ਅੰਮ੍ਰਿਤਸਰ . ਅੱਜ ਦੇਸ਼ ਦੇ ਕਈ ਸੂਬਿਆਂ ‘ਚ ਧਰਾਮਿਕ ਸਥਾਨ ਖੁੱਲ੍ਹ ਗਏ ਹਨ। ਪੰਜਾਬ ‘ਚ ਵੀ ਬਾਕੀ ਧਾਰਮਿਕ ਸਥਾਨਾਂ ਸਮੇਤ ਗੁਰਦੁਆਰਿਆਂ ‘ਚ ਸੰਗਤ ਦੀ ਆਮਦ ਹੋਈ। ਸਰਕਾਰ ਵੱਲੋਂ ਦਿੱਤੀਆਂ ਹਦਾਇਤਾਂ ਦੇ ਉਲਟ ਹਰਿਮੰਦਰ ਸਾਹਿਬ ਵਿਖੇ ਪ੍ਰਸਾਦਿ ਵੀ ਵੰਡਿਆ ਗਿਆ ਤੇ ਲੰਗਰ ਵੀ ਨਿਰੰਤਰ ਜਾਰੀ ਹੈ। ਅਜਿਹੇ ‘ਚ ਐਸਜੀਪੀਸੀ ਦੇ ਪ੍ਰਧਾਨ ਗੋਬਿੰਦ ਸਿੰਘ ਲੌਂਗੋਵਾਲ ਨੇ ਸਪੱਸ਼ਟ ਕਰ ਦਿੱਤਾ ਕਿ ਗੁਰਦੁਆਰਾ ਸਾਹਿਬਾਨ ‘ਚ ਪ੍ਰਸਾਦਿ ਤੇ ਲੰਗਰ ਨਿਰੰਤਰ ਜਾਰੀ ਰਹੇਗਾ।
ਲੌਂਗੋਵਾਲ ਨੇ ਕਿਹਾ ਲੰਗਰ ਕਿ ਪੰਗਤ ਗੁਰੂ ਘਰ ਦੀ ਮਰਿਯਾਦਾ ਹੈ ਤੇ ਇਸ ‘ਤੇ ਕਾਇਮ ਰਿਹਾ ਜਾਵੇਗਾ। ਉਨ੍ਹਾਂ ਇਸ ਬਾਬਤ ਸਰਕਾਰ ਨੂੰ ਚਿੱਠੀ ਵੀ ਲਿਖ ਦਿੱਤੀ ਹੈ। ਦਰਅਸਲ ਸਰਕਾਰ ਵੱਲੋਂ ਜਾਰੀ ਹਦਾਇਤਾਂ ਮੁਤਾਬਕ ਗੁਰਦੁਆਰਿਆਂ ‘ਚ ਲੰਗਰ ਤੇ ਪ੍ਰਸਾਦਿ ‘ਤੇ ਰੋਕ ਰਹੇਗੀ।
