ਨਵੀਂ ਦਿੱਲੀ| ਗਾਂ ਦੇ ਤਾਜ਼ੇ ਮੂਤਰ ਵਿੱਚ ਹਾਨੀਕਾਰਕ ਬੈਕਟੀਰੀਆ ਪਾਏ ਜਾਂਦੇ ਹਨ। ਮਨੁੱਖਾਂ ਲਈ ਇਸ ਦਾ ਸਿੱਧਾ ਸੇਵਨ ਕਰਨਾ ਉਚਿਤ ਨਹੀਂ ਹੈ। ਦੇਸ਼ ਵਿੱਚ ਜਾਨਵਰਾਂ ਉੱਤੇ ਖੋਜ ਨਾਲ ਸਬੰਧਤ ਇੱਕ ਵੱਕਾਰੀ ਸੰਸਥਾ ICAR-Indian Veterinary Research Institute ਦੀ ਖੋਜ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ। ਬਰੇਲੀ ਸਥਿਤ ਇਸ ਸੰਸਥਾ ਦੀ ਖੋਜ ਵਿੱਚ ਮੱਝਾਂ ਦੇ ਮੂਤਰ ਦੇ ਜ਼ਿਆਦਾ ਅਸਰਦਾਰ ਹੋਣ ਦੀ ਗੱਲ ਵੀ ਸਾਹਮਣੇ ਆਈ ਹੈ।
ਉੱਤਰ ਪ੍ਰਦੇਸ਼ ਦੇ ਮਸ਼ਹੂਰ ਬਰੇਲੀ ਜ਼ਿਲ੍ਹੇ ਦੇ ਇਜ਼ਾਤਨਗਰ ਵਿੱਚ ਭਾਰਤੀ ਵੈਟਰਨਰੀ ਰਿਸਰਚ ਇੰਸਟੀਚਿਊਟ (IVRI) ਦੀ ਇੱਕ ਖੋਜ ਸਾਹਮਣੇ ਆਈ ਹੈ। ਪੀਐਚਡੀ ਦੇ ਵਿਦਿਆਰਥੀ ਭੋਜ ਰਾਜ ਸਿੰਘ ਨੇ ਦੱਸਿਆ ਕਿ ਗਾਵਾਂ ਅਤੇ ਬਲਦਾਂ ਦੇ ਪਿਸ਼ਾਬ ਵਿੱਚ ਲਗਭਗ 14 ਕਿਸਮਾਂ ਦੇ ਹਾਨੀਕਾਰਕ ਬੈਕਟੀਰੀਆ ਹੁੰਦੇ ਹਨ ਜਿਸ ਵਿੱਚ ਐਸਚਰੀਚੀਆ ਕੋਲੀ ਹੁੰਦਾ ਹੈ ਜੋ ਪੇਟ ਦੀ ਲਾਗ ਦਾ ਕਾਰਨ ਬਣ ਸਕਦਾ ਹੈ, ਇਸ ਲਈ ਕਿਸੇ ਨੂੰ ਸਿੱਧੇ ਤੌਰ ‘ਤੇ ਪੀਣ ਤੋਂ ਬਚਣਾ ਚਾਹੀਦਾ ਹੈ। ਇਹ ਪੂਰੀ ਖੋਜ ਆਨਲਾਈਨ ਪੋਰਟਲ ਖੋਜ ਵੈੱਬਸਾਈਟ ਰਿਸਰਚਗੇਟ ਵਿੱਚ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਇੱਥੇ ਪੀਐਚਡੀ ਕਰ ਰਹੇ ਵਿਦਿਆਰਥੀਆਂ ਨੇ ਆਪਣੀ ਖੋਜ ਰਿਪੋਰਟ ਵਿੱਚ ਦਾਅਵਾ ਕੀਤਾ ਹੈ ਕਿ ਤਾਜ਼ੇ ਗਊ ਮੂਤਰ ਵਿੱਚ ਸੰਭਾਵੀ ਤੌਰ ‘ਤੇ ਹਾਨੀਕਾਰਕ ਬੈਕਟੀਰੀਆ ਹੋ ਸਕਦਾ ਹੈ। ਜਿਸਦਾ ਸੇਵਨ ਕਰਨ ਨਾਲ ਵਿਅਕਤੀ ਦੀ ਸਿਹਤ ਖਰਾਬ ਹੋ ਸਕਦੀ ਹੈ, ਕਿਸੇ ਵੀ ਵਿਅਕਤੀ ਨੂੰ ਸਿੱਧੇ ਤੌਰ ‘ਤੇ ਗਊ ਮੂਤਰ ਪੀਣ ਤੋਂ ਬਚਣਾ ਚਾਹੀਦਾ ਹੈ, ਜਿਸ ਨਾਲ ਉਹ ਬੀਮਾਰ ਹੋ ਸਕਦਾ ਹੈ
IVRI ਦੇ Epidemiology ਵਿਭਾਗ ਦੇ ਐਚਓਡੀ ਭੋਜਰਾਜ ਸਿੰਘ ਨੇ ‘ਟਾਈਮਜ਼ ਆਫ਼ ਇੰਡੀਆ’ ਨਾਲ ਵਿਸ਼ੇਸ਼ ਗੱਲਬਾਤ ਦੌਰਾਨ ਦੱਸਿਆ ਕਿ ਅਸੀਂ ਇਸ ਸਮੁੱਚੀ ਖੋਜ ਨੂੰ ਅੰਜਾਮ ਦੇਣ ਲਈ ਗਾਂ ਅਤੇ ਮੱਝਾਂ ਦੇ 73 ਪਿਸ਼ਾਬ ਦੇ ਨਮੂਨੇ ਇਕੱਠੇ ਕਰਕੇ ਅੰਕੜਾ ਖੋਜ ਕੀਤੀ ਹੈ। ਜਿਸ ਵਿੱਚ ਅਸੀਂ ਪਾਇਆ ਕਿ ਮੱਝ ਦਾ ਪਿਸ਼ਾਬ ਗਊ ਦੇ ਮੂਤਰ ਨਾਲੋਂ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ। S Epidermidis ਅਤੇ E Rhapontici ਵਰਗੇ ਬੈਕਟੀਰੀਆ ਮੱਝ ਦੇ ਪਿਸ਼ਾਬ ਵਿੱਚ ਵਧੇਰੇ ਪ੍ਰਭਾਵਸ਼ਾਲੀ ਹੁੰਦੇ ਹਨ।
