ਲੁਧਿਆਣਾ | ਜ਼ਿਲੇ ਦੇ ਸੁਧਾਰ ਬਲਾਕ ਦੇ ਪਿੰਡ ਰੱਤੋਵਾਲ ਦੀ ਮਹਿਲਾ ਸਰਪੰਚ ਨੂੰ ਉਸ ਦੇ ਪਤੀ ਵੱਲੋਂ ਕੰਮ ‘ਚ ਦਖ਼ਲ ਦੇਣ ਦੀ ਸ਼ਿਕਾਇਤ ਮਿਲਣ ਮਗਰੋਂ ਬਰਖਾਸਤ ਕਰ ਦਿੱਤਾ ਗਿਆ ਹੈ। ਔਰਤ ਦੇ ਪਤੀ ਨੇ ਆਪਣੇ ਆਪ ਨੂੰ ਪਿੰਡ ਦਾ ‘ਸਰਪੰਚ’ ਦੱਸਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਤੋਂ ਇਲਾਵਾ ਸਰਕਾਰੀ ਪ੍ਰਾਜੈਕਟਾਂ ਦੇ ਉਦਘਾਟਨੀ ਪੱਥਰਾਂ ’ਤੇ ਸਰਪੰਚ ਵਜੋਂ ਆਪਣਾ ਨਾਂ ਉਕਰਿਆ ਹੋਇਆ ਸੀ।
ਪੇਂਡੂ ਵਿਕਾਸ ਤੇ ਪੰਚਾਇਤ ਵਿਭਾਗ ਦੇ ਡਾਇਰੈਕਟਰ ਗੁਰਪ੍ਰੀਤ ਸਿੰਘ ਖਹਿਰਾ ਨੇ ਆਪਣੇ ਹੁਕਮਾਂ ‘ਚ ਪਿੰਡ ਰੱਤੋਵਾਲ ਦੀ ਸਰਪੰਚ ਪਰਮਜੀਤ ਕੌਰ ਨੂੰ ਬਰਖਾਸਤ ਕਰ ਦਿੱਤਾ ਹੈ। ਡਾਇਰੈਕਟਰ ਗੁਰਪ੍ਰੀਤ ਸਿੰਘ ਨੇ ਸਰਪੰਚ ਦਾ ਬੈਂਕ ਖਾਤਾ ਵੀ ਫਰੀਜ਼ ਕਰਨ ਦੇ ਹੁਕਮ ਦਿੱਤੇ ਹਨ। ਮਹਿਲਾ ਸਰਪੰਚ ਨੂੰ ਪੰਚਾਇਤ ਦਾ ਸਾਰਾ ਰਿਕਾਰਡ, ਜਾਇਦਾਦ ਅਤੇ ਫੰਡ ਪੰਚਾਇਤ ਦੇ ਇਕ ਮੈਂਬਰ ਨੂੰ ਸੌਂਪਣ ਦੇ ਹੁਕਮ ਦਿੱਤੇ ਗਏ ਹਨ। ਜਿਸ ਦਾ ਨਾਂ ਹੋਰ ਮੈਂਬਰ ਪੰਚਾਇਤਾਂ ਵੱਲੋਂ ਫੈਸਲਾ ਲੈਣ ਵਾਲਿਆਂ ਵਜੋਂ ਤਜਵੀਜ਼ ਕੀਤਾ ਜਾਵੇਗਾ।
