5G ਸੇਵਾ ਸ਼ੁਰੂ ਹੁੰਦੇ ਹੀ ਸਾਈਬਰ ਚੋਰ ਵੀ ਸਰਗਰਮ, ਸਿਮ ਅਪਗ੍ਰੇਡ ਦੇ ਨਾਂ ਤੇ ਭੇਜਦੇ ਨੇ ਲਿੰਕ, ਕਲਿੱਕ ਕਰਦੇ ਹੀ ਬੈਂਕ ਖਾਤੇ ‘ਚੋਂ ਪੈਸੇ ਗਾਇਬ

ਜਲੰਧਰ/ਦਿੱਲੀ| ਦੇਸ਼ ਵਿੱਚ 5ਜੀ ਸੇਵਾ ਸ਼ੁਰੂ ਹੋ ਗਈ ਹੈ। ਰਿਲਾਇੰਸ ਜਿਓ ਅਤੇ ਏਅਰਟੈੱਲ ਦੀਆਂ 5ਜੀ ਸੇਵਾਵਾਂ ਕੁਝ ਸ਼ਹਿਰਾਂ ਵਿੱਚ ਲਾਈਵ ਹੋ ਗਈਆਂ ਹਨ। ਦਿੱਲੀ, ਮੁੰਬਈ, ਕੋਲਕਾਤਾ ਅਤੇ ਵਾਰਾਣਸੀ ਵਰਗੇ ਸ਼ਹਿਰਾਂ ਦੇ ਉਪਭੋਗਤਾਵਾਂ ਨੂੰ 5ਜੀ ਸਿਗਨਲ ਮਿਲਣਾ ਸ਼ੁਰੂ ਹੋ ਗਿਆ ਹੈ। ਜੀਓ ਦੀ 5ਜੀ ਸੇਵਾ ਬੀਟਾ ਟ੍ਰਾਇਲ ਦੇ ਤਹਿਤ ਮੁੰਬਈ, ਦਿੱਲੀ, ਕੋਲਕਾਤਾ ਅਤੇ ਵਾਰਾਣਸੀ 'ਚ ਸ਼ੁਰੂ ਹੋ ਚੁੱਕੀ ਹੈ ਜਦਕਿ ਏਅਰਟੈੱਲ ਦੀ 5ਜੀ ਸੇਵਾ ਏਅਰਟੈੱਲ 5ਜੀ ਪਲੱਸ ਦੇ ਨਾਂ ਨਾਲ ਅੱਠ ਸ਼ਹਿਰਾਂ 'ਚ ਸ਼ੁਰੂ ਹੋ ਚੁੱਕੀ ਹੈ। ਹੁਣ 5ਜੀ ਦੇ ਸ਼ੁਰੂ ਹੋਣ ਨਾਲ ਸਾਈਬਰ ਚੋਰ ਵੀ ਸਰਗਰਮ ਹੋ ਗਏ ਹਨ। 5ਜੀ ਸਿਮ ਅਪਗ੍ਰੇਡ ਦੇ ਨਾਂ 'ਤੇ ਲਿੰਕ 'ਤੇ ਕਲਿੱਕ ਕਰਦੇ ਹੀ ਲੋਕਾਂ ਦੇ ਬੈਂਕ ਖਾਤੇ 'ਚੋਂ ਪੈਸੇ ਗਾਇਬ ਹੋ ਰਹੇ ਹਨ। ਪੁਲਿਸ ਨੇ ਇਸ ਸਬੰਧੀ ਲੋਕਾਂ ਨੂੰ ਸੁਚੇਤ ਵੀ ਕੀਤਾ ਹੈ।

ਇੱਕ ਰਿਪੋਰਟ ਮੁਤਾਬਕ 5G ਸਿਮ ਅਪਗ੍ਰੇਡ ਨੂੰ ਲੈ ਕੇ ਕਈ ਲੋਕਾਂ ਨੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਹੈ। ਲੋਕਾਂ ਦਾ ਦਾਅਵਾ ਹੈ ਕਿ 5ਜੀ ਸਿਮ ਅਪਗ੍ਰੇਡ ਦੇ ਨਾਂ 'ਤੇ ਮੈਸੇਜ ਦੇ ਲਿੰਕ 'ਤੇ ਕਲਿੱਕ ਕਰਨ ਤੋਂ ਬਾਅਦ ਉਨ੍ਹਾਂ ਦੇ ਬੈਂਕ ਖਾਤੇ ਤੋਂ ਪੈਸੇ ਕਢਵਾ ਲਏ ਗਏ ਹਨ। ਲੋਕਾਂ ਨੂੰ ਲੱਗ ਰਿਹਾ ਹੈ ਕਿ ਉਨ੍ਹਾਂ ਦੀ ਟੈਲੀਕਾਮ ਕੰਪਨੀ ਨੇ ਸਿਮ ਅਪਗ੍ਰੇਡ ਕਰਨ ਲਈ ਲਿੰਕ ਭੇਜਿਆ ਹੈ। ਦਰਅਸਲ, ਸਾਈਬਰ ਚੋਰ 5ਜੀ ਨੂੰ ਲੈ ਕੇ ਲੋਕਾਂ ਦੇ ਉਤਸ਼ਾਹ ਦਾ ਫਾਇਦਾ ਉਠਾ ਰਹੇ ਹਨ। ਮੈਸੇਜ ਦੇ ਨਾਲ ਆਏ ਲਿੰਕ ਰਾਹੀਂ ਹੈਕਰ ਲੋਕਾਂ ਦੇ ਫੋਨ ਹੈਕ ਕਰ ਰਹੇ ਹਨ ਅਤੇ ਡਾਟਾ ਚੋਰੀ ਕਰ ਰਹੇ ਹਨ। ਇਹ ਚੋਰ ਲੋਕਾਂ ਦੇ ਫੋਨਾਂ 'ਚ ਰਿਮੋਟ ਐਪ ਵੀ ਲਗਾ ਰਹੇ ਹਨ ਅਤੇ ਫਿਰ ਰਿਮੋਟ ਨਾਲ ਬੈਠੇ ਫੋਨ ਨੂੰ ਕੰਟਰੋਲ ਕਰ ਰਹੇ ਹਨ। ਪੁਲਸ ਦੀ ਸਾਈਬਰ ਟੀਮ ਨੇ ਲੋਕਾਂ ਨੂੰ ਕਿਹਾ ਹੈ ਕਿ ਉਹ ਅਜਿਹੇ ਕਿਸੇ ਵੀ ਲਿੰਕ 'ਤੇ ਕਲਿੱਕ ਨਾ ਕਰਨ, ਜਿਸ 'ਚ 4ਜੀ ਤੋਂ 5ਜੀ 'ਚ ਅਪਗ੍ਰੇਡ ਕਰਨ ਦੀ ਗੱਲ ਹੋਵੇ। ਇਸ ਤੋਂ ਇਲਾਵਾ ਤੁਹਾਨੂੰ ਦੱਸ ਦੇਈਏ ਕਿ ਟੈਲੀਕਾਮ ਕੰਪਨੀਆਂ ਨੇ ਇਹ ਵੀ ਕਿਹਾ ਹੈ ਕਿ ਤੁਹਾਨੂੰ ਸਿਮ ਬਦਲਣ ਦੀ ਜ਼ਰੂਰਤ ਨਹੀਂ ਹੈ ਅਤੇ ਨਾ ਹੀ ਕਿਸੇ ਲਿੰਕ 'ਤੇ ਕਲਿੱਕ ਕਰੋ।