ਲੁਧਿਆਣਾ, 30 ਜਨਵਰੀ | ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਅੱਜ ਯਾਨੀ 30 ਜਨਵਰੀ ਨੂੰ ਬਿਜਲੀ ਦੀ ਸਪਲਾਈ ਪ੍ਰਭਾਵਿਤ ਰਹਿਣ ਵਾਲੀ ਹੈ। ਪਾਵਰਕਾਮ (PSPCL) ਵੱਲੋਂ ਜ਼ਰੂਰੀ ਮੁਰੰਮਤ ਅਤੇ ਰੱਖ-ਰਖਾਅ ਦੇ ਕੰਮਾਂ ਕਾਰਨ ਲੁਧਿਆਣਾ, ਗੁਰਦਾਸਪੁਰ, ਨੰਗਲ ਅਤੇ ਬੰਗਾ ਦੇ ਕਈ ਇਲਾਕਿਆਂ ਵਿੱਚ ਬਿਜਲੀ ਕੱਟ ਲਗਾਉਣ ਦਾ ਐਲਾਨ ਕੀਤਾ ਗਿਆ ਹੈ।
ਲੁਧਿਆਣਾ ਤੇ ਬੰਗਾ ਵਿੱਚ ਕੱਟ ਦਾ ਸਮਾਂ: ਲੁਧਿਆਣਾ ਦੇ ਹੁਸੈਨਪੁਰਾ ਫੀਡਰ ਅਧੀਨ ਆਉਂਦੇ ਇਲਾਕਿਆਂ ਵਿੱਚ ਸਵੇਰੇ 11:30 ਤੋਂ ਸ਼ਾਮ 6 ਵਜੇ ਤੱਕ ਬਿਜਲੀ ਗੁੱਲ ਰਹੇਗੀ। ਉੱਥੇ ਹੀ, ਬੰਗਾ ਦੇ ਗੋਸਲਾਂ ਫੀਡਰ ਦੀ ਮੁਰੰਮਤ ਕਾਰਨ ਪਿੰਡ ਪੁਨੀਆ, ਅੰਬੇਡਕਰ ਨਗਰ, ਦੁਸਾਂਝ ਖੁਰਦ, ਭਰੋ ਮਜ਼ਾਰਾ ਅਤੇ ਮੱਲੂਪੋਤਾ ਸਮੇਤ ਕਈ ਪਿੰਡਾਂ ਵਿੱਚ ਸਵੇਰੇ 9 ਤੋਂ ਸ਼ਾਮ 5 ਵਜੇ ਤੱਕ ਸਪਲਾਈ ਬੰਦ ਰਹੇਗੀ।
ਨੰਗਲ ਅਤੇ ਗੁਰਦਾਸਪੁਰ ਦੇ ਪ੍ਰਭਾਵਿਤ ਇਲਾਕੇ: ਨੰਗਲ ਦੇ ਰੇਲਵੇ ਰੋਡ, ਰਾਜ ਨਗਰ ਅਤੇ ਇੰਦਰਾ ਨਗਰ ਵਿੱਚ ਸਵੇਰੇ 10 ਤੋਂ ਸ਼ਾਮ 4 ਵਜੇ ਤੱਕ ਕੱਟ ਲੱਗੇਗਾ। ਗੁਰਦਾਸਪੁਰ ਸ਼ਹਿਰ ਦੇ ਮੁੱਖ ਬਾਜ਼ਾਰ, ਹਨੂੰਮਾਨ ਚੌਂਕ, ਲਾਇਬ੍ਰੇਰੀ ਰੋਡ ਅਤੇ ਤ੍ਰਿਮੋ ਰੋਡ ਵਰਗੇ ਭੀੜ-ਭੜੱਕੇ ਵਾਲੇ ਇਲਾਕਿਆਂ ਵਿੱਚ ਸਵੇਰੇ 10 ਤੋਂ ਸ਼ਾਮ 5 ਵਜੇ ਤੱਕ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹੇਗੀ। ਵਿਭਾਗ ਨੇ ਖਪਤਕਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੇ ਜ਼ਰੂਰੀ ਕੰਮ ਇਸ ਸਮੇਂ ਮੁਤਾਬਕ ਨਿਪਟਾ ਲੈਣ।