ਪਟਿਆਲਾ| ਪਟਿਆਲਾ ਦੇ ਪੱਤਣ ਦੇ ਪਿੰਡ ਕੰਗਥਲਾ ‘ਚ ਮਾਂ ਅਤੇ ਛੋਟੇ ਭਰਾ ਦਾ ਕਤਲ ਕਰਨ ਵਾਲੇ ਦੋਸ਼ੀ ਨੇ ਨਸ਼ੇ ਲਈ ਬੇਰਹਿਮੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਸਨ। ਪੁਲਿਸ ਜਾਂਚ ਵਿੱਚ ਕਈ ਸਨਸਨੀਖੇਜ਼ ਖੁਲਾਸੇ ਹੋਏ ਹਨ।
ਦੋਸ਼ੀ ਗੁਰਵਿੰਦਰ ਗਿੰਦਾ ਨੂੰ ਉਸ ਦੀ ਮਾਂ ਵੱਲੋਂ ਦੋ ਦਿਨਾਂ ਤੋਂ ਪੈਸੇ ਨਹੀਂ ਦਿੱਤੇ ਗਏ। ਗਿੰਦਾ ਸਮੈਕ ਦੀ ਲਤ ਦਾ ਸ਼ਿਕਾਰ ਹੈ। ਨਸ਼ਾ ਨਾ ਮਿਲਣ ਕਰਕੇ ਉਸ ਦਾ ਸਰੀਰ ਬੁਰੀ ਤਰ੍ਹਾਂ ਟੁੱਟ ਰਿਹਾ ਸੀ। ਇਸ ਕਾਰਨ ਉਸ ਨੇ 25 ਜੂਨ ਨੂੰ ਆਪਣੇ ਦੋ ਸਾਥੀਆਂ ਨਾਲ ਮਿਲ ਕੇ ਘਰ ਵਿੱਚ ਮੌਤ ਦਾ ਤਾਂਡਵ ਮਚਾ ਦਿੱਤਾ।
ਜਦੋਂ ਸਵੇਰੇ 10 ਵਜੇ ਦੋਸ਼ੀ ਨੇ ਆਪਣੀ ਮਾਂ ਦੇ ਸਿਰ ’ਤੇ ਲੋਹੇ ਦੀ ਰਾਡ ਨਾਲ ਵਾਰ ਕੀਤਾ ਤਾਂ ਉਹ ਰਸੋਈ ਵਿੱਚ ਖਾਣਾ ਬਣਾ ਰਹੀ ਸੀ। ਮਾਂ ਦੀ ਮੌਤ ਤੋਂ ਬਾਅਦ ਦੋਸ਼ੀ ਗਿੰਦਾ ਦਾ ਛੋਟਾ ਮਤਰੇਆ ਭਰਾ ਜਸਵਿੰਦਰ ਸਿੰਘ ਗੁਰਦੁਆਰਾ ਸਾਹਿਬ ਵਿਖੇ ਮੱਥਾ ਟੇਕਣ ਗਿਆ ਹੋਇਆ ਸੀ।
ਜਸਵਿੰਦਰ ਦੁਪਹਿਰ ਕਰੀਬ ਇੱਕ ਵਜੇ ਘਰ ਪਰਤਿਆ। ਜਿਵੇਂ ਹੀ ਉਹ ਰਸੋਈ ਦੇ ਨਾਲ ਲੱਗਦੇ ਆਪਣੇ ਕਮਰੇ ‘ਚ ਗਿਆ ਤਾਂ ਦੋਸ਼ੀਆਂ ਨੇ ਉਸ ਦੇ ਸਿਰ ‘ਤੇ ਕਈ ਵਾਰ ਕਰ ਕੇ ਹੱਤਿਆ ਉਸਦੀ ਵੀ ਹੱਤਿਆ ਕਰ ਦਿੱਤੀ। ਇਸ ਤੋਂ ਬਾਅਦ ਦੋਸ਼ੀ ਗੁਰਵਿੰਦਰ ਸਿੰਘ (28) ਅਤੇ ਉਸ ਦੇ ਸਾਥੀ ਰਜਿੰਦਰ ਸਿੰਘ ਉਰਫ਼ ਰਾਜਾ (50) ਅਤੇ ਰਣਜੀਤ ਸਿੰਘ ਉਰਫ਼ ਰਾਣਾ (28) ਵਾਸੀ ਪਿੰਡ ਕੰਗਥਲਾ ਰਾਤ ਪੈਣ ਦੀ ਉਡੀਕ ਕਰਦੇ ਰਹੇ।
ਹਨੇਰਾ ਹੁੰਦਿਆਂ ਹੀ ਗੁਰਵਿੰਦਰ ਸਿੰਘ ਨੇ ਆਪਣੇ ਭਰਾ ਦੀ ਲਾਸ਼ ਨੂੰ ਆਪਣੀ ਆਲਟੋ ਕਾਰ ਵਿਚ ਪਾ ਕੇ ਕੈਥਲ-ਖਨੌਰੀ ਨਾਲੇ ਵਿਚ ਸੁੱਟ ਦਿੱਤਾ। ਘਰ ਆ ਕੇ ਦੋਸ਼ੀ ਨੇ ਦਾਤਰ ਨਾਲ ਬੇਰਹਿਮੀ ਨਾਲ ਆਪਣੀ ਮਾਂ ਦੀ ਲਾਸ਼ ਦੇ ਛੋਟੇ-ਛੋਟੇ ਟੋਟੇ ਕਰ ਦਿੱਤੇ ਅਤੇ ਕੰਬਲ ਵਿੱਚ ਬੰਨ੍ਹ ਕੇ ਖੇਤ ਦੇ ਸੰਦ ਅਤੇ ਪਸ਼ੂਆਂ ਦਾ ਚਾਰਾ ਰੱਖਣ ਲਈ ਬਣੇ ਘਰ ਦੇ ਵਿਹੜੇ ਵਿੱਚ ਬਣੇ ਕੱਚੇ ਕਮਰੇ ਵਿੱਚ ਰੱਖ ਦਿੱਤਾ।
ਅਪਰਾਧ ਨੂੰ ਛੁਪਾਉਣ ਲਈ ਦੋਸ਼ੀ ਹਰ ਰੋਜ਼ ਮਾਂ ਦੀ ਲਾਸ਼ ਦੇ ਕੁਝ ਟੋਟਿਆਂ ਨੂੰ ਸਾੜਨ ਲੱਗਾ। ਪੁਲਿਸ ਮੁਤਾਬਕ ਪਰਮਜੀਤ ਕੌਰ ਦਾ 80 ਫੀਸਦੀ ਸਰੀਰ ਸੜ ਚੁੱਕਾ ਸੀ। ਬਾਹਰੋਂ ਹੋਰ ਲੱਕੜ ਲਿਆਉਣ ਦੇ ਸ਼ੱਕ ਤੋਂ ਬਚਣ ਲਈ ਦੋਸ਼ੀਆਂ ਨੇ ਘਰ ਵਿੱਚ ਰੱਖੇ ਲੱਕੜ ਦੇ ਟੁੱਟੇ ਸਾਮਾਨ ਦੀ ਵੀ ਵਰਤੋਂ ਕੀਤੀ।
ਲਾਸ਼ ਦਾ ਵੱਡਾ ਹਿੱਸਾ ਸੜ ਜਾਣ ਤੋਂ ਬਾਅਦ ਵੀ ਜਦੋਂ ਦੋਸ਼ੀ ਫੜੇ ਨਹੀਂ ਗਏ ਤਾਂ ਉਨ੍ਹਾਂ ਨੂੰ ਲੱਗਾ ਕਿ ਅੱਗੇ ਵੀ ਕੁਝ ਨਹੀਂ ਹੋਵੇਗਾ। ਉਨ੍ਹਾਂ ਨੇ ਲਾਸ਼ ਦੇ ਬਾਕੀ ਹਿੱਸੇ, ਜਿਸ ਵਿੱਚ ਲੱਤ ਦਾ ਅਗਲਾ ਹਿੱਸਾ, ਸਿਰ ਦੇ ਵਾਲ ਅਤੇ ਕੁਝ ਹੱਡੀਆਂ ਸ਼ਾਮਲ ਸਨ, ਘਰ ਦੇ ਵਿਹੜੇ ਦੇ ਇੱਕ ਕੋਨੇ ਵਿੱਚ ਸੁੱਟ ਦਿੱਤੀਆਂ।
ਗਲੀ ਦੇ ਸਾਹਮਣੇ ਵਾਲੇ ਇਸ ਕੋਨੇ ਨੂੰ ਬਾਲਣ ਦੀ ਲੱਕੜ ਸਟੋਰ ਕਰਨ ਲਈ ਵਰਤਿਆ ਜਾਂਦਾ ਸੀ। ਦੋਸ਼ੀਆਂ ਦੀ ਇਹ ਗਲਤੀ ਉਨ੍ਹਾਂ ਨੂੰ ਮਹਿੰਗੀ ਪਈ। ਬਦਬੂ ਆਉਣ ‘ਤੇ ਆਸਪਾਸ ਦੇ ਲੋਕਾਂ ਨੂੰ ਸ਼ੱਕ ਹੋਣ ਲੱਗਾ। ਸੂਚਨਾ ‘ਤੇ ਕਾਰਵਾਈ ਕਰਦੇ ਹੋਏ ਪੁਲਿਸ ਨੇ ਇਨ੍ਹਾਂ ਹਿੱਸਿਆਂ ਨੂੰ ਆਪਣੇ ਕਬਜ਼ੇ ‘ਚ ਲੈ ਲਿਆ ਹੈ।
ਪਿੰਡ ਵਾਸੀਆਂ ਨੇ ਸੰਪਰਕ ਕਰਨ ’ਤੇ ਦੱਸਿਆ ਕਿ ਪਿਛਲੇ ਕੁਝ ਦਿਨਾਂ ਤੋਂ ਪਰਮਜੀਤ ਕੌਰ ਦੇ ਘਰ ’ਚੋਂ ਧੂੰਏਂ ਦੀ ਅਜੀਬ ਜਿਹੀ ਬਦਬੂ ਆ ਰਹੀ ਸੀ ਜਿਵੇਂ ਕੁਝ ਸੜ ਰਿਹਾ ਹੋਵੇ। ਸ਼ੱਕ ਵੀ ਹੋਇਆ, ਪਰ ਫਿਰ ਸੋਚਿਆ ਕਿ ਨਸ਼ੇੜੀ ਗੁਰਵਿੰਦਰ ਸਿੰਘ ਨੇ ਆਪਣੇ ਨਸ਼ੇ ਲਈ ਪੈਸੇ ਇਕੱਠੇ ਕਰਨ ਲਈ ਕਿਤੋਂ ਤਾਰਾਂ ਆਦਿ ਚੋਰੀ ਕੀਤੀਆਂ ਹੋਣਗੀਆਂ ਅਤੇ ਉਸ ਨੂੰ ਸਾੜਨ ਅਤੇ ਵੇਚਣ ਲਈ ਤਾਂਬਾ ਕੱਢ ਰਿਹਾ ਹੋਵੇਗਾ।
(Note : ਖਬਰਾਂ ਦੇ ਅਪਡੇਟਸ ਸਿੱਧਾ ਆਪਣੇ ਵਟਸਐਪ ‘ਤੇ ਮੰਗਵਾਓ। ਸਭ ਤੋਂ ਪਹਿਲਾਂ ਸਾਡੇ ਨੰਬਰ 97687-90001 ਨੂੰ ਆਪਣੇ ਮੋਬਾਇਲ ‘ਚ ਸੇਵ ਕਰੋ। ਇਸ ਤੋਂ ਬਾਅਦ ਇਸ ਲਿੰਕ ‘ਤੇ ਕਲਿੱਕ ਕਰਕੇ ਗਰੁੱਪ ਨਾਲ ਜੁੜੋ। ਪੰਜਾਬ ਦਾ ਹਰ ਜ਼ਰੂਰੀ ਅਪਡੇਟ ਆਵੇਗਾ ਸਿੱਧਾ ਤੁਹਾਡੇ ਮੋਬਾਇਲ ‘ਤੇ
