ਹਰਿਆਣਾ| ਰੇਡੀਓ ਨੇ ਹਰਿਆਣਾ ਦੀਆਂ ਜੇਲ੍ਹਾਂ ਵਿੱਚ ਵੱਡੀ ਤਬਦੀਲੀ ਲਿਆਂਦੀ ਹੈ। ਇਸ ਨਾਲ ਕੈਦੀਆਂ ਵਿਚਕਾਰ ਸੰਚਾਰ ਵਿੱਚ ਸੁਧਾਰ ਹੋਇਆ ਹੈ। ਸੂਬੇ ਦੀਆਂ ਜੇਲ੍ਹਾਂ ਵਿੱਚ ਹੁਣ ਮਰਦ ਕੈਦੀਆਂ ਦੇ ਨਾਲ-ਨਾਲ ਮਹਿਲਾ ਕੈਦੀਆਂ ਨੂੰ ਵੀ ਰੇਡੀਓ ਜੌਕੀ ਵਜੋਂ ਸ਼ਾਮਲ ਕੀਤਾ ਗਿਆ ਹੈ। ਉਨ੍ਹਾਂ ਨੂੰ ਜੇਲ੍ਹ ਰੇਡੀਓ ਲਈ ਸਿਖਲਾਈ ਦਿੱਤੀ ਗਈ ਸੀ।
ਜੇਲ੍ਹ ਦੇ ਰੇਡੀਓ ਸਟੇਸ਼ਨ ਨੂੰ ਪੂਰੀ ਤਰ੍ਹਾਂ ਚਾਲੂ ਕਰ ਦਿੱਤਾ ਗਿਆ ਹੈ। ਜੇਲ੍ਹ ਦੇ ਕੈਦੀਆਂ ਲਈ 1 ਜਨਵਰੀ 2023 ਨੂੰ ਜ਼ਿਲ੍ਹਾ ਜੇਲ੍ਹ ਜੀਂਦ ਵਿੱਚ ਜੇਲ੍ਹ ਰੇਡੀਓ ਸ਼ੁਰੂ ਕੀਤਾ ਗਿਆ ਸੀ। ਜੇਲ੍ਹ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜੇਲ੍ਹ ਰੇਡੀਓ ਦਾ ਮਕਸਦ ਕੈਦੀਆਂ ਨੂੰ ਪੜ੍ਹਾਈ ਲਈ ਉਤਸ਼ਾਹਿਤ ਕਰਨਾ, ਰੇਡੀਓ ਹੁਨਰ ਨਾਲ ਜੁੜਨਾ, ਡਿਪਰੈਸ਼ਨ ਨੂੰ ਘਟਾਉਣਾ ਅਤੇ ਉਨ੍ਹਾਂ ਵਿੱਚ ਸਕਾਰਾਤਮਕ ਸੋਚ ਪੈਦਾ ਕਰਨਾ ਹੈ।
ਜੇਲ੍ਹ ਦੇ ਕੈਦੀਆਂ ਦਾ ਰੇਡੀਓ ਜੌਕੀ ਲਈ ਆਡੀਸ਼ਨ ਲਿਆ ਗਿਆ। ਬਾਅਦ ਵਿੱਚ 7 ਪੁਰਸ਼ ਕੈਦੀਆਂ ਅਤੇ 4 ਮਹਿਲਾ ਕੈਦੀਆਂ ਦੀ ਚੋਣ ਕੀਤੀ ਗਈ। ਜੇਲ੍ਹ ਸੁਪਰਡੈਂਟ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਜੀਂਦ ਜੇਲ੍ਹ ਰੇਡੀਓ ਹੁਣ ਰੋਜ਼ਾਨਾ 3 ਘੰਟੇ ਪ੍ਰਸਾਰਣ ਕਰੇਗਾ। ਇਸ ਵਿੱਚ 7ਵੱਖ-ਵੱਖ ਪ੍ਰੋਗਰਾਮ ਹੋਣਗੇ। ਇਨ੍ਹਾਂ ਵਿੱਚ ਸਿੱਖਿਆ ਅਤੇ ਸੰਗੀਤ ਨਾਲ ਸਬੰਧਤ ਪ੍ਰੋਗਰਾਮਾਂ ਨੂੰ ਵਿਸ਼ੇਸ਼ ਮਹੱਤਵ ਦਿੱਤਾ ਜਾਵੇਗਾ।
