ਬਿਹਾਰ| ਅੱਜ ਅਸੀਂ ਤੁਹਾਨੂੰ ਬਿਹਾਰ ਦੇ ਇੱਕ ਅਜਿਹੇ ਸੀਰੀਅਲ ਕਿਲਰ ਦੀ ਕਹਾਣੀ ਦੱਸਣ ਜਾ ਰਹੇ ਹਾਂ, ਜਿਸ ਨੂੰ ਜਾਣ ਕੇ ਤੁਹਾਡੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਜਾਵੇਗੀ। ਜਿਸਨੂੰ ਸਭ ਤੋਂ ਛੋਟੀ ਉਮਰ ਦਾ ਸੀਰੀਅਲ ਕਿਲਰ ਭਾਰਤ ਵਿੱਚ ਹੀ ਨਹੀਂ ਬਲਕਿ ਪੂਰੀ ਦੁਨੀਆ ਵਿੱਚ ਮੰਨਿਆ ਜਾਂਦਾ ਹੈ। ਕਹਿਣ ਨੂੰ ਤਾਂ ਉਹ ਛੋਟਾ ਬੱਚਾ ਹੈ ਪਰ ਅਪਰਾਧ ਦੇ ਮਾਮਲੇ ਵਿੱਚ ਵੱਡੇ-ਵੱਡੇ ਅਪਰਾਧੀਆਂ ਦੇ ਪਸੀਨੇ ਛੁਡਵਾ ਦਿੱਤੇ ਹਨ। ਜਿਸ ਨੇ ਸਿਰਫ 8 ਸਾਲ ਦੀ ਉਮਰ ‘ਚ ਤਿੰਨ ਲੋਕਾਂ ਦੀ ਹੱਤਿਆ ਕਰ ਦਿੱਤੀ ਸੀ। ਨਾਬਾਲਗ ਅਮਰਜੀਤ ਸਦਾ ਦਾ ਦਿਮਾਗ ਕਿਸੇ ਸ਼ੈਤਾਨ ਤੋਂ ਘੱਟ ਨਹੀਂ ਹੈ।
ਦੁਨੀਆ ਦਾ ਸਭ ਤੋਂ ਛੋਟਾ ਸੀਰੀਅਲ ਕਿਲਰ
ਦਰਅਸਲ, ਇਹ ਬੱਚਾ ਬਿਹਾਰ ਦੇ ਮੁੰਗੇਰ ਦਾ ਰਹਿਣ ਵਾਲਾ ਹੈ। ਜਿਸ ਦਾ ਨਾਮ ਅਮਰਜੀਤ ਸਦਾ ਹੈ। ਜਿਸ ਨੇ 8 ਸਾਲ ਦੀ ਉਮਰ ‘ਚ ਤਿੰਨ ਕਤਲ ਇੰਨੇ ਬੇਰਹਿਮ ਤਰੀਕੇ ਨਾਲ ਕੀਤੇ ਸਨ ਕਿ ਪੁਲਸ ਵਾਲਿਆਂ ਦੇ ਵੀ ਉਨ੍ਹਾਂ ਨੂੰ ਦੇਖ ਕੇ ਰੌਂਗਟੇ ਖੜੇ ਹੋ ਗਏ ਸੀ। ਜਿਨ੍ਹਾਂ ਤਿੰਨਾਂ ਨੂੰ ਅਮਰਜੀਤ ਨੇ ਮਾਰਿਆ ਸੀ। ਇਨ੍ਹਾਂ ‘ਚੋਂ ਦੋ ਉਸ ਦੇ ਪਰਿਵਾਰਕ ਮੈਂਬਰ ਸਨ, ਜਿਨ੍ਹਾਂ ‘ਚ ਇਕ ਦੀ ਉਮਰ 6 ਸਾਲ ਸੀ ਅਤੇ ਦੂਜੀ ਉਸ ਦੀ 8 ਮਹੀਨੇ ਦੀ ਭੈਣ ਸੀ। ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਉਸ ਨੇ ਆਪਣੇ ਗੁਆਂਢੀ ਦੀ 6 ਮਹੀਨੇ ਦੀ ਬੱਚੀ ਦਾ ਵੀ ਕਤਲ ਕਰ ਦਿੱਤਾ ਸੀ। ਬੱਚੇ ਦੇ ਖੁਲਾਸੇ ਤੋਂ ਬਿਹਾਰ ਹੀ ਨਹੀਂ, ਪੂਰਾ ਦੇਸ਼ ਹੈਰਾਨ
ਦੱਸ ਦੇਈਏ ਕਿ ਇਹ ਖੌਫਨਾਕ ਘਟਨਾ 2006 ਤੋਂ 2007 ਦਰਮਿਆਨ ਵਾਪਰੀ ਸੀ। 8 ਸਾਲ ਦੀ ਉਮਰ ਵਿੱਚ ਅਮਰਜੀਤ ਸਦਾ ਨੇ ਬੇਰਹਿਮੀ ਨਾਲ ਤਿੰਨ ਕਤਲ ਕੀਤੇ ਸਨ। ਹਾਲਾਂਕਿ ਪੁਲਸ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਸੀ। ਜਿਸ ਉਮਰ ਵਿੱਚ ਬੱਚੇ ਖੇਡਦੇ ਅਤੇ ਸਕੂਲ ਜਾਂਦੇ ਹਨ, ਅਮਰਜੀਤ ਦਾ ਨਾਂ ਦੁਨੀਆ ਦੇ ਸਭ ਤੋਂ ਘੱਟ ਉਮਰ ਦੇ ਸੀਰੀਅਲ ਕਿਲਰਸ ਵਿੱਚ ਸ਼ਾਮਲ ਹੋ ਗਿਆ ਸੀ। ਜਦੋਂ ਬਿਹਾਰ ਪੁਲਿਸ ਨੇ ਬੱਚੇ ਨੂੰ ਗ੍ਰਿਫਤਾਰ ਕਰਕੇ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਹੈਰਾਨ ਕਰਨ ਵਾਲੇ ਖੁਲਾਸੇ ਕੀਤੇ ਅਤੇ ਪੂਰਾ ਦੇਸ਼ ਹੈਰਾਨ ਰਹਿ ਗਿਆ। ਉਸ ਦੌਰਾਨ ਅਮਰਜੀਤ ਨੇ ਪੁਲੀਸ ਨੂੰ ਦੱਸਿਆ ਸੀ ਕਿ ਉਸ ਨੂੰ ਕਤਲ ਵਿੱਚ ਹੋਈ ਤਕਲੀਫ਼ ਦੇਖ ਕੇ ਮਜ਼ਾ ਆਉਂਦਾ ਸੀ, ਇਸੇ ਕਾਰਨ ਉਸ ਨੇ ਇਹ ਕਤਲ ਕੀਤੇ ਹਨ।
