ਚੰਡੀਗੜ੍ਹ | ਪੰਜਾਬ ਪੁਲਿਸ ਦੀ ਏ.ਟੀ.ਜੀ.ਐਫ. ਤੇ ਮਹਾਰਾਸ਼ਟਰ ਪੁਲਿਸ ਦੀ ਏ.ਟੀ.ਐਸ. ਦੇ ਸਾਂਝੇ ਆਪ੍ਰੇਸ਼ਨ ਸਦਕਾ ਮੁੰਬਈ ਤੋਂ 3 ਗੈਂਗਸਟਰ ਗ੍ਰਿਫ਼ਤਾਰ ਕੀਤੇ ਗਏ ਹਨ। ਇਨ੍ਹਾਂ ਤਿੰਨਾਂ ਦਾ ਨਵਾਂਸ਼ਹਿਰ ਵਿਚ ਮਾਰਚ 2022 ਵਿਚ ਮੱਖਣ ਕਤਲ ਕੇਸ ਨਾਲ ਸਬੰਧ ਹੈ।
ਇਹ ਜਾਣਕਾਰੀ ਆਈ. ਜੀ. ਹੈੱਡ ਕੁਆਰਟਰ ਸੁਖਚੈਨ ਸਿੰਘ ਗਿੱਲ ਨੇ ਪ੍ਰੈਸ ਕਾਨਫਰੰਸ ਕਰਕੇ ਦਿੱਤੀ। ਉਨ੍ਹਾਂ ਪੁਲਿਸ ਦੀ ਹਫ਼ਤਾਵਾਰੀ ਰਿਪੋਰਟ ਵੀ ਜਾਰੀ ਕੀਤੀ। ਤਿੰਨਾਂ ਨੇ ਆਪਣੇ ਪੰਜ ਹੋਰ ਸਾਥੀਆਂ ਨਾਲ ਮਿਲ ਕੇ ਪਿਛਲੇ ਸਾਲ ਮਾਰਚ ਵਿਚ 35 ਸਾਲਾ ਕਿਸਾਨ ਮੱਖਣ ਸਿੰਘ ‘ਤੇ ਕਥਿਤ ਤੌਰ ‘ਤੇ 20 ਰਾਊਂਡ ਫਾਇਰ ਕੀਤੇ ਸਨ। ਇਹ ਹਮਲਾ ਕਥਿਤ ਤੌਰ ‘ਤੇ ਗੈਂਗ ਦੇ ਆਗੂ ਖੱਤਰੀ ਦੇ ਨਿਰਦੇਸ਼ਾਂ ‘ਤੇ ਕੀਤਾ ਗਿਆ ਸੀ।
ਪੰਜਾਬ ਪੁਲਿਸ ਨੇ ਇਸ ਬੇਰਹਿਮੀ ਨਾਲ ਕਤਲ ਦੇ ਮਾਮਲੇ ਵਿਚ ਦੋ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਬਾਕੀਆਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਐਂਟੀ ਗੈਂਗਸਟਰ ਟਾਸਕ ਫੋਰਸ (ਏਜੀਟੀਐਫ), ਪੰਜਾਬ ਦੇ ਡਿਪਟੀ ਸੁਪਰਡੈਂਟ ਆਫ ਪੁਲਿਸ ਰਾਜਨ ਪਰਮਿੰਦਰ ਨੇ ਦੱਸਿਆ ਕਿ ਇਸ ਕੇਸ ਵਿਚ ਲੋੜੀਂਦੇ ਤਿੰਨੇ ਪਿਛਲੇ ਸਾਲ ਜੂਨ ਤੋਂ ਅੰਬੀਵਾਲੀ ਦੀ ਐਨਆਰਸੀ ਕਲੋਨੀ ਵਿਚ ਲੁਕੇ ਹੋਏ ਸਨ।
ਖਾਸ ਇਨਪੁਟ ਦੇ ਅਧਾਰ ‘ਤੇ, ਮਹਾਰਾਸ਼ਟਰ ਏਟੀਐਸ, ਏਜੀਟੀਐਫ ਪੰਜਾਬ ਅਤੇ ਖੜਕਪਾੜਾ ਪੁਲਿਸ ਦੀ ਠਾਣੇ ਯੂਨਿਟ ਦੀ ਇਕ ਸੰਯੁਕਤ ਟੀਮ ਨੇ ਰਿਹਾਇਸ਼ ‘ਤੇ ਛਾਪਾ ਮਾਰਿਆ ਅਤੇ ਤਿੰਨਾਂ ਨੂੰ ਫੜਨ ਵਿਚ ਸਫਲਤਾ ਪ੍ਰਾਪਤ ਕੀਤੀ।
ਉਸ ਦੀ ਖੱਤਰੀ ਨਾਲ ਕੁਝ ਪੁਰਾਣੀ ਦੁਸ਼ਮਣੀ ਸੀ, ਜਿਸ ਕਾਰਨ ਉਸਨੇ ਆਪਣੇ ਬੰਦਿਆਂ ਨੂੰ ਉਸਨੂੰ ਮਾਰਨ ਲਈ ਕਿਹਾ। ਕੁੱਲ ਛੇ ਸ਼ੂਟਰ ਸਨ, ਜਿਨ੍ਹਾਂ ਕੋਲ 9 ਐਮਐਮ ਪਿਸਤੌਲ ਸੀ ਅਤੇ ਮੱਖਣ ਸਿੰਘ ‘ਤੇ 20 ਤੋਂ ਵੱਧ ਰਾਊਂਡ ਫਾਇਰ ਕੀਤੇ। ਇਸ ਯੋਜਨਾ ਵਿਚ ਸ਼ਾਮਲ ਦੋ ਵਿਅਕਤੀਆਂ ਨੂੰ ਪਹਿਲਾਂ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਹੁਣ ਤਿੰਨਾਂ ਦੀ ਗ੍ਰਿਫਤਾਰੀ ਤੋਂ ਬਾਅਦ, ਤਿੰਨ ਹੋਰ ਸ਼ੂਟਰ ਅਜੇ ਵੀ ਇਸ ਕੇਸ ਵਿਚ ਲੋੜੀਂਦੇ ਹਨ।
ਮੁਲਜ਼ਮਾਂ ਨੂੰ ਕਲਿਆਣ ਦੀ ਇਕ ਸਥਾਨਕ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਅਤੇ ਸਾਨੂੰ ਉਨ੍ਹਾਂ ਦਾ ਤਿੰਨ ਦਿਨਾਂ ਦਾ ਟਰਾਂਜ਼ਿਟ ਰਿਮਾਂਡ ਮਿਲਿਆ ਹੈ ਤਾਂ ਜੋ ਅਸੀਂ ਉਨ੍ਹਾਂ ਨੂੰ ਪੰਜਾਬ ਵਾਪਸ ਲੈ ਜਾ ਸਕੀਏ।
