ਰਾਜਸਥਾਨ| ਪਿਆਰ ਦੇ ਦਰਦਨਾਕ ਅੰਤ ਦੀ ਕਹਾਣੀ ਸੂਬੇ ਦੀ ਰਾਜਧਾਨੀ ਜੈਪੁਰ ਤੋਂ ਸਾਹਮਣੇ ਆਈ ਹੈ। ਟੋਂਕ ਰੋਡ ਨਹਿਰੂ ਪੈਲੇਸ ਸਥਿਤ ਪੰਜਾਬ ਨੈਸ਼ਨਲ ਬੈਂਕ ਦੀ ਮਾਰਕੀਟਿੰਗ ਮੈਨੇਜਰ ਸੁਰਭੀ ਕੁਮਾਵਤ ਨੇ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਇਹ ਘਟਨਾ ਸ਼ਨੀਵਾਰ 1 ਅਕਤੂਬਰ ਦੀ ਅੱਧੀ ਰਾਤ ਤੋਂ ਬਾਅਦ ਦੀ ਹੈ। ਉਹ ਆਪਣੇ ਪਤੀ ਅਤੇ 5 ਸਾਲ ਦੀ ਬੇਟੀ ਨਾਲ ਮੁਹਾਣਾ ਇਲਾਕੇ ਦੇ ਇੱਕ ਅਪਾਰਟਮੈਂਟ ਵਿੱਚ ਰਹਿ ਰਹੀ ਸੀ। ਖੁਦਕੁਸ਼ੀ ਤੋਂ ਬਾਅਦ ਪਤੀ ਦੀ ਸੂਚਨਾ 'ਤੇ ਮੌਕੇ'ਤੇ ਪਹੁੰਚੀ ਮੁਹਾਣਾ ਪੁਲਸ ਨੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਨੂੰ ਮੌਕੇ ਤੋਂ ਇੱਕ ਸੁਸਾਈਡ ਨੋਟ ਵੀ ਮਿਲਿਆ ਹੈ। ਇਸ ਵਿੱਚ ਉਸ ਨੇ ਲਿਖਿਆ ਹੈ ਕਿ ਪਤੀ ਮੇਰੇ ਅਤੇ ਬੇਟੀ ਨਾਲ ਨਫ਼ਰਤ ਕਰਦਾ ਹੈ। ਇਸ ਲਈ ਮੈਂ ਪਰੇਸ਼ਾਨ ਹੋ ਕੇ ਜਾ ਰਹੀ ਹਾਂ। ਪੁਲਸ ਨੇ ਖੁਦਕੁਸ਼ੀ ਨੋਟ ਨੂੰ ਕਬਜ਼ੇ 'ਚ ਲੈ ਕੇ ਲਾਸ਼ ਦਾ ਪੋਸਟਮਾਰਟਮ ਕਰਵਾ ਕੇ ਵਾਰਸਾਂ ਨੂੰ ਸੌਂਪ ਦਿੱਤੀ ਹੈ। ਮੁਹਾਣਾ ਥਾਣਾ ਦੇ ਮੁੱਖੀ ਲਖਨ ਖਟਾਨਾ ਅਨੁਸਾਰ ਘਟਨਾ ਐਤਵਾਰ ਨੂੰ ਵਾਪਰੀ। ਖੁਦਕੁਸ਼ੀ ਕਰਨ ਵਾਲੀ ਬੈਂਕ ਅਧਿਕਾਰੀ ਦਾ ਨਾਂ ਸੁਰਭੀ ਕੁਮਾਵਤ ਹੈ। ਉਹ ਜੈਪੁਰ ਦੇ ਟੋਂਕ ਰੋਡ 'ਤੇ ਸਥਿਤ ਪੰਜਾਬ ਨੈਸ਼ਨਲ ਬੈਂਕ 'ਚ ਬਤੌਰ ਮਾਰਕੀਟਿੰਗ ਮੈਨੇਜਰ ਕੰਮ ਕਰ ਰਹੀ ਸੀ। ਪੁਲਸ ਨੂੰ ਸੁਰਭੀ ਦੇ ਪਤੀ ਤੋਂ ਫਾਹਾ ਲੈਣ ਦੀ ਸੂਚਨਾ ਮਿਲੀ। ਇਸ 'ਤੇ ਪੁਲੀਸ ਨੇ ਮੌਕੇ 'ਤੇ ਪਹੁੰਚ ਕੇ ਐਫ.ਐਸ.ਐਲ. ਟੀਮ ਨੂੰ ਬੁਲਾਇਆ। ਸੁਰਭੀ ਆਪਣੇ ਫਲੈਟ ਦੇ ਇੱਕ ਕਮਰੇ ਵਿੱਚ ਗੋਡਿਆਂ ਭਾਰ ਲਟਕ ਰਹੀ ਸੀ। ਸੁਰਭੀ ਕੁਮਾਵਤ (30) ਟੋਂਕ ਜ਼ਿਲ੍ਹੇ ਦੀ ਰਹਿਣ ਵਾਲੀ ਸੀ। ਕਈ ਸਾਲਾਂ ਤੋਂ ਉਨ੍ਹਾਂ ਦਾ ਪਰਿਵਾਰ ਜੈਪੁਰ ਵਿੱਚ ਰਹਿੰਦਾ ਹੈ।
Note : ਪੰਜਾਬ ਦੀਆਂ ਜ਼ਰੂਰੀ ਖਬਰਾਂ ਦੇ ਅਪਡੇਟਸ ਮੋਬਾਇਲ ‘ਤੇ ਮੰਗਵਾਉਣ ਲਈ ਸਾਡੇ ਵਟਸਐਪ ਜਾਂ ਟੈਲੀਗ੍ਰਾਮ ਗਰੁੱਪ ਨਾਲ ਜ਼ਰੂਰ ਜੁੜੋ। Whatsapp : https://bit.ly/3RnHnnm Telegram https://bit.ly/3y73aJ2)