ਚੰਡੀਗੜ੍ਹ . ਉੱਤਰ ਭਾਰਤ ਦੇ ਮੈਦਾਨੀ ਇਲਾਕਿਆਂ ਵਿੱਚ ਗਰਮੀ ਦਾ ਪ੍ਰਭਾਵ ਵੱਧ ਰਿਹਾ ਹੈ। ਚੰਡੀਗੜ੍ਹ ਵਿੱਚ ਸੋਮਵਾਰ ਨੂੰ ਤਾਪਮਾਨ 42 ਡਿਗਰੀ ਦਰਜ ਕੀਤਾ ਗਿਆ। ਅੱਜ ਵੀ ਤਾਪਮਾਨ 42 ਡਿਗਰੀ ਤੋਂ ਵੱਧ ਹੈ। ਉਧਰ, ਪੰਜਾਬ ਦੇ 11 ਜ਼ਿਲ੍ਹਿਆਂ ਵਿੱਚ ਪਾਰਾ 43 ਤੋਂ 45 ਡਿਗਰੀ ਦੇ ਵਿਚਕਾਰ ਚੱਲ ਰਿਹਾ ਹੈ। ਸੋਮਵਾਰ ਨੂੰ ਮੋਗਾ, ਸੰਗਰੂਰ, ਫਾਜ਼ਿਲਕਾ, ਬਠਿੰਡਾ ਵਿੱਚ ਪਾਰਾ 45 ਡਿਗਰੀ, ਬਰਨਾਲਾ, ਜਲੰਧਰ, ਰੋਪੜ ਤੇ ਪਟਿਆਲਾ ਵਿੱਚ 44 ਡਿਗਰੀ ਰਿਹਾ। ਗੁਰਦਾਸਪੁਰ, ਕਪੂਰਥਲਾ, ਤਰਨ ਤਾਰਨ ਦਾ ਘੱਟੋ ਘੱਟ ਤਾਪਮਾਨ 43 ਡਿਗਰੀ ਰਿਹਾ। ਮੌਸਮ ਵਿਭਾਗ ਅਨੁਸਾਰ ਅਗਲੇ ਦੋ ਦਿਨ ਯਾਨੀ 27 ਮਈ ਤੱਕ ਗਰਮੀ ਦੇ ਨਾਲ ਲੂ ਵਗੇਗੀ। ਪ੍ਰਾਈਵੇਟ ਮੌਸਮ ਏਜੰਸੀ ਸਕਾਈਮੈਟ ਵਿਗਿਆਨੀ ਮਹੇਸ਼ ਪਲਾਵਤ ਨੇ ਕਿਹਾ ਕਿ ਇੱਕ ਪੱਛਮੀ ਗੜਬੜੀ ਇੱਕ ਹਫਤੇ ਤੋਂ ਵੱਧ ਸਮੇਂ ਤੋਂ ਸਰਗਰਮ ਨਹੀਂ ਹੈ।
ਇਸ ਕਾਰਨ ਪੂਰੇ ਉੱਤਰ, ਉੱਤਰ ਪੱਛਮ ਤੇ ਮੱਧ ਭਾਰਤ ਵਿੱਚ ਖੁਸ਼ਕ ਮੌਸਮ ਹੈ। ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਅਗਲੀ ਪੱਛਮੀ ਗੜਬੜੀ 28 ਮਈ ਨੂੰ ਪ੍ਰਵੇਸ਼ ਕਰੇਗੀ, ਜਿਸ ਦਾ ਅਸਰ ਮਈ 29-30 ਨੂੰ ਹੋਵੇਗਾ। 1 ਜੂਨ ਤੋਂ ਤਾਪਮਾਨ ਫਿਰ ਵਧੇਗਾ ਅਤੇ ਗਰਮੀ ਚੱਲੇਗੀ। ਮੌਸਮ ਵਿਭਾਗ ਨੇ ਕਿਹਾ ਹੈ ਕਿ ਮਾਨਸੂਨ 5 ਜੂਨ ਨੂੰ ਕੇਰਲਾ ਵਿੱਚ ਤੂਫਾਨ ਅਮਫਾਨ ਕਾਰਨ ਦਸਤਕ ਦੇਵੇਗਾ। ਜਿਥੇ ਸੋਮਵਾਰ ਨੂੰ ਮਾਨਸੂਨ ਬੰਗਾਲ ਦੀ ਖਾੜੀ ਤੋਂ ਹਿੰਦ ਮਹਾਂਸਾਗਰ ਤੱਕ ਪਹੁੰਚ ਗਿਆ ਹੈ, ਇਹ ਆਮ ਨਾਲੋਂ ਚਾਰ ਦਿਨ ਪਿੱਛੇ ਹੈ। ਇਹ ਸਥਿਤੀ 21 ਮਈ ਨੂੰ ਹੋਣੀ ਚਾਹੀਦੀ ਸੀ। ਦੱਖਣ ਪੱਛਮੀ ਮਾਨਸੂਨ ਪਿਛਲੇ ਹਫਤੇ ਹੀ ਬੰਗਾਲ ਦੀ ਖਾੜੀ ਤੇ ਹਿੰਦ ਮਹਾਂਸਾਗਰ ਵਿੱਚ ਪਹੁੰਚਿਆ ਸੀ।
