ਨਿਊਜ਼ ਡੈਸਕ| ਅੱਜ ਦੀ ਤੇਜ਼ ਰਫ਼ਤਾਰ ਜੀਵਨ ਸ਼ੈਲੀ ਵਿੱਚ, ਸਾਡੀਆਂ ਖਾਣ-ਪੀਣ ਦੀਆਂ ਆਦਤਾਂ ਨੇ ਪੌਸ਼ਟਿਕਤਾ ਨਾਲੋਂ ਸਵਾਦ ਨੂੰ ਪਹਿਲ ਦੇ ਕੇ ਸਾਨੂੰ ਮੋਟਾਪੇ ਤੇ ਹੋਰ ਬਿਮਾਰੀਆਂ ਵੱਲ ਕਰ ਦਿੱਤਾ ਹੈ। ਅਸਲ ਵਿਚ ਫਾਸਟ ਫੂਡ ਨੇ ਇਨਸਾਨਾਂ ਦੀ ਜ਼ਿੰਦਗੀ ਨੂੰ ਖਰਾਬ ਕਰਕੇ ਰੱਖ ਦਿੱਤਾ ਹੈ।
ਫਾਸਟ ਫੂਡ ਨੇ ਸਿਹਤ ਵਿਚ ਕਾਫੀ ਨੁਕਸਾਨਦਾਇਕ ਰੋਲ ਨਿਭਾਇਆ ਹੈ। ਫਾਸਟ ਫੂਡ ਨਾਲ ਜੁੜੀ ਤਾਜ਼ਾ ਜਾਣਕਾਰੀ ਕਾਫੀ ਨਿਰਾਸ਼ ਕਰ ਸਕਦੀ ਹੈ।ਹਾਲੀਆ ਖੋਜ ਤੋਂ ਇਹ ਚੇਤਾਵਨੀ ਸਾਹਮਣੇ ਆਈ ਹੈ ਕਿ ਪਿੱਜ਼ਾ ਅਤੇ ਕਰਿਸਪੀ ਸਨੈਕਸ ਦਾ ਨਿਯਮਤ ਸੇਵਨ ਕਰਨ ਨਾਲ ਗਲੇ ਅਤੇ ਮੂੰਹ ਦੇ ਕੈਂਸਰ ਦਾ ਖ਼ਤਰਾ 25 ਪ੍ਰਤੀਸ਼ਤ ਤੱਕ ਵਧ ਸਕਦਾ ਹੈ। ਇਹ ਅਧਿਐਨ 450,000 ਲੋਕਾਂ ਦੇ ਖੁਰਾਕ ਦੇ ਪੈਟਰਨਾਂ ਉੱਤੇ ਕੀਤਾ ਗਿਆ ਹੈ ਤੇ ਇਸ ਦੇ ਨਤੀਜੇ ਕਾਫੀ ਚਿੰਤਾਜਨਕ ਹਨ।
ਗਲੋਬਲ ਡਾਇਬੀਟੀਜ਼ ਕਮਿਊਨਿਟੀ ਦੀ ਖੋਜ ਇਸ ਗੱਲ ‘ਤੇ ਜ਼ੋਰ ਦਿੰਦੀ ਹੈ ਕਿ ਅਲਟਰਾ-ਪ੍ਰੋਸੈਸਡ ਭੋਜਨ ਅਤੇ ਕੈਂਸਰ ਦੇ ਜੋਖਮ ਦੇ ਵਿਚਕਾਰ ਖਤਰਨਾਕ ਸਬੰਧ ਖਾਸ ਤੌਰ ‘ਤੇ ਉਨ੍ਹਾਂ ਲੋਕਾਂ ਵਿੱਚ ਸਪੱਸ਼ਟ ਹੁੰਦਾ ਹੈ ਜੋ ਨਿਯਮਿਤ ਤੌਰ ‘ਤੇ 350 ਗ੍ਰਾਮ ਇਨ੍ਹਾਂ ਚੀਜ਼ਾਂ ਦਾ ਸੇਵਨ ਕਰਦੇ ਹਨ।
ਖਾਸ ਤੌਰ ‘ਤੇ, ਪਿੱਜ਼ਾ ਅਤੇ ਕਰਿਸਪੀ ਸਨੈਕਸ ਅਲਟਰਾ-ਪ੍ਰੋਸੈਸਡ ਭੋਜਨ ਵਿੱਚ ਲਈ ਮੁੱਖ ਦੋਸ਼ੀ ਹਨ, ਜਿਸ ਵਿੱਚ ਕੇਕ, ਮਿੱਠੇ ਪੀਣ ਵਾਲੇ ਪਦਾਰਥ, ਮਠਿਆਈਆਂ ਅਤੇ ਵੱਖ-ਵੱਖ ਫਾਸਟ ਫੂਡ ਸ਼ਾਮਲ ਹਨ। 350 ਗ੍ਰਾਮ ਪੀਜ਼ਾ ਨਾਲ ਸਬੰਧਿਤ ਕੈਂਸਰ ਦਾ ਖਤਰਾ ਕਰਿਸਪੀ ਸਨੈਕਸ ਦੇ ਇੱਕ ਪੈਕੇਟ ਦੇ ਸੇਵਨ ਦੇ ਬਰਾਬਰ ਹੈ।
ਦਿਲਚਸਪ ਗੱਲ ਇਹ ਹੈ ਕਿ, ਅਧਿਐਨ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਨੌਜਵਾਨ ਸਰੀਰਕ ਤੌਰ ‘ਤੇ ਐਕਟਿਵ ਹੋਣ ਕਾਰਨ ਅਲਟਰਾ-ਪ੍ਰੋਸੈਸਡ ਭੋਜਨ ਦਾ ਵਧੇਰੇ ਸੇਵਨ ਕਰਦੇ ਹਨ। ਦਿਲਚਸਪ ਗੱਲ ਇਹ ਹੈ ਕਿ, ਜਿਹੜੇ ਲੋਕ ਇਨ੍ਹਾਂ ਭੋਜਨਾਂ ਦਾ ਜ਼ਿਆਦਾ ਸੇਵਨ ਕਰਦੇ ਹਨ, ਉਨ੍ਹਾਂ ਵਿੱਚ ਸ਼ਰਾਬ ਦੀ ਖਪਤ ਦਾ ਘੱਟ ਝੁਕਾਅ ਦੇਖਿਆ ਗਿਆ ਹੈ। ਹਾਲਾਂਕਿ ਜੋ ਲੋਕ ਸ਼ਰਾਬ ਨਾ ਪੀ ਕੇ ਫਾਸਟ ਫੂਡ ਰਾਹੀਂ ਜ਼ਿਆਦਾ ਚਰਬੀ, ਸੋਡੀਅਮ, ਅਤੇ ਕਾਰਬੋਹਾਈਡਰੇਟ ਵਰਗੇ ਤੱਤ ਸਰੀਰ ਵਿੱਚ ਲੈਂਦੇ ਹਨ, ਉਨ੍ਹਾਂ ਦੀ ਸਿਹਤ ਨੂੰ ਓਨਾ ਹੀ ਨੁਕਸਾਨ ਹੁੰਦਾ ਹੈ।
ਇਸ ਅਧਿਐਨ ਦੇ ਲੇਖਕ ਫਰਨਾਂਡਾ ਮੋਰਾਲੇਸ ਬਰਸਟੀਨ ਦਾ ਕਹਿਣਾ ਹੈ ਕਿ ਅਲਟਰਾ-ਪ੍ਰੋਸੈਸਡ ਭੋਜਨ ਦੇ ਸੇਵਨ ਅਤੇ ਸਰੀਰ ਦੇ ਉਪਰਲੇ ਹਿੱਸੇ ਦੇ ਕੈਂਸਰ ਦੇ ਵਿਕਾਸ ਦੇ ਜੋਖਮ ਦੇ ਵਿਚਕਾਰ ਸਿੱਧੇ ਸਬੰਧ ਦੇਖੇ ਗਏ ਹਨ। ਯੂਰੋਪੀਅਨ ਜਰਨਲ ਆਫ਼ ਨਿਊਟ੍ਰੀਸ਼ਨ ਵਿੱਚ ਪ੍ਰਕਾਸ਼ਿਤ, ਇਹ ਰਿਸਰਚ ਚੰਗੀਆਂ ਖਾਣ-ਪੀਣ ਦੀਆਂ ਆਦਤਾਂ ਦੇ ਮਹੱਤਵ ਉੱਤੇ ਜ਼ੋਰ ਦਿੰਦੀ ਹੈ।