ਚੰਡੀਗੜ੍ਹ, 16 ਸਤੰਬਰ | ਹੁਣ ਜੇਈਈ ਮੇਨ 2025 ਦੀ ਆਨਲਾਈਨ ਅਰਜ਼ੀ ਲਈ ਸਿਰਫ਼ ਸੱਤ ਦਿਨ ਬਾਕੀ ਹਨ। ਪ੍ਰੀਖਿਆਵਾਂ 22 ਜਨਵਰੀ ਤੋਂ ਸ਼ੁਰੂ ਹੋਣਗੀਆਂ। ਜੇਈਈ ਮੇਨ 2025 ਅਰਜ਼ੀ ਫਾਰਮ ਭਰਨ ਵਿਚ ਬਹੁਤ ਸਾਰੇ ਵਿਦਿਆਰਥੀਆਂ ਨੂੰ ਦਰਪੇਸ਼ ਮੁਸ਼ਕਲਾਂ ਨੂੰ ਦੂਰ ਕਰਨ ਲਈ ਕੁਝ ਬਦਲਾਅ ਕੀਤੇ ਗਏ ਹਨ।
ਕੁਝ ਵਿਦਿਆਰਥੀਆਂ ਨੇ NTA ਨੂੰ ਦੱਸਿਆ ਕਿ ਉਨ੍ਹਾਂ ਦੇ ਨਾਮ ਉਹੀ ਨਹੀਂ ਹਨ ਜੋ ਉਨ੍ਹਾਂ ਦੇ 10ਵੀਂ ਦੇ ਸਰਟੀਫਿਕੇਟ ਜਾਂ ਮਾਰਕਸ਼ੀਟ ਅਤੇ ਆਧਾਰ ਕਾਰਡ ਵਿਚ ਲਿਖੇ ਹਨ। ਦੋਵਾਂ ਦਸਤਾਵੇਜ਼ਾਂ ‘ਤੇ ਨਾਵਾਂ ਦੇ ਸਪੈਲਿੰਗ ਵਿਚ ਅੰਤਰ ਹੋਣ ਕਾਰਨ ਜੇਈਈ ਫਾਰਮ ਪੂਰਾ ਨਹੀਂ ਹੋ ਰਿਹਾ ਹੈ। ਇਸ ਸਮੱਸਿਆ ਨੂੰ ਦੇਖਦੇ ਹੋਏ NTA ਨੇ ਕੁਝ ਬਦਲਾਅ ਕੀਤੇ ਹਨ।
ਦਰਅਸਲ, ਜਿਨ੍ਹਾਂ ਵਿਦਿਆਰਥੀਆਂ ਦੇ ਨਾਂ ਦੋਵੇਂ ਦਸਤਾਵੇਜ਼ਾਂ ਵਿਚ ਮੇਲ ਖਾਂਦੇ ਹਨ, ਉਨ੍ਹਾਂ ਨੂੰ ਕਨਫਰਮ ਨਾਮ ਜੋ ਆਧਾਰ ਵਿਚ ਹੈ, ਚੋਣ ਕਰਨ ‘ਤੇ ਇੱਕ ਸੁਨੇਹਾ ਪ੍ਰਾਪਤ ਹੁੰਦਾ ਹੈ ਕਿ ਆਧਾਰ ਵੈਰੀਫਿਕੇਸ਼ਨ ਵਿਚ ਨਾਮ ਮਿਸਮੈਚ ਹੋ ਰਿਹਾ ਹੈ। ਹੁਣ NTA ਨੇ ਫਾਰਮ ‘ਚ ਵਿਕਲਪ ਦਿੱਤਾ ਹੈ ਕਿ ਜਦੋਂ ਇਹ ਮੈਸੇਜ ਆਵੇਗਾ ਤਾਂ ਉਮੀਦਵਾਰ ਇਸ ਨੂੰ ਬੰਦ ਸਕਦਾ ਹੈ।
ਤੁਸੀਂ ਇਸ ਨੂੰ ਬੰਦ ਕਰ ਸਕਦੇ ਹੋ ਅਤੇ ਇਕ ਨਵੀਂ ਵਿੰਡੋ ਖੁੱਲ੍ਹ ਜਾਵੇਗੀ। ਨਵੀਂ ਵਿੰਡੋ ਵਿਚ ਵਿਦਿਆਰਥੀ ਨੂੰ ਆਧਾਰ ਕਾਰਡ ਵਿਚ ਪ੍ਰਿੰਟ ਕੀਤੇ ਸਪੈਲਿੰਗ ਦੇ ਨਾਲ ਨਾਮ ਲਿਖਣਾ ਹੋਵੇਗਾ। NTA ਨੇ ਉਨ੍ਹਾਂ ਵਿਦਿਆਰਥੀਆਂ ਨੂੰ ਵੱਡੀ ਰਾਹਤ ਦਿੱਤੀ ਹੈ, ਜਿਨ੍ਹਾਂ ਦੇ ਨਾਂ ਆਧਾਰ ਕਾਰਡ ਅਤੇ 10ਵੀਂ ਦੀ ਅੰਕ ਸ਼ੀਟ ਅਤੇ ਸਰਟੀਫਿਕੇਟ ‘ਚ ਸਹੀ ਨਹੀਂ ਹਨ।
ਦਰਅਸਲ, ਆਧਾਰ ਕਾਰਡ ਅਤੇ 10ਵੀਂ ਦੀ ਅੰਕ ਸ਼ੀਟ ਜਾਂ ਸਰਟੀਫਿਕੇਟ ਵਿਚ ਨਾਮਾਂ ਦੇ ਸਪੈਲਿੰਗ ਵੱਖ-ਵੱਖ ਹੋਣ ਕਾਰਨ ਇਨ੍ਹਾਂ ਵਿਦਿਆਰਥੀਆਂ ਦਾ ਡੇਟਾ ਮੇਲ ਨਹੀਂ ਖਾਂਦਾ ਸੀ। ਹੁਣ NTA ਨੇ ਐਡਵਾਈਜ਼ਰੀ ਜਾਰੀ ਕਰ ਕੇ ਕਿਹਾ ਹੈ ਕਿ ਆਧਾਰ ਕਾਰਡ ਅਤੇ 10ਵੀਂ ਦੀ ਅੰਕ ਸ਼ੀਟ ਜਾਂ ਸਰਟੀਫਿਕੇਟ ਵਿਚ ਵਿਦਿਆਰਥੀਆਂ ਦੇ ਨਾਮ ਦਾ ਮੇਲ ਹੋਣਾ ਜ਼ਰੂਰੀ ਨਹੀਂ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਪ੍ਰਕਿਰਿਆ ਵਿਚ ਆਧਾਰ ਕਾਰਡ ਦੇ ਨਾਲ ਵਿਦਿਅਕ ਸਰਟੀਫਿਕੇਟ ਵਿਚ ਲਿਖਿਆ ਨਾਮ ਵੀ ਕੈਪਚਰ ਕੀਤਾ ਜਾਵੇਗਾ। ਫਿਰ ਵਿਦਿਆਰਥੀ ਆਪਣਾ ਜੇਈਈ ਮੇਨ ਫਾਰਮ ਪੂਰੀ ਤਰ੍ਹਾਂ ਭਰ ਸਕਦੇ ਹਨ।
(Note : ਪੰਜਾਬ ਦੀਆਂ ਜ਼ਰੂਰੀ ਖਬਰਾਂ ਪੜ੍ਹਣ ਲਈ ਸਾਡੇ ਵਟਸਐਪ ਗਰੁੱਪ https://shorturl.at/0tM6T ਜਾਂ ਵਟਸਐਪ ਚੈਨਲ https://shorturl.at/Q3yRy ਨਾਲ ਜ਼ਰੂਰ ਜੁੜੋ।)
