ਨੈਸ਼ਨਲ ਡੈਸਕ, 22 ਨਵੰਬਰ | ਦੁਨੀਆ ਦੇ ਦੋ ਸਭ ਤੋਂ ਮਸ਼ਹੂਰ ਤੇ ਰਹੱਸਮਈ ਭਵਿੱਖ ਵਕਤਾਵਾਂ ਨੇ 2025 ਲਈ ਹੈਰਾਨ ਕਰਨ ਵਾਲੀਆਂ ਭਵਿੱਖਬਾਣੀਆਂ ਕੀਤੀਆਂ ਹਨ। ਨਾਸਤਰੇਦਮਸ ਤੇ ਬਾਬਾ ਵੇਂਗਾ ਨੇ ਦਾਅਵਾ ਕੀਤਾ ਹੈ ਕਿ ਅਗਲੇ ਸਾਲ ਯੂਰਪ ‘ਚ ਭਿਆਨਕ ਤਬਾਹੀ ਹੋਵੇਗੀ। ਬਾਬਾ ਵੇਂਗਾ ਅਨੁਸਾਰ ਇਸ ਤਬਾਹੀ ਦਾ ਯੂਰਪੀ ਮਹਾਂਦੀਪ ਦੀ ਆਬਾਦੀ ‘ਤੇ ਵੀ ਅਸਰ ਪਵੇਗਾ।
ਨਾਸਤਰੇਦਮਸ ਤੇ ਬਾਬਾ ਵੇਂਗਾ ਨੇ 2025 ‘ਚ ਯੂਰਪ ‘ਚ ਭਿਆਨਕ ਯੁੱਧ ਦੀ ਭਵਿੱਖਬਾਣੀ ਕੀਤੀ ਹੈ। ਸੋਲ੍ਹਵੀਂ ਸਦੀ ਦੇ ਫਰਾਂਸੀਸੀ ਜੋਤਸ਼ੀ ਤੇ ਡਾਕਟਰ ਨਾਸਤਰੇਦਮਸ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਯੂਰਪ ਦੀ ਧਰਤੀ ਵਹਿਸ਼ੀ ਯੁੱਧਾਂ ‘ਚ ਕਿਵੇਂ ਸ਼ਾਮਲ ਹੋਵੇਗੀ। ਦੂਜੇ ਪਾਸੇ ਬਾਬਾ ਵੇਂਗਾ ਨੇ ਵੀ 2025 ਵਿੱਚ ਯੂਰਪ ਵਿੱਚ ਜੰਗ ਦੀ ਭਵਿੱਖਬਾਣੀ ਕੀਤੀ ਹੈ।
ਬੁਲਗਾਰੀਆ ਦੀ ਭਵਿੱਖ ਵਕਤਾ ਬਾਬਾ ਵੇਂਗਾ ਦੀਆਂ ਭਵਿੱਖਬਾਣੀਆਂ ਨੇ ਹਮੇਸ਼ਾ ਲੋਕਾਂ ਨੂੰ ਹੈਰਾਨ ਕੀਤਾ ਹੈ। ਬਾਬਾ ਵੇਂਗਾ ਦਾ ਜਨਮ 1911 ‘ਚ ਹੋਇਆ ਸੀ। ਉਹ ਬਚਪਨ ਤੋਂ ਹੀ ਅੰਨ੍ਹੀ ਸੀ ਤੇ ਉਨ੍ਹਾਂ ਆਪਣੀ ਮੌਤ ਦੀ ਤਰੀਕ ਪਹਿਲਾਂ ਹੀ ਦੱਸ ਦਿੱਤੀ ਸੀ। ਬਾਬਾ ਵੇਂਗਾ ਅਨੁਸਾਰ 2025 ਦੀ ਜੰਗ ਕਾਰਨ ਮਹਾਂਦੀਪ ਦੀ ਆਬਾਦੀ ‘ਚ ਕਾਫੀ ਕਮੀ ਆ ਸਕਦੀ ਹੈ। ਇਹ ਤਬਾਹੀ ਇੰਨੀ ਵੱਡੀ ਹੋਵੇਗੀ ਕਿ ਇਨਸਾਨਾਂ ਨੂੰ ਬਚਣ ਲਈ ਨਵੇਂ ਸਾਧਨਾਂ ਦੀ ਭਾਲ ਕਰਨੀ ਪਵੇਗੀ।
ਬਾਬਾ ਵੇਂਗਾ ਨੇ ਪਹਿਲਾਂ ਵੀ ਰੂਸ-ਯੂਕਰੇਨ ਯੁੱਧ ਦੀ ਭਵਿੱਖਬਾਣੀ ਕੀਤੀ ਸੀ, ਜੋ ਸੱਚ ਸਾਬਤ ਹੋਈ। ਇੰਨਾ ਹੀ ਨਹੀਂ ਅਮਰੀਕਾ ‘ਤੇ 9-11 ਦੇ ਹਮਲਿਆਂ ਬਾਰੇ ਉਸ ਦੀ ਭਵਿੱਖਬਾਣੀ ਵੀ ਸੱਚ ਸਾਬਤ ਹੋਈ। ਬਾਬਾ ਵੇਂਗਾ 27 ਸਾਲ ਪਹਿਲਾਂ 1996 ‘ਚ ਅਕਾਲ ਚਲਾਣਾ ਕਰ ਗਏ ਸਨ। ਪਰ ਉਨ੍ਹਾਂ 5079 ਤਕ ਦੀ ਭਵਿੱਖਬਾਣੀ ਕੀਤੀ ਹੈ। ਉਨ੍ਹਾਂ ਦਾਅਵਾ ਕੀਤਾ ਹੈ ਕਿ ਸੰਸਾਰ 5079 ਵਿੱਚ ਖ਼ਤਮ ਹੋ ਜਾਵੇਗਾ।
ਉਨ੍ਹਾਂ ਆਪਣੇ 50 ਸਾਲ ਦੇ ਕਰੀਅਰ ਦੌਰਾਨ ਉਨ੍ਹਾਂ ਕੋਰੋਨਾ ਵਾਇਰਸ ਮਹਾਮਾਰੀ, 1986 ‘ਚ ਯੂਕਰੇਨ ‘ਚ ਚੇਰਨੋਬਿਲ ਤਬਾਹੀ ਤੇ 1997 ‘ਚ ਰਾਜਕੁਮਾਰੀ ਡਾਇਨਾ ਦੀ ਮੌਤ ਦੀ ਭਵਿੱਖਬਾਣੀ ਵੀ ਕੀਤੀ ਸੀ। ਵੇਂਗਾ ਨੇ ਇਹ ਵੀ ਸਹੀ ਭਵਿੱਖਬਾਣੀ ਕੀਤੀ ਕਿ 44ਵੇਂ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਪਹਿਲੇ ਕਾਲੇ ਰਾਸ਼ਟਰਪਤੀ ਹੋਣਗੇ, ਹਾਲਾਂਕਿ ਉਨ੍ਹਾਂ ਇਹ ਵੀ ਕਿਹਾ ਸੀ ਕਿ ਉਹ ਆਖਰੀ ਹੋਣਗੇ।