ਮੁੰਬਈ | ਬਾਲੀਵੁੱਡ ਐਕਟ੍ਰੈੱਸ ਈਸ਼ਾ ਗੁਪਤਾ ਅਕਸਰ ਆਪਣੀ ਬੋਲਡਨੈੱਸ ਕਾਰਨ ਸੁਰਖੀਆਂ ‘ਚ ਰਹਿੰਦੀ ਹੈ। ਸੋਸ਼ਲ ਮੀਡੀਆ ‘ਤੇ ਆਏ ਦਿਨ ਉਹ ਆਪਣੇ ਬੋਲਡ ਫੋਟੋਸ਼ੂਟ ਦੀਆਂ ਝਲਕੀਆਂ ਦਿਖਾਉਂਦੀ ਰਹਿੰਦੀ ਹੈ ਤੇ ਪ੍ਰਸ਼ੰਸਕਾਂ ਨੂੰ ਵੀ ਉਸ ਦੀ ਅਜਿਹੀ ਪੋਸਟ ਦਾ ਬੇਸਬਰੀ ਨਾਲ ਇੰਤਜ਼ਾਰ ਰਹਿੰਦਾ ਹੈ।
ਈਸ਼ਾ ਗੁਪਤਾ ਨੇ ਹਾਲ ਹੀ ‘ਚ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਨੂੰ ਦੇਖ ਕੇ ਲੋਕਾਂ ਨੂੰ ਆਪਣੀਆਂ ਅੱਖਾਂ ‘ਤੇ ਯਕੀਨ ਨਹੀਂ ਹੋ ਰਿਹਾ। ਦਰਅਸਲ ਈਸ਼ਾ ਗੁਪਤਾ ਨੇ ਆਪਣੇ ਬਾਥਰੂਮ ਵਿੱਚ ਇਕ ਵੀਡੀਓ ਬਣਾਈ ਹੈ, ਜਿਸ ਵਿੱਚ ਉਹ ਫਲੋਰਲ ਪ੍ਰਿੰਟ ਬਿਕਨੀ ‘ਚ ਨਜ਼ਰ ਆ ਰਹੀ ਹੈ।
ਮਿੰਟਾਂ ਵਿੱਚ ਵਾਇਰਲ ਹੋਇਆ ਵੀਡੀਓ
ਈਸ਼ਾ ਗੁਪਤਾ ਦਾ ਇਹ ਵੀਡੀਓ ਕੁਝ ਮਿੰਟ ਪਹਿਲਾਂ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਦੇ ਬੈਕਗਰਾਊਂਡ ‘ਚ ਡੋਜਾ ਕੈਟ ਦਾ ਮਸ਼ਹੂਰ ਗੀਤ ਅੱਪ ਐਂਡ ਡਾਊਨ ਚੱਲ ਰਿਹਾ ਹੈ। ਈਸ਼ਾ ਗੁਪਤਾ ਨੇ ਸ਼ੀਸ਼ੇ ਨੂੰ ਦੇਖਦੇ ਹੋਏ ਇਹ ਵੀਡੀਓ ਬਣਾਈ ਹੈ।
ਇਸ ਵੀਡੀਓ ‘ਚ ਅਭਿਨੇਤਰੀ ਆਪਣੇ ਵਾਲ ਬਣਾਉਂਦੀ ਨਜ਼ਰ ਆ ਰਹੀ ਹੈ। ਈਸ਼ਾ ਗੁਪਤਾ ਦਾ ਇਹ ਵੀਡੀਓ ਸਾਹਮਣੇ ਆਉਂਦੇ ਹੀ ਕੁਝ ਹੀ ਮਿੰਟਾਂ ‘ਚ ਵਾਇਰਲ ਹੋ ਗਿਆ ਹੈ।
ਫੈਨਜ਼ ਦੇ ਰਹੇ ਅਜਿਹਾ ਰਿਐਕਸ਼ਨ
ਈਸ਼ਾ ਗੁਪਤਾ ਦੇ ਇਸ ਵੀਡੀਓ ਨੂੰ ਦੇਖ ਕੇ ਫੈਨਜ਼ ਲਗਾਤਾਰ ਕਮੈਂਟਸ ‘ਤੇ ਕਮੈਂਟਸ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਯੇ ਸਬ ਜਿਮ ਕਾ ਕਮਾਲ ਹੈ ਬਾਬੂ ਭਈਆ…।’ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਈਸ਼ਾ ਗੁਪਤਾ ਵਰਗਾ ਕੋਈ ਨਹੀਂ… ਤੁਹਾਡਾ ਆਤਮਵਿਸ਼ਵਾਸ ਲਾਜਵਾਬ ਹੈ।’
ਜਿੱਥੇ ਪ੍ਰਸ਼ੰਸਕ ਈਸ਼ਾ ਗੁਪਤਾ ਦੀ ਤਾਰੀਫ ਕਰਦੇ ਨਹੀਂ ਥੱਕ ਰਹੇ, ਉਥੇ ਹੀ ਟ੍ਰੋਲਸ ਨੇ ਈਸ਼ਾ ਨੂੰ ਨਿਸ਼ਾਨਾ ਬਣਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਈਸ਼ਾ ਗੁਪਤਾ ਦੇ ਇਸ ਵੀਡੀਓ ‘ਤੇ ਟ੍ਰੋਲਸ ਨੇ ਭੱਦੇ ਕੁਮੈਂਟ ਕਰਨੇ ਸ਼ੁਰੂ ਕਰ ਦਿੱਤੇ ਹਨ।
‘ਨਕਾਬ’ ਦੇ ਜ਼ਰੀਏ ਬਟੋਰੀਆਂ ਸੁਰਖੀਆਂ
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਈਸ਼ਾ ਗੁਪਤਾ ਨੂੰ ਹਾਲ ਹੀ ‘ਚ ਐੱਮਐਕਸ ਪਲੇਅਰ ਦੀ ਵੈੱਬ ਸੀਰੀਜ਼ ‘ਨਕਾਬ’ ਵਿੱਚ ਦੇਖਿਆ ਗਿਆ ਸੀ। ਈਸ਼ਾ ਗੁਪਤਾ ਨੇ ਇਸ ਸੀਰੀਜ਼ ‘ਚ ਅਫਸਰ ਅਦਿਤੀ ਆਮਰੇ ਦੀ ਭੂਮਿਕਾ ਨਿਭਾਈ ਸੀ।
ਇਸ ਸੀਰੀਜ਼ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਨੇ ਈਸ਼ਾ ਗੁਪਤਾ ਦੀ ਖੂਬ ਤਾਰੀਫ ਕੀਤੀ। ‘ਨਕਾਬ’ ਵਿੱਚ ਈਸ਼ਾ ਗੁਪਤਾ ਤੋਂ ਇਲਾਵਾ ਮੱਲਿਕਾ ਸ਼ੇਰਾਵਤ ਅਤੇ ਗੌਤਮ ਰੋਡੇ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ।
ਖਬਰਾਂ ਦੇ ਅਪਡੇਟ ਸਿੱਧਾ ਤੁਹਾਡੇ ਮੋਬਾਇਲ ‘ਤੇ
- ਪੂਰੇ ਪੰਜਾਬ ਦੀਆਂ ਖਬਰਾਂ ਲਈ ਟੈਲੀਗ੍ਰਾਮ ਐਪ ਉਤੇ Punjabi Bulletin ਚੈਨਲ ਨਾਲ ਜੁੜੋ https://t.me/punjabibulletin
- ਪੰਜਾਬੀ ਬੁਲੇਟਿਨ ਦੇ ਵਟਸਐਪ ਗਰੁੱਪ ਨਾਲ ਜੁੜੋ