ਨਵੀਂ ਦਿੱਲੀ | ਦੇਸ਼ ਭਰ ਵਿੱਚ ਚੱਲ ਰਹੀ ਟੀਕਾਕਰਨ ਪ੍ਰਕਿਰਿਆ ਨੂੰ ਪੂਰਾ ਕਰਨ ਲਈ ਸਾਰੇ ਐਪਸ ਹਿੱਸਾ ਲੈ ਰਹੇ ਹਨ। ਅਜਿਹੇ ‘ਚ ਵਟਸਐਪ ਵੀ ਇਸ ਦੌੜ ਵਿੱਚ ਪਿੱਛੇ ਨਹੀਂ ਹੈ। ਕੰਪਨੀ ਨੇ Mygov India ਤੇ Health Ministry ਨਾਲ ਕਰਾਰ ਕੀਤਾ ਹੈ। ਹੁਣ ਕੋਈ ਵੀ ਉਪਭੋਗਤਾ ਟੀਕਾ ਲਵਾਉਣ ਲਈ WhatsApp ‘ਤੇ ਹੀ ਆਪਣਾ ਸਥਾਨ ਬੁੱਕ ਕਰ ਸਕਦਾ ਹੈ।
ਇਸ ਦੇ ਨਾਲ ਹੀ ਜਿਨ੍ਹਾਂ ਨੇ ਟੀਕਾ ਲਾਇਆ ਗਿਆ ਹੈ, ਉਹ ਆਪਣੇ ਟੀਕਾਕਰਨ ਸਰਟੀਫਿਕੇਟ ਨੂੰ ਵਟਸਐਪ ਰਾਹੀਂ ਡਾਊਨਲੋਡ ਕਰ ਸਕਦੇ ਹਨ। ਕੰਪਨੀ ਦੀ ਇਹ ਪਹਿਲ ਦੇਸ਼ ਦੇ ਸਾਰੇ ਵਟਸਐਪ ਉਪਭੋਗਤਾਵਾਂ ਲਈ ਲਾਭਦਾਇਕ ਸਾਬਤ ਹੋਵੇਗੀ।
ਵਟਸਐਪ ਦੇ ਮੁਖੀ ਵਿਲ ਕੈਥਕਾਰਟ ਨੇ ਇਕ ਟਵੀਟ ਕਰਕੇ ਕਿਹਾ, “ਹੁਣ ਸਾਰੇ ਉਪਭੋਗਤਾ ਵਟਸਐਪ ‘ਤੇ ਹੀ ਆਪਣਾ ਟੀਕਾਕਰਨ ਸਥਾਨ ਬੁੱਕ ਕਰ ਸਕਦੇ ਹਨ। ਟੀਕਾਕਰਨ ਸਰਟੀਫਿਕੇਟ ਕਿਵੇਂ ਡਾਊਨਲੋਡ ਕਰੀਏ, ਬਾਰੇ ਕੰਪਨੀ ਨੇ ਕਿਹਾ ਕਿ ਉਨ੍ਹਾਂ ਨੇ ਮਾਈਗੋਵ ਇੰਡੀਆ ਅਤੇ ਸਿਹਤ ਮੰਤਰਾਲੇ ਨਾਲ ਸਮਝੌਤਾ ਕੀਤਾ ਹੈ। ਹੁਣ ਤੁਸੀਂ ਟੀਕੇ ਲਈ ਅਸਾਨੀ ਨਾਲ ਅਪੁਆਇੰਟਮੈਂਟ ਲੈ ਸਕਦੇ ਹੋ।
ਜਾਣੋ ਕਿਵੇਂ ਬੁੱਕ ਕਰੀਏ ਵੈਕਸੀਨ ਸਲਾਟ
- ਸਭ ਤੋਂ ਪਹਿਲਾਂ MyGov Corona Helpdesk ਚੈਟ ਬਾਕਸ ਨੰਬਰ 9013151515 ਨੂੰ ਸੇਵ ਕਰੋ।
- ਇਸ ਤੋਂ ਬਾਅਦ ਵਟਸਐਪ ‘ਤੇ ਇਸ ਨੰਬਰ ‘ਤੇ Hi ਜਾਂ ਨਮਸਤੇ ਲਿਖੋ।
- ਤੁਹਾਨੂੰ ਸਵਾਲਾਂ ਦੀ ਇੱਕ ਲਿਸਟ ਬਾਰੇ ਪੁੱਛਦੇ ਹੋਏ ਇੱਕ ਸਵੈਚਲਿਤ ਜਵਾਬ ਮਿਲੇਗਾ ਅਤੇ ਤੁਹਾਨੂੰ ਆਪਣਾ ਪਿੰਨਕੋਡ ਦਰਜ ਕਰਨ ਦੀ ਲੋੜ ਹੋਏਗੀ।
- ਇਸ ਤੋਂ ਬਾਅਦ ਬੁੱਕ ਸਲਾਟ ਲਿਖੋ ਅਤੇ ਇਸ ਨੂੰ MYGovIndia ਕੋਰੋਨਾ ਹੈਲਪਡੈਸਕ ‘ਤੇ ਭੇਜੋ।
- ਉਸ ਤੋਂ ਬਾਅਦ OTP ਦੀ ਤਸਦੀਕ ਕਰੋ।
- ਨੇੜਲੇ ਟੀਕਾਕਰਨ ਕੇਂਦਰ ‘ਤੇ ਆਪਣਾ ਟੀਕਾ ਸਲਾਟ ਬੁੱਕ ਕਰੋ।
- ਚੈਟ ਬਾਕਸ ਨੂੰ ਜਵਾਬ ਦੇਣ ਵਿੱਚ ਇੱਕ ਮਿੰਟ ਲੱਗ ਸਕਦਾ ਹੈ।