੍ਰਸ਼ਾਂਤ ਮਹਾਸਾਗਰ ਅਤੇ ਹਿੰਦ ਮਹਾਸਾਗਰ ਵਿੱਚ ਦਿਖਾਈ ਦੇਵੇਗਾ। ਭਾਰਤ ਵਿੱਚ, ਪੂਰਨ ਗ੍ਰਹਿਣ ਸਿਰਫ ਪੂਰਬੀ ਹਿੱਸਿਆਂ ਵਿੱਚ ਦਿਖਾਈ ਦੇਵੇਗਾ, ਜਦਕਿ ਅੰਸ਼ਕ ਗ੍ਰਹਿਣ ਭਾਰਤ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ ਦਿਖਾਈ ਦੇਵੇਗਾ। ਕੋਲਕਾਤਾ, ਪਟਨਾ, ਸਿਲੀਗੁੜੀ, ਈਟਾਨਗਰ, ਰਾਂਚੀ ਅਤੇ ਗੁਹਾਟੀ ‘ਚ ਦਿਖਾਈ ਦੇਵੇਗਾ ਪੂਰਾ ਚੰਦਰ ਗ੍ਰਹਿਣ।
