ਨਿਊ ਦਿੱਲੀ| ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਜਨਰਲ ਸਕੱਤਰ ਕੈਲਾਸ਼ ਵਿਜੇਵਰਗੀਯ ਆਪਣੇ ਬਿਆਨ ਨੂੰ ਲੈ ਕੇ ਇੱਕ ਵਾਰ ਫਿਰ ਸਵਾਲਾਂ ਦੇ ਘੇਰੇ ਵਿੱਚ ਆ ਗਏ ਹਨ। ਇਸ ਵਾਰ ਹਨੂੰਮਾਨ ਜੈਅੰਤੀ ‘ਤੇ ਉਨ੍ਹਾਂ ਦੇ ਭਾਸ਼ਣ ਦਾ ਵੀਡੀਓ ਇੰਟਰਨੈੱਟ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਉਸ ਨੇ ਇਸ ਭਾਸ਼ਣ ਵਿਚ ਕਿਹਾ ਕਿ ਕੁਝ ਲੜਕੀਆਂ ਘਰ ਤੋਂ ਅਜਿਹੇ ਕੱਪੜੇ ਪਾ ਕੇ ਨਿਕਲਦੀਆਂ ਹਨ ਕਿ ਮੈਨੂੰ ਲੱਗਦਾ ਹੈ ਕਿ ਕਾਰ ਤੋਂ ਹੇਠਾਂ ਉਤਰ ਕੇ ਉਨ੍ਹਾਂ ਨੂੰ ਥੱਪੜ ਮਾਰ ਦੇਵਾਂ।
ਵਿਜਵਰਗੀਯ ਨੇ ਅੱਗੇ ਕਿਹਾ ਕਿ ਅਸੀਂ ਲੜਕੀਆਂ ਨੂੰ ਦੇਵੀ ਕਹਿੰਦੇ ਹਾਂ ਪਰ ਹੁਣ ਉਨ੍ਹਾਂ ‘ਚ ਦੇਵੀ ਦਾ ਰੂਪ ਦਿਖਾਈ ਨਹੀਂ ਦਿੰਦਾ। ਵਾਇਰਲ ਵੀਡੀਓ ‘ਚ ਭਾਜਪਾ ਦੇ ਜਨਰਲ ਸਕੱਤਰ ਨੂੰ ਇਹ ਕਹਿੰਦੇ ਹੋਏ ਸਾਫ ਸੁਣਿਆ ਜਾ ਸਕਦਾ ਹੈ ਕਿ ਕਈ ਵਾਰ ਜਦੋਂ ਮੈਂ ਪੜ੍ਹੇ-ਲਿਖੇ ਨੌਜਵਾਨਾਂ ਨੂੰ ਨੱਚਦੇ ਅਤੇ ਛਾਲਾਂ ਮਾਰਦੇ ਦੇਖਦਾ ਹਾਂ ਤਾਂ ਮੈਨੂੰ ਲੱਗਦਾ ਹੈ ਕਿ ਮੈਂ ਉਨ੍ਹਾਂ ਦੇ ਚਾਰ-ਪੰਜ ਲਾਵਾਂ। ਮੈਂ ਸੱਚ ਕਹਿ ਰਿਹਾ ਹਾਂ, ਮੈਂ ਭਗਵਾਨ ਹਨੂੰਮਾਨ ਦੀ ਸਹੁੰ ਖਾ ਕੇ ਕਹਿੰਦਾ ਹਾਂ ਕਿ ਜਦੋਂ ਉਹ ਅਜਿਹੇ ਗੰਦੇ ਕੱਪੜੇ ਪਾ ਕੇ ਬਾਹਰ ਨਿਕਲਦੀਆਂ ਹਨ ਤਾਂ ਉਹ ਸਰੂਪਨਖਾ ਵਰਗੀਆਂ ਲੱਗਦੀਆਂ ਹਨ।
ਵਿਜੇਵਰਗੀਯ ਨੇ ਕਿਹਾ ਕਿ ਸੱਚਮੁੱਚ ਰੱਬ ਨੇ ਬਹੁਤ ਸੁੰਦਰ ਸਰੀਰ ਦਿੱਤਾ ਹੈ। ਇਸ ਲਈ ਕੁਝ ਚੰਗੇ ਕੱਪੜੇ ਪਹਿਨੋ ਭਰਾ। ਅੱਜ ਬੱਚਿਆਂ ਵਿੱਚ ਕਦਰਾਂ-ਕੀਮਤਾਂ ਪੈਦਾ ਕਰਨ ਦੀ ਲੋੜ ਹੈ। ਮੈਂ ਇਸ ਗੱਲ ਤੋਂ ਬਹੁਤ ਚਿੰਤਤ ਹਾਂ। ਰਾਤ ਨੂੰ ਜਦੋਂ ਮੈਂ ਘਰੋਂ ਨਿਕਲਦਾ ਹਾਂ ਤਾਂ ਨੌਜਵਾਨਾਂ ਨੂੰ ਸ਼ਰਾਬੀ ਹੋਏ ਦੇਖਦਾ ਹਾਂ। ਦਿਲ ਕਰਦਾ ਹੈ ਕਿ ਕਾਰ ਤੋਂ ਉਤਰ ਕੇ ਉਨ੍ਹਾਂ ਦੇ ਚਾਰ ਪੰਜ ਥੱਪੜ ਮਾਰਾਂ।