ਬਠਿੰਡਾ| ਮੰਗਲਵਾਰ ਦੁਪਹਿਰ ਬਠਿੰਡਾ ਦੇ ਮਾਡਲ ਟਾਊਨ ਇਲਾਕੇ ‘ਚ ਸਥਿਤ ਪਾਣੀ ਦੀ ਡਿੱਗੀ ‘ਚ ਦੋ ਬੱਚੇ ਨਹਾਉਣ ਗਏ ਪਰ ਡਿੱਗੀ ਕਾਫੀ ਡੂੰਘੀ ਹੋਣ ਕਾਰਨ ਤੈਰਨ ਤੋਂ ਅਸਮਰੱਥ ਹੋਣ ਕਾਰਨ ਦੋਵੇਂ ਬੱਚਿਆਂ ਦੀ ਡੁੱਬਣ ਕਾਰਨ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਬਾਬੂ ਪੁੱਤਰ ਸੋਨੂੰ (08), ਗੁਰਦਿੱਤ ਸਿੰਘ ਪੁੱਤਰ ਹਰਜੀਤ ਸਿੰਘ (14) ਵਾਸੀ ਧੋਬੀਆਣਾ ਬਸਤੀ, ਬਠਿੰਡਾ ਵਜੋਂ ਹੋਈ ਹੈ। ਦੋਵੇਂ ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਨੌਜਵਾਨ ਵੈਲਫੇਅਰ ਸੋਸਾਇਟੀ ਵੱਲੋਂ ਡਿੱਗੀ ਤੋਂ ਬਾਹਰ ਕੱਢਿਆ ਗਿਆ।
ਧੋਬੀਆਣਾ ਬਸਤੀ ਵਾਸੀ ਆਕਾਸ਼ ਨੇ ਦੱਸਿਆ ਕਿ ਉਹ ਮੰਗਲਵਾਰ ਦੁਪਹਿਰ ਬਾਬੂ ਅਤੇ ਗੁਰਦਿੱਤ ਸਿੰਘ ਨਾਮ ਦੇ ਦੋਸਤਾਂ ਨਾਲ ਮਾਡਲ ਟਾਊਨ ਇਲਾਕੇ ‘ਚ ਸਥਿਤ ਪਾਣੀ ਵਾਲੀ ਡਿੱਗੀ ‘ਤੇ ਪਹੁੰਚਿਆ ਤਾਂ ਬਾਬੂ ਅਤੇ ਗੁਰਦਿੱਤ ਪਾਣੀ ਵਾਲੀ ਡਿੱਗੀ ‘ਚ ਨਹਾਉਣ ਵੜ ਗਏ, ਪਰ ਉਹ ਨਹੀਂ ਗਿਆ। ਪਾਣੀ ਦੀ ਡਿੱਗੀ ਵਿੱਚੋਂ ਕਰੀਬ 20-25 ਮਿੰਟ ਤੱਕ ਜਦੋਂ ਉਹ ਬਾਹਰ ਨਹੀਂ ਆਏ ਤਾਂ ਉਹ ਦੋਵੇਂ ਦੋਸਤਾਂ ਦੇ ਘਰਾਂ ਨੂੰ ਬੁਲਾਉਣ ਲਈ ਘਰ ਚਲਾ ਗਿਆ। ਦੂਜੇ ਪਾਸੇ ਜਦੋਂ ਦੋਵਾਂ ਬੱਚਿਆਂ ਦੇ ਰਿਸ਼ਤੇਦਾਰ ਮੌਕੇ ‘ਤੇ ਪੁੱਜੇ ਤਾਂ ਦੋਵੇਂ ਬੱਚਿਆਂ ਦੀ ਮੌਤ ਹੋ ਚੁੱਕੀ ਸੀ।
ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਸੁਸਾਇਟੀ ਦੇ ਮੈਂਬਰ ਮੌਕੇ ‘ਤੇ ਪਹੁੰਚੇ ਅਤੇ ਪਾਣੀ ਵਾਲੀ ਡਿੱਗੀ ‘ਚ ਬੱਚਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਗੁਰਦਿੱਤ ਦੀ ਲਾਸ਼ ਪਾਣੀ ਦੀ ਟੈਂਕੀ ‘ਚੋਂ ਕੁਝ ਹੀ ਸਮੇਂ ‘ਚ ਬਰਾਮਦ ਕਰ ਲਈ ਗਈ, ਜਦਕਿ ਬਾਬੂ ਦੀ ਲਾਸ਼ ਨੂੰ ਲੱਭਣ ਲਈ ਸੰਸਥਾ ਦੇ ਮੈਂਬਰਾਂ ਨੂੰ ਕਾਫੀ ਜੱਦੋ-ਜਹਿਦ ਕਰਨੀ ਪਈ। ਕਰੀਬ ਡੇਢ ਘੰਟੇ ਬਾਅਦ ਗੁਰਦਿੱਤ ਦੀ ਲਾਸ਼ ਨੂੰ ਡਿੱਗੀ ਤੋਂ ਬਾਹਰ ਕੱਢਿਆ ਗਿਆ। ਸੰਸਥਾ ਦੇ ਪ੍ਰਧਾਨ ਸੋਨੂੰ ਮਹੇਸ਼ਵਰੀ ਨੇ ਦੱਸਿਆ ਕਿ ਦੋਵੇਂ ਬੱਚੇ ਤੈਰਨਾ ਨਹੀਂ ਜਾਣਦੇ ਸਨ
