ਤੇਲੰਗਾਨਾ| ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਇੱਕ ਵਿਅਕਤੀ ਅੱਗ ਦੇ ਆਲੇ-ਦੁਆਲੇ ਘੁੰਮਦਾ ਨਜ਼ਰ ਆ ਰਿਹਾ ਹੈ ਅਤੇ ਫਿਰ ਆਪਣੇ ਨੰਗੇ ਹੱਥਾਂ ਨਾਲ ਅੱਗ ਵਿੱਚੋਂ ਇੱਕ ਡੰਡੇ ਨੂੰ ਚੁੱਕਦਾ ਹੈ।
ਦੱਸਿਆ ਗਿਆ ਹੈ ਕਿ ਪੰਚਾਇਤ ਦੇ ਹੁਕਮਾਂ ‘ਤੇ ਆਪਣੀ ਵਫ਼ਾਦਾਰੀ ਸਾਬਤ ਕਰਨ ਲਈ ਵਿਅਕਤੀ ਨੂੰ ਇਸ ਤਰ੍ਹਾਂ ‘ਅਗਨੀਪਰੀਕਸ਼ਾ’ ਦੇਣੀ ਪਈ। ਦਰਅਸਲ, ਇਸ ਵਿਅਕਤੀ ‘ਤੇ ਦੋਸ਼ ਸੀ ਕਿ ਉਸ ਦੇ ਵੱਡੇ ਭਰਾ ਦੀ ਪਤਨੀ ਨਾਲ ਅਫੇਅਰ ਹੈ। ਫਿਰ ਕੀ ਬਚਿਆ? ਪਿੰਡ ਦੀ ਪੰਚਾਇਤ ਨੇ ਇਸ ਵਿਅਕਤੀ ਨੂੰ ਬਲਦੇ ਕੋਲੇ ਵਿੱਚੋਂ ਡੰਡਾ ਕੱਢਣ ਦਾ ਹੁਕਮ ਦਿੱਤਾ।
ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ਦੇ ਕਈ ਪਲੇਟਫਾਰਮਾਂ ‘ਤੇ ਵਾਇਰਲ ਹੋ ਰਹੀ ਹੈ। ਇਹ ਵੀਡੀਓ ਤੇਲੰਗਾਨਾ ਦੇ ਮੁਲੁਗੂ ਪਿੰਡ ਦਾ ਹੈ। ਵੀਡੀਓ ਵਿੱਚ ਇੱਕ ਆਦਮੀ ਨੂੰ ਹੱਥ ਜੋੜ ਕੇ ਦਿਖਾਇਆ ਗਿਆ ਹੈ ਇਹ ਵਿਅਕਤੀ ਗਰਮ ਕੋਲਿਆਂ ਉਤੋਂ ਦੀ ਲੰਘ ਰਿਹਾ ਹੈ।